تجربتى مع زيت ليكوى مولى وشكر خاص لاخى ls1090

**DarkMagician** · 31-03-2012 07:25 PM

المشاركة الأصلية كتبت بواسطة ls1090

ياااا قوم نايل موتورز جمعيا
موضوع الزيت باختصار شديد
اى شركة تصنيع زيوت اعترف بها api وقيمها دا معناه ان الزيت خضع لعدة اختبارات واجتزها يعنى الحمد الله نجح درجة النجاح مختلفة يعنى زيت يجيب امتياز sn وزيت يجيب جيد جدا يصنف sm وزيت يجيب مقبول او جيد sl الى انا عايز اقوله ان الكل نجح بس بدرجات مختلفة
تانى حاجة الزيت مش المسؤال عن اداء المحرك بنسبة 100% لا ممكن الزيت مسؤال عن نسبة تكاد لاتتعدى 30% والنسبة الاخرى تتوزع على نوع الوقود ظروف القيادة حالة شمعات الاشعال فلتر البنزين حالة الرشاشات الخ........
تالت حاجة ليه زيت عندى حلو وعندى صحبى وحش مع العلم انه نفس النوع ده مبنى على حالة 70% من المحرك انا عندى البوجيهات حلوه هو البوجيهات عنده فيها رطوبة انا نعدى دورة الوقودة نظيفة هو حت مره بنزين طلع وحش كتم الرشاشات او فلتر البنزين وهكذا
رابع حاجة اخيار اللزوجة الغلط بمعنى انا محركى 1300 او 1600 وبحط موبيل 5w-50 والعربية بتنعر والسحب تعبان والعربية بتاكل بنزين طيب الكلام ده طبيعى لان محركك صغير وطرمبة الزيت غير مجهزة تسحب الزيت الثقيل اويوه موبيل 1 او اى زيت اخر بنفس اللزوجة لازم النتيجة تكون كدا ويسلام لو تحت الزيت دا فى الشتاء يا راجل توكيل مرسيدس بيحط موبيل 0w-40 لحد محركات 2500 cc
وانت جاى تحت 5w-50 فى مكنة 1300 او 1600
لذلك فى ناس بتقول انا كنت بستخدم موبيل 1 5w-50 او شل 5w-40 وكان تعباااااااااااان مع ذكر الاعارض السالف ذكرها ولما استخدمت فالفولين 5w-30 العربية طااارت طيب دا طبيعى لختالف اللزوجة مش نوعية الزيت
للاسف فى مصر لا توجود قاعدة المقارنة العادلة
لذلك انا من راى افضل زيت مصر للمحركات 1600 و 1300
موبيل 1 0w-40 api sn

تسلم ايدك يا فندم

:018a1d~146::018a1d~146:

**احمد المصرى** · 08-04-2012 01:40 PM

طيب معلش سؤال تانى

انا حاليا عامل 62 الف كيلو بالعربيه ومغيرتش زيت الفتيس قبل كدا هل اغير 3 لتر فقط ولا لازم اغير ال 7 لتر واجيب الزيت من التوكيل ال فى ابو رواش ولا اجيبه منين وشكرا مقدما يا شباب

**احمد المصرى** · 09-04-2012 09:27 AM

المشاركة الأصلية كتبت بواسطة ls1090

اهم حاجة اخبار الزيت ايه على فكره الزيت ممتاز افضل زيت نزل مصر مستورد
والغلط الى حضرتك عملته الفلاش لو تفتكر كلامى انت قولت لحضرتك بلاش اى اضافات
زيت الفتيس خليك فى الاصلى احسن او البديل الاقل فالفولين ماكس ليف atf
وغير 3 كيلوا بس وعلى صيانة 80 الف غير الفلتر وهتاخذ
3.5

انا عامل بالذيت حاليا حوالى 2000 كيلو ولحد الان ممتاز وسحب العربيه كويس يمكن بس صوت العربيه بيكون عالى سنه فى بدايه التشغيل بس اعتقد ان دا طبيعى فى اى زيت لبروده الجو

