الموضوع: الeco mode في الانترا 2012 .... مابين الحقيقة و الاشتغالة ؟

المشاركة الأصلية كتبت بواسطة CryptonX

تاني ؟
طب اهه !

والله انا مش بفتي .. وكل ده في مخيلتك .. حضرتك راجع دليل المستخدم بتاع هيونداي نفسها الي انت شاري منها العربية ... حيفتوا هما كمان ؟؟؟ و انا مصر الجزء من الدليل في الصفحة الي فاتت !!

يا باشا اللى انت بتقولة ده فى موديل 2011 مش 2012, ; كل موديلات النترا 2012 نازل فيها active eco mode وده بيغير فى نسب نقل الفتيس و بيوفر فى البنزين لحد 7%.

2012 Hyundai Elantra Gets Active Eco System - U.S. News Best Cars

اقرا عن الفروقات فى النترا 2012 عن 2011 حتلاقى كل المواقع بتكلم ان light indicator فى 2011 اصبح active eco systyem فى موديل 2012 و علشان تتاكد من كلامى اعمل سيرش على "elantra 2012 active eco mode"

كمان انا بقولك مجربة بنفسى و بتخنق لما بشغل ال eco on و العربية بتنقل للسادس بادرى... اما لما بخلية off بحث بفرق كبير فى السحب و النقلات بتتاخر و استجابة الماتور بتفرق كتير, يعنى تحس ان العربية قايقة فعلا ... عايز تصدق صدق مش عايز انت حر

على فكرة انا معنديش النترا بس مع اعز اصابى و بسوقها كتير معاة و هو كمان بيتخنق من ال eco تفتكر هو كمان شايف ده فى مخيلتة!!!

المشاركة الأصلية كتبت بواسطة CryptonX

باشا انا قريت موضوع ال 2011 - 2012 ده, وده صحيح بس مش عندنا برده !
ال ECO MODE الي في الكومبيوتر لا يفعل شيء و اه في مخيلة صديقك والله ...

حتقولي طيب انت بتقول ال ACTIVE ECO < بيعمل .. ده صحيح و هو موجود فعلا بس في موديلات امريكا و شكله الزرار اهه :




احنا معندناش الزار ده اصلا .. و هو ده الACTIVE ECO الي بيفرق و بيوفر !! انما اللمبة مازالت هي هي لانها متغيرتش في الموديلات الي عندنا ..

وانا معايا العربية و قافل الECO بقالي اسبوع و هو هو نفس السحب و نفس استهلاك البنزين "بالظبط".

بجد انا تعبت و مش قادر ارد تانى, و مش فارق معايا تقتنع ولا لا... بس علشان ااكدلك انه مش فى مخيلتى و انى متاكد من كلامى, انا مستعد اقابلك بعربيتك و سعتك تغطى العداد و تغير ال eco on or off و كل مرة انا حقولك اذا كانت on or off... انا ساكن فى مدينة نصر لو تحب نتقابل فى مدينة نصر انا جاهز و بجد لو عملت الموضوع ده 10 مرات انا بتحدى انى كل مرة حقولك اذا كان eco on or off

المشاركة الأصلية كتبت بواسطة cryptonx

باشا انا قريت موضوع ال 2011 - 2012 ده, وده صحيح بس مش عندنا برده !
ال eco mode الي في الكومبيوتر لا يفعل شيء و اه في مخيلة صديقك والله ...

حتقولي طيب انت بتقول ال active eco < بيعمل .. ده صحيح و هو موجود فعلا بس في موديلات امريكا و شكله الزرار اهه :




احنا معندناش الزار ده اصلا .. و هو ده الactive eco الي بيفرق و بيوفر !! انما اللمبة مازالت هي هي لانها متغيرتش في الموديلات الي عندنا ..

وانا معايا العربية و قافل الeco بقالي اسبوع و هو هو نفس السحب و نفس استهلاك البنزين "بالظبط".

الزرار ده مش موجود فعلا لكن ممكن تلغي الأيكو أو تشغلها من المالتي فنكشن اللي في الطارة
أنا بالفعل عملت كذا تجربة عليه قبل كده و عايز أقولك أن بيبقي فيه فرق
أنا باسافر علي طول و النتايج كانت كالتالي :

- بنظام الايكو : و علي سرعات حتي 180 كم/ ساعة :
معدل الاستهلاك (6.5 - 7.2) لتر / 100 كم
و في السرعات المنخفضة (100 كم/ساعة فأقل ) وصلت لمعدل 5.2 لتر/ 100 كم

- بدون نظام الايكو : و علي سرعة وصلت 180 كم/ساعة:
معدل الاستهلاك تخطي ال 10 لتر / 100 كم
و فعلا في أحدي المرات وصل الي 13 لتر / 100 كم

ده بعيد عن الكتالوج و الكلام .... دي تجارب عملية قمت بيها بنفسي عند أختبار العربية دي علي مختلف الطرق السريعة و في مختلف الظروف الجوية

لو نظام الايكو بيوفر 6% يبقي ايه لزمته اصلا انا كنت فاكر انه بيوفر اصلا 25% وانه بيكتف العربيه وحاجات تانيه كتير ..طيب ما الواحد احسن يخف رجله عن البنزين والدنيا تبقي لوز ولا زرار والا اشتغالات...
انا مش مقتنع انه ليه لازمه من اساسه ومقتنع بالكلام اللي في الكاتالوج انه مجرد لمبه بتقولك انك كده في السليم