سلام عليكم جميعاً...

الصراحة أنا لفيت على مواقع ومنتديات كتير وملقيتش منتدى مهتم بالبايكرز كده زي منتدى البايكرز الموجود في نايل موتورز ودي شهادة حق كان لازم أقولها في الأول.

أنا يا جماعة عايز بايك Honda CBR600F4 أو CBR600f4i موديلات من 2000 : 2004 بس يكون الكرسي حتتين مش حتة واحدة واعذروني علشان مبتدأ في الفرق بين الموديلين.

المهم أتمنى يا أخواننا ان اللي يعرض بايك يا إما يعرض هنا في الموضوع أو يبعتلي رسالة خاصة فيها البيانات دي:

صور واضحة للبايك من جميع الزوايا وتصوير قريب للفيبر
سنة الصنع وياريت صورة لرقم الشاسيه أو VINNumber
المسافة المقطوعة بالكيلو، وياريت صورة للعداد توضح دا
وطبعاً السعر وأنا ميزانيتي عالأد يا جدعان محدش يضرب فالعلالي

بس يا جدعان وألف شكر على المنتدى والمجهود المبذول فيه، وادعولي أتلاقي بايك نضيف..

ملحوظة: أنا قدامي كذا هوندا تسعميات بس حاسسها هتبقى عالية أوي عليا
وكمان قدامي كواساكي gx6r موديل 2004 تقريباً، ايه رأيكم؟ وهل ليها سوق في مصر ولا لأ؟ يعني هعرف أبيع؟ وقطع الغيار سامع انه في العلالي ومش موجود أصلاً