والله ال حصل انى حطيت فلاش وربنا يستر ان شاء الله بس صفيتوا لاخر نقطه وربنا يسترها ان شاء الله

الذيت الفتيس الاصلى اجيبه من التوكيل ال فى ابو رواش صح كدا والكيلو تقريبا ب 100 جنيه صح كلامى ولا انا غلط ..... ثانيا انا هغير 3 كيلو ولا 3.5 حاليا علشان لما اروح اشترى اجيب 3 عبوات ولا 4 مش العبوه كيلو برضوا ولا فى عبوه 4 لتر على بعض ولو تعرف الاسعار اكون شاكر جدااااااااااااااااااااااا ااااااااااا
ولو فى مكان غير التوكيل اشترى منه

**احمد المصرى** · 10-04-2012 09:56 AM

المشاركة الأصلية كتبت بواسطة ls1090

قدر الله وما شاء فعل
زيت الفتيس اللتر عامل 90 بعد الضريبة العربية هتاخذ بالظبط 2.7 هات 3 لتر وهيفضل 300 350 جرام غير بيهم زيت الباور او خليهم للمره الجاية الى هتغير فيها الفلتر
المكان eim ابو رواش او روكسى

الف شكر يا باشا ربنا يخليك

**ls1090** · 10-04-2012 09:48 PM

المشاركة الأصلية كتبت بواسطة ahmed1006

ls1090

معلش هتعبك بسؤال الكورولا 2004 ماشية 85 الف عاوز زيت ليها يكون اخره 5000 كيلو واغيره مش عاوز الي بقعد كتير ومش عارف اجيب :
ليكوى مولى
فالفولين ___ ولا موبيل 1
علما اني غيرت مرة واحدة وكانت شل 2000 كيلو تقريبا ومش مقتنع بيه اوي
فاعوز اجيب واحدة ليكوي مولي او فالفولين ايهما افضل ليها علما اني بقرص شوية مش كتير يعني
وميكنوش اكتر من خمسة الاف كيلو واغيره مش الي بيقعد كتير
فانتظار رايك وياريت لو حتي خيارين مش مشكلة بس 5w40
يعني بعد اختيار الماركة تقولي حضرتك الارقام دي مناسبة ليا ماتور 1300 ولا لا انا جبت الرقم ده من مواضيع حضرتك
ومعلش اني طولت عليك وتعبتك
تحياتي اخي الكريم

لو حالة المحرك كويسة استعمل زيت مخلق بالكامل افضل يكون لزوجتة 0w-40 او 5w-40
لو عايز زيت متوسط خيارك الوحيد فالفولين ماكس ليف 10w-40 وده 8000 كيلو نصف تخليقى
حضرتك بتقول عايز زيت 5000 = يزيت معدنى يعنى لزوجة مرتفعة 15w-50 مثلا
احسن خيار موبيل super xhp 20w-50 بس منتتظرشى اداء عالى فى البرد
لو فى اى استفسار تانى انا معاك
تقبل تحياتى

**S O P H O S** · 11-04-2012 03:34 AM

المشاركة الأصلية كتبت بواسطة ls1090

لو حالة المحرك كويسة استعمل زيت مخلق بالكامل افضل يكون لزوجتة 0w-40 او 5w-40
لو عايز زيت متوسط خيارك الوحيد فالفولين ماكس ليف 10w-40 وده 8000 كيلو نصف تخليقى
حضرتك بتقول عايز زيت 5000 = يزيت معدنى يعنى لزوجة مرتفعة 15w-50 مثلا
احسن خيار موبيل super xhp 20w-50 بس منتتظرشى اداء عالى فى البرد
لو فى اى استفسار تانى انا معاك
تقبل تحياتى

