للبيع هوندا سيفيك 2007 (مميزه)

**M2M Egypt** · 02-04-2012 12:08 AM

نوادر المتصلين لشراء السياره .... حبيت اشاركها معاكوا
الو .. عايز اسأل عن الهوندا
وعليكم السلام يافندم (طبعا هو ماقالش السلام عليكم هو رمالى الكلمتين فى وشى على طول)
الهوندا اللى للبيع
موجوده يافندم
هى موديل كام
2007
وطالب فيها كام
110
مش كتيييير ؟؟
لا والله يافندم مش كتير العربيه فيها حاجات كتير ولو تحب اشيلك الساوند سيستم وتاخدها ب 105
ب 105 ؟؟؟ طيب ممكن تشيل ايه تانى ؟؟
مافيش حاجه اشيلها الا الرفارف بعد كده
اه بس 105 برضه غاليه
يا باشا دى فيها بودى كيت مكلفنى 5000 جنيه لوحده غير تعديل الشكمان والرش
بودى كيت ايه يا كبير ده فى التوكيل ارخص من كده
بودى كيت ايه يا باشا اللى بيتباع فى التوكيل .. التوكيل مابيبيعش بودى كيت
طيب هى خليجى
لا يا باشا مافيش هوندا سيفيك 2007 خليجى فى مصر
لا فيه
مافيش يا باشا لانها بره 1800 مش 1600
طب هى فيها فتحة سقف
لا يا باشا مافيهاش
طيب ممكن تجيبهالى اسكندريه اتفرج عليها
لا والله مش ممكن
طيب شكرا ... سلام

ماتحرموناش والنبى من تعليقاتكوا يا جدعان

**SonaSteel** · 02-04-2012 12:25 AM

ماشاء الله تبارك الله ........... حبيبتي حبيبتي
ربنا يحسنلك بيعها يارب و يبارك للي هايخدها شكلها جميل جدا والله ياهندسة وخسارة تبيعها
طيب عايز تبيعها ليه ؟
تاخدش الصني ينوبك ثواب و تديهاني :)))))

**محمد أنور** · 09-04-2012 02:53 PM

ما شاء الله ربنا يبارك للي اشتراها و يرزق حضرتك احسن منها .. كنت عاوز اسأل حضرتك عن البودي كيت حضرتك جبته منين و اتكلف كام اكون شاكر لحضرتك

**haythamkmal** · 09-04-2012 04:06 PM

ولسة يا محمد باما هتشوف ، ده شوفت البدع وانا ببيع العربية ، اللى يقولى ان العربية دى هوندا بس متجمعة فى الصين ، واللى يقولى بنفع اقلبها غاز ، ده طبعا غير التجار اللى هيقرفوك ، انا كنت طالب 110 جالى تاجر عايز يخدها ب 90 !!! ، ده غير اللى يقولك العربية كلها بوية وهى مرشتش بره اصلا ....
ربنا يعينك لغاية متبيعها