ما هي افضل عربيه ب 75 الف جنيه ؟

**MohammedAladel** · 14-05-2012 03:40 PM

لوجان تكسب كفاية الاسباب السالف ذكرها

**seaf_sawy** · 18-05-2012 07:55 PM

مرسيدس زلمكه 200 نظيفه وانسى وادعيلى

**blazer** · 18-05-2012 08:25 PM

نيسان صنى مستعمله او النترا مستعمله موديلات 2008-2009

**elpasha1** · 18-05-2012 09:06 PM

اللانوس طبعا تكسب

بص يا باشا انا مش هقول اصل الحصان .... والموتور ..... والامان الكلام لانى مش داخل سباق
انا ببص من( وجهه نظرى المتواضعة)انى بدور على عربية سعر أعادة بيعها أفضل, قطع غيارها رخيصة وفى كل حتة, أى حد يفهم فيها دا غير ان قطع غيارها والله العظيم ارخص من 128 (فى بعض الاجزاء )بمعنى انها ارخص عربية من حيث قطع الغيار ....
وتفرق عن الفرنا ثبات اكتر نوعا ما واوسع من الداخل وحتى قطع الغيار ارخص (بعض الاجزاء )
شكرا

**mememsaid** · 20-05-2012 03:38 PM

الساجا الاوتو

**ghostmido** · 20-05-2012 04:41 PM

فيرنا عشان سحبها حلو.

**Abdm** · 22-05-2012 02:52 PM

المشاركة الأصلية كتبت بواسطة elpasha1

اللانوس طبعا تكسب

بص يا باشا انا مش هقول اصل الحصان .... والموتور ..... والامان الكلام لانى مش داخل سباق
انا ببص من( وجهه نظرى المتواضعة)انى بدور على عربية سعر أعادة بيعها أفضل, قطع غيارها رخيصة وفى كل حتة, أى حد يفهم فيها دا غير ان قطع غيارها والله العظيم ارخص من 128 (فى بعض الاجزاء )بمعنى انها ارخص عربية من حيث قطع الغيار ....
وتفرق عن الفرنا ثبات اكتر نوعا ما واوسع من الداخل وحتى قطع الغيار ارخص (بعض الاجزاء )
شكرا

بأيد حضرتك اللانوس من الناحية العملية والآقتصادية هى أفضل سيارة فى الرنج دة . لو عايز رفاهية زيادة شوية ما أرتفاع أسعار قطع الغيار ويفضل التعامل مع التوكيل فقط يبقى لوجان وفى الحالة دية أنصحك باللوجان الآتوماتيك
والله الموفق والمستعان

**ossamayk** · 22-05-2012 10:17 PM

شيفروليه لانوس
كعربية مش أحسنهم لكن عشان قطع الغيار والصيانة

**Forever.Leo** · 31-05-2012 02:00 PM

فيرنا ، ماتور اقوى ، انتشار و سعر اعادة بيع

**amrelsha3er** · 31-05-2012 04:47 PM

بص ياباشا كل عربيه ليها عيوب ومميزات وعليك انت الاختيار وفى الاخر مفيش عربيه مفهاش عيوب حتى لو بى ام او مرسيدس
اولا:فيرنا طياره عربيه بتطير بس مفهاش وسائل امان ومفيش الا مصر اللى موجوده فيها وبينزل منها لحد دلوقتى طبعا حسب سواقتك ومشيك ازاى غير انها واطيه وضيقه
اللانوس:عربيه اكثر ثباتا من الفيرنا برضو بتجرى بس طلعه الفيرنا تكسحها انما على السرعات العاليه الانوس تكسب خاصه لو فى منحنيات وكيلها كويس قطع غيار تراب ومنتشره رغم ان فى ناس مشكرتش خالص من ساعه ما منصور خدها
ساجا:عربيه الغاوى يركب ويتمتع ويتبسط بعربيه 1300سى سى 95حصان عربيه ماشاء الله ركوبه وثابته واوبشنز كتير ووسائل امان وكفايه ان الاوتوماتيك بتاعها بسعر الفيرنا عيوبها وكيلها عز العرب قاتلها مشاكله كتير رغم انه ابتدى يحسن من نفسه بس برضو فى مشاكل لسه
لوجان:عربيه واسعه وثباتها معقول على اد فلوسها قطع غيارها برضو مش رخيصه مقارنه بالانوس والفيرنا يعيبها تصميمها داخلى والخارجى(وجهه نظرى انا )من حيث ازاز الكهربا والكلاكس وشكل عدادها تحسه كلاسيكى شويه انما مميزاتها سعرها برضو معقول وعربيه يعتمد عليها وعائليه ومش بتاكل بنزين وسعرها معقول
اسبرانزا انا مرشحهلكش لانى مش حاببها خالص اللى هتدفعه فيها تدفعه فى اى واحده من التلاته
ولو انت هتكيش ال75الف انا شايف انك تجيب كسر زيرو حاجه تانيه غير دول
لو غاوى جرى وعاوز ركوبه انا لو مكانك اجيب هوندا سيفيك موديل 97 98 ويتبقى معاك فلوس كمان
او جولف4 حاله نضيفه
الخلاصه:يرجع لاستخداممك وسواقتك وطريقه تفكيرك وهتبيعها امتى ومش عاوز تخسر كتير وعاوز قطع غيار رخيصه ولا مش فارقه معاك توكيل .....حط ده كله فى اعتبارك وتوكل على الله واستخير ربنا
ربنا يوفقك فى الاختيار انشاء الله

مشاهدة نتائج الإستطلاع: ما هي افضل سياره ب 75 الف جنيه ؟

الموضوع: ما هي افضل عربيه ب 75 الف جنيه ؟

LinkBack

أدوات الموضوع

عرض

-

-

-

-

-

المواضيع المتشابهه

عربيه ياباني في رنج 40 الف جنيه

ايه افضل عربيه فى حدود 70 الف جنيه

ما هى افضل عربيه بسعر 55000 جنيه

عربيه فى حدود من 35000 جنيه الى 40000 جنيه

فيات جراند بونتو افضل عربيه ب 100000 جنيه !!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة