لا طبعا عمري ما هعمل كده احنا جيل التمانينات و هو جيل الخمسينات في فرق 30 سنه هههههههههههه
عرض للطباعة
واضح ان مفيش لغة حوار مشتركة بينكم
ربنا يهدي الحال
عاوز اقولك ان كل ما الانسان بيكبر في السن كل ما قدرته على التغير بتقل
انت تقدر تغير اسلةبك لكن هو صعب جدا
وعاوز اقولك حاجة كمان يمكن ماتصدقهاش ... اكتر واحد بيحبك في العالم هو ابوك
وحاجة اخيرة .... معاملة الابناء للآباء سلف ودين
ولازم يترد في الاجيال القادمة ..... يعني زي ما خ تعامل ابوك وتستحمله وتبره ..... او تتنرفز عليه وتعقه ..... زي ما بالظبط ح يعمل اولادك معاك لما تكبر
...
ربنا يصلح الحال ويهدي نفوسكم
المثل بيقول " متعرفش قيمة امك الا لما تشوف مرات ابوك "
مهما حاولت اوصفلك احساسي باليتم و العجز و فقدان السند بعد وفاة والدي مش هيكفيني ايام و ليالي ( مع اني متجوز و عندي 3 عيال و عايش كويس و شغلي كويس ) لكن في حيات والدي ماكانتش شاغل دماغي باي حاجة و لا هاممني اي حاجة و بعد وفاته حياتي اختلفت تماما ....
لازم توجد علاقة طيبة بينك و بين والدك و تصاحبه مهما كان قاسي او عنيف .
بالإضافه لكل اللي نصحك تستحمل وتصبر علشان أبوك وحرام تغلط معاه
أنا عايزك تحاول تبتدي أنت معاه بالرفق واللين والطاعه يعني ممكن وإنت رايح الجامعه أو شغلك تسئله عايز حاجه وأنا جاي أو محتاج حاجه يا بابا وتقوله إدعيلي أنا عارف إنها خطوه صعبه جداً في حالتك دي ولكنها ليست مستحيله وتستطيع ذلك ولو فعلاً قال لك أعمل كذا أو هات كذا نفذ وجرب الموضوع ده أكتر من مره وهتشوف الفرق إن شاء الله و متكشرش في وشه ومتردش عليه رد وحش مهما حصل ومهما قال وربنا يهديه لكم ويهدينا جميعاً
تملي امي تقولي المثل ده و تقولي بكره تتجوز و تعرف قيمه امك فبقولها لما اتجوز الاول ربنا يساهل هههههههههههههههههههه و الله اهالينا دول عسليه مهما عملوا فينااقتباس:
المثل بيقول " متعرفش قيمة امك الا لما تشوف مرات ابوك "
فى البداية طبعا شكرا جدا على نصائحكم الغالية لا يا فندم هو بيجى من الشغل على الساعة 3 العصر على ما يتغدى وينزل بعد صلاة المغرب ويطلع الساعة 12 او 1 باليل
والله العظيم نفسى اقول الكلام دا باردوا بس طبعا ماينفعش
المفروض الواحد يعيش حياتة الاول ويعمل كل اللى هو عايزة وبعدين يتجوز انما ماينفعش انة يجى يعيش حياتة اوى كدة وهو متجوز وعندة عيال عايزين اهتمامة ووقتى كلة
والله العظيم انا عارف دا وعارف انة خايف على مستقلبى وحنين اووووى
بس اسلوبة ومعملتة تخليك حتى لو عملك كل اللى انت عايزة باردوا هاتبعد عنة
وعلى فكرة انا اصلا مش عايز حاجة منة والله غير المعاملة الكويسة او على الاقل احسن انى ليا اب بيعاملنى كويس وبيخاف عليا
ويبقى فى بينا لغة حوار ووالله العظيم ماعايز حاجة غير كدة
وانا فعلا لو هو قال اى حاجة بتتنفذ فى الحال ومش بغلط فية خالص
بس فى اوقات لما الحوار بيبقى خلاص جاب اخرة انا كل اللى بعملة انى يا بسكت ياما ارد رد باحترام مش غير اى عصبية ولا كلام عيب بس باردوا مابيبقاش عابة
بص انا عندى ابويا دة بيعمل كدة بس انا فاهمه كويس
يعنى دة مثلا ممكن يلاقينى بشحت وممكن يجيبلى شغل لكن مايعملش كدة ابدا لازم انا اللى اتفحت علشان اشتغل
الاول كنت بتضايق من الحتة دى لكن مع الوقت عرفت وفهمت انه كان بيعلمنى مهارة انى اعرف احصل على وظيفة من غير ما احتاجله
لانه بيقولى انت فى وقت من الاوقات ممكن مش حتلاقيني حتعمل ايه ساعتها .. ربنا يعطيله الصحة والعافية
..................
عايز اقولك على نصيحة اخوية ... ممكن جدا والدك يكون بيتعامل معاك بقسوة كرد فعل منه على احساسه بانه مش مهم فى حياتك
جرب كدة تلاقيه قاعد فى امان الله واديله بوسة على خده وبوسة على ايده وقوله ربنا يخليك ليا ومايحرمنيش منك ابدا حيفرح جدا
والله حتلاقى تعامل تانى خالص