شكرا علي ردك واهتمامك
هو الحالة جيدة ولكن اريد زيت 5000 لاني متعملتش مع الزيوت التخليقية قبل كده فهل في اختيار غير موبيل 1 يكون مثلا ليكوي مولي او فالفولين الافضل من الاثنين والرقم المناسب لماتوري من وجهة نظر حضرتك ده اول شئ
تاني شئ معلش انا ممكن افكر فالنصف تخليقي بس هيحتاج فلاش وكده ولا اغير فلتر زيت واحطه عادي ولوني بقلق من الفلاش وكده ومن وجهة نظر حضرتك اني افضل فالخيارين دولا والنصف تخليقي دي هو احسن شئ مناسب ليا لو هحطه ؟ وسعرها تقريبا هيبقي كام
معلش انا محتار شوية ما بين المعدني واريد اعرف ما افضل نوع مناسب لي ورقمه بالتحديد باللزوجه
وبستعلم عن النصــف تخليقي لاني بفكر فيه فبعرف مميزاته ايه وعيوبه ايه بالنسبة ليا ؟

يعني افضل نوع ليا معندي وايه افضل نوع برده نصف تخليقي وليس تخليقي كامل
وايهما افضل منهم وهل للمعدني الذي استخدمه عيوب ؟

معلش اني بتعبك
ربنا يبارك ليك علي تعبك فالخير

**ls1090** · 11-04-2012 04:36 AM

المشاركة الأصلية كتبت بواسطة ahmed1006

شكرا علي ردك واهتمامك
هو الحالة جيدة ولكن اريد زيت 5000 لاني متعملتش مع الزيوت التخليقية قبل كده فهل في اختيار غير موبيل 1 يكون مثلا ليكوي مولي او فالفولين الافضل من الاثنين والرقم المناسب لماتوري من وجهة نظر حضرتك ده اول شئ
تاني شئ معلش انا ممكن افكر فالنصف تخليقي بس هيحتاج فلاش وكده ولا اغير فلتر زيت واحطه عادي ولوني بقلق من الفلاش وكده ومن وجهة نظر حضرتك اني افضل فالخيارين دولا والنصف تخليقي دي هو احسن شئ مناسب ليا لو هحطه ؟ وسعرها تقريبا هيبقي كام
معلش انا محتار شوية ما بين المعدني واريد اعرف ما افضل نوع مناسب لي ورقمه بالتحديد باللزوجه
وبستعلم عن النصــف تخليقي لاني بفكر فيه فبعرف مميزاته ايه وعيوبه ايه بالنسبة ليا ؟

يعني افضل نوع ليا معندي وايه افضل نوع برده نصف تخليقي وليس تخليقي كامل
وايهما افضل منهم وهل للمعدني الذي استخدمه عيوب ؟

معلش اني بتعبك
ربنا يبارك ليك علي تعبك فالخير

للاسف من اهم خصائص الزيت المعدنى انه بيقص عمر الموتور
الاسباب كتيرة منها ارتفاع اللزوجة فى بداية التشغيل .كثرة الرواسب . ارتفاع الاكسدة . ....
ممكن تجرب ماكس ليف من غير فلاش و ربنا يستر ونسبة البخر تكون قليلة
لان استخدام زيت معدنى لفترة طويلة بيادى لتوسيع الخلوصات والزيت التخليقى درجة سريانة عالية
فى النهاية افض نوع نصف تخليقى فالفولين ماكس ليف يليه ليكوى مولى Super Leichtlauf 10w40
تابع الموضوع ده
http://www.nilemotors.net/Nile/258006-a.html

-

-

الموضوع: تجربتى مع زيت ليكوى مولى وشكر خاص لاخى ls1090

LinkBack

أدوات الموضوع

عرض

-

-

-

-

-

-

المواضيع المتشابهه

ليكوى مولى

تجربتى مع ليكوى مولى

زيت ليكوى مولى

أتصال من ليكوى مولى (شكرآ ليكوى مولى)

زيت ليكوى مولى

الكلمات الدلالية لهذا الموضوع

المفضلات

المفضلات

ضوابط المشاركة