انا اتخنفت والله وقربت اسيب البيت

**midoabdeen** · 29-03-2012 04:15 PM

انا شاب عندى 21 سنة
وشغال وطلعان عينى اهلى من صغرى
وشايل مسئولية نفسى فى كل حاجة
حتى مصاريف الجامعة ةمصاريفى الشخصية
ياعنى مش الاخر مافيش جنية واحد باخدوا من ابويا

ودا كلة باردوا مش عاجبة
مالوش اى دور فى حياتنا خالص
مكبر دماغة من كل حاجة ولا حتى يعرف حاجة عننا خالص
وطبعا انا بحاول ابعد عنة شوية لان اى حوار بينا لازم يقلب بمشكلة فى الاخر
انا بجد قربت اسيبلة البيت وامشى علشان خلاااص جبت اخرى من الاسلوب دا
ابويا اصلا باشوفة بالصدفة
انا مش عارف اعمل اية معاة بجد

**mastr_n** · 29-03-2012 04:54 PM

استهدى باللة حاول تقراء سورة البقرة وعليك بالاستغفار وان شاء اللة خير وربنا يصلحلك الحال ان شاء اللة

**hosammoner** · 29-03-2012 05:09 PM

سيدنا محمد عليه صلى الله عليه وسلم قال انت ومالك لابيك فحاول تصبر وربنا هيكرمك اخر كرم ان شاء الله ويهدى والدك باذن الله

**NoOoOoUr** · 29-03-2012 05:13 PM

لازم تصبر..... وبعدين ده والدك ولازم تستحمل ... حاولوا انتم تقربوا منه مايمكن ده سبب المشاكل الرئيسى ان مافيس حد فاهم الثانى وبالتالى بتحصل مشاكل كثير..
ربنا يصلحلك الاحوال يارب... :)

**KemozTanta** · 29-03-2012 05:43 PM

الله يكون في عونك , انا عارف الشعور دا كويس اوي وعشان كدا بقولك الله يكون في عونك .. بس في النهاية هتلاقي كل الناس بتقولك دا والدك ومتتجرئش علية ولو بالنظر حتي .. ولازم تسكت وتستحمل
معلش أستحمل وأصبر لان مفيش غير كدا قدامك وادعي ان ربنا يهدية ومتحتكش بيه وخليك في حالك لان اى تجاوز منك عليه حتي لو كنت علي حق تبقي غلطان برضة.
ومتفكرش وتقول اشمعني انا اللي كدا ماياما ناس ابهاتها عملت لها وسوت لها عشان متتعبش وتحرق في دمك علي الفاضي . سيبها تمشي بظروفها وان شاء الله بصبرك ربنا هيفرجها ويحلها من عندة لانه بيني وبينك ملهاش حل غير من عند ربنا طالما الاب نفسة غير مهتم بأولادة لو سوقت عليه اهل الارض ولا هيتعدل !!!

**Screenplays** · 29-03-2012 06:19 PM

نفس الحوار التعبان ده بس مع الحاجه و ابويا الحمد لله ملوش دعوه بيا من اساسه

**Mo.Kareem** · 29-03-2012 06:21 PM

معلش انا اسف يعنى ايه مش بتشوف والدك غير بالصدفة ؟
يعنى هو بسيب البيت ويروح يتفسح ولا بيتعب وطالع عينه هو كمان علشان يصرف على البيت ، يا جماعة ابوس ايديكم بلاش تتعملوا مع اهلكم من وجهة نظر واحدة ، مصيرك فى يوم من الايام هتكبر وتتجوز وتشيل مسئوليه اولادك وهتعمل نفس اللى بيعمله ابوك دلوقت ، اسف على كلامى بس دى الحقيقة ، معظم الشباب دلوقت مش حاسه يعنى ايه مسئولية بيت 0

**Screenplays** · 29-03-2012 06:42 PM

المشاركة الأصلية كتبت بواسطة cdkareem

معلش انا اسف يعنى ايه مش بتشوف والدك غير بالصدفة ؟
يعنى هو بسيب البيت ويروح يتفسح ولا بيتعب وطالع عينه هو كمان علشان يصرف على البيت ، يا جماعة ابوس ايديكم بلاش تتعملوا مع اهلكم من وجهة نظر واحدة ، مصيرك فى يوم من الايام هتكبر وتتجوز وتشيل مسئوليه اولادك وهتعمل نفس اللى بيعمله ابوك دلوقت ، اسف على كلامى بس دى الحقيقة ، معظم الشباب دلوقت مش حاسه يعنى ايه مسئولية بيت 0

كلامك سليم ان الشباب ميعرفش يعني ايه مسئوليه بيت و لكن هل الابهات لسه فاكرين ان مسئوليه البيت صعبه فيتعاملوا معانا بالطريقه دي ؟ اللي مش قد المسئوليه ميتجوزش من الاول و انا بتكلم بشكل عام و الله لما ابويا بيعد يعمل العمايل دي ببقي نفسي اقولهاله بس بمقدرش عشان ده برضه ابويا اللي بحبه و بحترمه

**unroi** · 29-03-2012 07:25 PM

شوف يا شقيقى اللى ابوك بيعمله معاك هو دة الصح لانه بيعلمك سنة الحياة
يعنى مثلا لما تبعد عن باباك وتخلع من الليلة دى وتشتغل تلاقى مديرك بيعاملك كدة ولما تستقل بذاتك وتتجوز تلاقى مراتك بتعاملك كدة بالاشتراك مع امها او ابوها ولما تعيش فى شقة حتى لو تمليك تلاقى حد من جيرانك اللى معيرفكش بيحاول يصطادك وعاملك كدة ولما هتخلف هتلاقى نفسك بتعاملهم كدة
تقريبا دة اللى حصل معايا الظاهر انها دنيا وكروية فعلا
استحمل واتعود على كدة ياااااااه انت رجعتنى 20 سنة وراء بالرغم انى عندى 30 سنة

**Mo.Kareem** · 29-03-2012 08:12 PM

المشاركة الأصلية كتبت بواسطة screenplays

كلامك سليم ان الشباب ميعرفش يعني ايه مسئوليه بيت و لكن هل الابهات لسه فاكرين ان مسئوليه البيت صعبه فيتعاملوا معانا بالطريقه دي ؟ اللي مش قد المسئوليه ميتجوزش من الاول و انا بتكلم بشكل عام و الله لما ابويا بيعد يعمل العمايل دي ببقي نفسي اقولهاله بس بمقدرش عشان ده برضه ابويا اللي بحبه و بحترمه

على فكرة كلنا مرينا بالمرحلة دى وهيجى اليوم اللى هتعمل زى ابوك بالظبط ههههههههههههه

الموضوع: انا اتخنفت والله وقربت اسيب البيت

LinkBack

أدوات الموضوع

عرض

-

-

-

-

المواضيع المتشابهه

اتخنفت من TE data و بفكر احول اتصالات

العربية مجنناني بجد وقربت أزهق... حراااااااام

يااااااااااااااااااااه اخيرا روحت !! بس والله والله والله فى امل

عاوز اسيب البيت ؟؟؟؟؟ .....هل من معترض

الكلمات الدلالية لهذا الموضوع

المفضلات

المفضلات

ضوابط المشاركة