الموضوع: أستمراراً للأختبارات الشاقة للألنترا - تجربة قيادة على سرعة 200 كم في الساعة

تقرير رائع يا باشا

العزل جيد جداً الحاجة الوحيدة المزعجة صوت الأطارات على الطريق وهو عيب طريق واضح جداً لأن على الطرق الممهدة بشكل كويس مفيش صوت واضح وعلى فكرة الأطارات الهانكوك ممتازة جداً في كل الأحوال الجوية سواء أرض مبتلة أو ناشفة .

لاحظت تكرار موضوع الكاوتش من كذا عضو
يعني حضرتك تتوقع لو تم تغيير الكاوتش ببريدجستون او ميشلان عادي او سوبر سيلنت المشكله هتروح !!

تعمدت أسيب الدركسيون علشان أشوف درجة الأنحراف نتيجة الهواء والحمد لله أنحراف يكاد غير ملحوظ نتيجة كمان لميل الطريق واللي بيروح برج العرب هيعرف أن الطريق مش مستقيم في أغلب الأحيان .

النقطه دي مهمه بالنسبه لي ممكن حضرتك توضح لحد سرعة كام ممكن تسيب الدركسيون من غير مالعربيه تحدف يمين او شمال لو الطريق كويس نسبيا

يا أخي الفاضل ربنا يحفظها ويحفظك ويرزقك خيره ويكفيك شرها
لكن يا ريت يعني نصيحه من أخ بلاش السرعات دي لا قدر الله لو حاجه حصلت مع السرعه دي ربنا ميجبش حاجه وحشه
وكمان غرز على السرعات العاليه دي ربنا يسترها معاك بلاش كده تاني ولو عملت حسابك وحساب الزحمه والعطله في المشاوير المهمه دي ونزلت بدري شويه يكون أفضل ولو حسبتها صح تلاقي سبب تأخيرك ممكن يكون حاجه لا تستحق المخاطره دي مطلقاً زي حلاقة دقن مثلاً أو بتتفرج على حاجه أو بتابع موضوع أو حاجه على النت وحبيت تكملها يعني أي سبب يأخرك على مشوارك ويخليك تمشي بالسرعه دي وفي الزحام ده لا يستحق المخاطره معلش هي نصيحه من أخ وأرجوا عدم الزعل