محتاج مساعدة يا شباب - باسات 2006

**bahaa_monier** · 30-03-2012 06:10 AM

السلام عليكم ورحمة الله وبركاته
الحمد لله ربنا وفقني وبعت الأفيو ومعروض عليا باسات 2006 حالة نضيفة بسعر حلو
السؤال بس لأني مش عارف
قطع غيارها بكام وفيه ليستة بقطع الغيار في المنتدي ولا لأ لأني دورت ومش لاقي في منتدي الفولكس هنا .
االعربية دي كويسة ولا لأ علما بأنها أوتوماتك الفئة التانية
سمعت عن مشاكل في الفتيس عموما في العربية دي بس مش عارف في الموديل بتاع السنة دي ولا لأ ؟
وافضل زيت ليها أيه وبكام ؟
والغريب فيها النور الواطي ابيض والعالي اصفر فمش عارف هي ينفع اركب فيها نور زينون ولا لازملها الجهاز ولا أيه بالظبط ؟
ربنا يكرمكم محتاج اعرف الرد انا حتي مش عارف بيتنفخ الكاوتش علي كام ولا مكان الأريل بتاع الراديو فين علشان بيوش :) أخوكم أبيض

ومستني الردود يا شباب

السلام عليكم ورحمة الله وشكرا مقدما

**minicooper20** · 30-03-2012 07:26 AM

بص يا كبير العربيه دى تحفه
مفيهاش مشاكل فى الفتيس
كام السعر الحلو و ايه هى الحاله الحلوه
العربيه دى لازم علشان تتمتع بيها تكون متصااااااااااااااااااااان ه
و حاجتها فى الحرفين و فيه ناس محترفين فيها عند حديقه بدر فى جسر السويس
و فيه كمان واحد اسمو الاسطى سيد ده فى جسر السويس قبل اشاره روكسى
و اى استفسار انا تحت امرك بس اوعى تسيب العربيه دى من ايدك لو حاله
بالنسبه للزيت حط كاسترول 10 الف