مساء الفل على أجدع رجالة ، في أي حتة .. آسف على قلة مشاركاتي بس مشاغل بقى و انتو عارفين .. بس انا بتابع كل فترة و التانية الموضوعات الجميلة اللي بتتحط و بتعلم منها كتير .. أنا كان عندي سيراتو 2010 و الحمد لله رب العالمين من حبي في الكوب حتى و انا معاية السيراتو ، الحمد لله رب العالمين بعت السيراتو و اشتريت كوب 2012 اللهم ألف حمد و ألف شكر ليك يااااا رب .. مش هطول عليكم و هخش في الموضوع عدل .. انا لاحظت في العربية الأولانية و التانية برضه اني بجيب 160 بالعافية حتي و انا حاطط على المانيوال ، مش عارف بقى العيب فيا و لا في العربية ؟؟؟ و أعمل إيه يا رجالة نفسي أقفل عداد و أنا مستريح ؟؟ بجيب آخر النقلة لحد ما تقرب توصل للأحمر (7) و أنقل على النقلة اللي بعدها و مع ذلك ما بعرفش أعدي 160 .. حد عنده أي اقتراحات ؟؟؟ أكون شاكر جدا لمداخلاتكم ..