بكره نازل احجز الجيتز شوية أسئلة لو سمحتم ؟؟؟؟

**إسلام شاهين** · 07-06-2008 07:14 PM

أنا عارف إن فيه ناس هتعارضني كثير بس المثل بيقول على قد لحافك مد رجليك لأنها أرخص عربية أوتوماتيك هنا ، يعني السريون لقيت سعرها نط ل 47.500 ريال ، والتحفة اللي كانت عيني هتطلع عليها السوزوكي سويفت سعرها 49.500 ريال ، والبييكانتو مشكلتها إنها 1100 سي سي وبنفس سعر الجيتز 32.000 ريال ، وهي الوحيدة الأوتوماتيك 1400 سي سي ، بس الغريب إن مفيش هنا 1600 سي سي منها مش عارف ليه ؟؟ وال I 10 و I 30 محدش يعرف عنهم هنا حلجه .

فدلوقتي عايز أعرف هي ال 1400 سي سي سعرها كام في مصر ؟ وال 1400 كويسه ولا نصرف عنها نظر ؟ وقطع غيارها إيه ظروفها ؟ واللي معاه العربلية ياريت يقولي سحبها وتكيفها إيه ظروفهم ؟؟؟؟؟؟؟؟؟؟

شاكر ليكم

**hazem_khidr** · 07-06-2008 07:41 PM

اسلام باشا مساء الخير
مش عارف اقولك ايه بس حكايه 1400 دي غريبه شويه
لانك مش حتلاقي لها قطع غيار في مصر لان كل اللي هنا 1600.
الا بقي لو موتورها نفس موتور النيو اكسنت و الكيا ريو يبقي كده اوك بس انا ما اقدرش افتي و اقول انه نفس الموتور
هو في الغالب 70% اعتقد انه نفس الموتور بس برضه يا ريت تسال في دي .
لو كده توكل علي الله:)

**إسلام شاهين** · 07-06-2008 07:49 PM

شكرا على ردك يا حازم وأنا فعلا سألت السايلز مان قالي إنها فعلا نفس الموتور وحاول يقنعني بالنيو أكسنت لأ،ها ب 37.000 ربال يعني الفرق 5000 ريال بس بصراحه انا شكلها مش عاجبني خالص ، واللي منتشرة هنا كمان الألتو لأن سعرها 28000 ريال !!!!!!!!!!!!!!!! بس برضه 1100 ؟؟؟؟؟؟؟؟

**hazem_khidr** · 07-06-2008 08:11 PM

يبقي استخير ربنا و توكل علي الله و لو فيها خير ربنا يقدمه.
ولو ان من رايي مثلا انك تضغط علي نفسك و تشوف اي تويوتا مستعمله تركبها فتره وليكن 6 شهور او سنه و بعدين تجيب النيو سويفت و يبقي انت جبت العربيه اللي نفسك فيها.
لانها بصراحه عربيه تحفه و لو كنت كملت في الخليج كنت جبتها بس الظروف منعتني :)

**tarekkasaby** · 08-06-2008 01:15 PM

الف مبروك يا اسلام باشا
تعيش و تجيب
زى ما حازم باشا قالك مافيش فى مصر غير ال1600
بس هيا بتنزل بره 1400و 1100 كمان على ما اعتقد
بالنسبه للسحب مش حاقدر افيدك اوى لان اللى معايا 1600 بس هوه يعتبر كبير على العربيه لانه نفس موتور الفيرنا و الماتريكس والالنترا الشكل القديم فبالتالى سحبه اكثر من ممتاز
والتكيف برده اكتر من ممتاز
و بالنسبه لموتورها لو هوه نفسه موتور النيو اكسنت ال 1400 يبقى اتكل على الله وهاتها اكيد حتلاقى قطع غيار هوه صحيح لسه النيو مش منتشره اوى لا كن ممكن تسال حد معاه النيو 1400 و هوه يفيدك فى موضوع توافر قطع الغيار خارج التوكيل
على العموم العربيه حلوه و ان شاء الله تعجبك و مبروك مقدما

**Salah_sr** · 08-06-2008 01:31 PM

انا زوجتي معاها جيتز 1400 منذ 3 شهور تقريبا أتوماتيك و هي عربية جيدة و بتسحب كويس أنا جيبها من مسقط وهنا أغلي فسعرها 3700 ريال عماني فول أوبشن + تأمين شامل سنة + 35ألف سرفيس مجاني , ضمان 3 سنوات و العربية حلوة بس الصوت عالي شوية بالنسبة للألنترا الجديدة

**Ahmed Anwer** · 08-06-2008 07:48 PM

مبروك مقدما يا أ / إسلام ،،

الجيتز عربية لذيذة فعلآ

من اللي قريته عن حضرتك في المنتدي انك غاوي ترويش في العربية ،،

اعتقد عشان كده الجيتز عجبتك ، الطارة الجلد بلون الفرش و لون فرش الأبواب و فتحة السقف و الحاجات دي ،،

بس ملاحظة ان الشكل الحالي للجيتز بدأ منذ عام 2002

فهوا علي وش تغيير