اهلا اخواتى
اللى جرب خد قرض من البنك
ممكن اعرف افضل واضمن بنك بيدى قرض بمبلغ زى 20000 ويتقسطوا على 24 شهر واهم حاجة الفايده تكون اقل فايده مابين البنوك الاخرى؟؟
وايه الشروط؟؟
شكرا ليكم
عرض للطباعة
اهلا اخواتى
اللى جرب خد قرض من البنك
ممكن اعرف افضل واضمن بنك بيدى قرض بمبلغ زى 20000 ويتقسطوا على 24 شهر واهم حاجة الفايده تكون اقل فايده مابين البنوك الاخرى؟؟
وايه الشروط؟؟
شكرا ليكم
السلام عليكم أستاذ besho، بصراحة أنا معرفش بظبط الاجراءت أو أرخص بنك لكن يا ريت قصة القرض دي تكون أخر حاجة تفكر فيها، إلي أعرف كويس انهم بيمدوك على مستندات و ورقة على بياض ... يعني ممكن لو هو طلبت معه يبيعك إلي حلتك. لو محتاج الفلوس رأيي شوف أي مصدر تاني أو لو السبب في القرض عربية جديدة مثلاً فالدنيا مطرتش و كل حاجة تيجي بالصبر إن شاء الله. لو عوز مثلاً تعمل عملية جراحية كدة أوك. و شوف رأي الاخوة برد بس أنا بقول يا الانسان يحول يبات و هو مش مديون قدر المستطاع. أخوك أحمد سامي
لو كنت مضطر ومفيش وسبلة تانية والمبلغ ضرورة يبقى اقل فايدة البنك الاهلى المصرى واسهل اجراءت واقل وقت بنك كريدى اجريكول وبنك عودة والشروط اما ان تكون موظف ومعك مايثيت الدخل شيت القبض او جواب من الشغل او جواب من التامينات ولو كنت عمل حر يبقى السجل التجارى والاسهل اتصل بخدمة العملاء واسأل وياريت تقدر تدور على جمعية وتقبضها بدرى وتريح نفسك
بحسبه بسيطه كده 20000ج وعاوز تسدهم على 24 شهر يبقى اقل حاجه هاتدفعهم 1000ج ولو ماكنتش موظف القسط هايزيد عن كده
المبلغ مش كبير على انه يتعمل جمعيه مكونه من 20 فرد والفرد ب 1000ج وانت ممكن تدخل بفردين وتشوف واحد داخل معاك مش محتاج فلوسها وتبدل معاده معاك على اساس انك تاخد الاسمين ورا بعض وتجمع المبلغ وبدون 1 جنيه فايده
وربنا يقيلك حاجتك
ماحوظه صغيره : القروض مابيجيش من وراها غير الخراب
فعلاً بلاش القرض أفضل
ممكن تعمل جمعية زي مأبوا إياد قال ودي حتي هتبقا أريحلك وممكن تشوف جمعية بمبلغ اكبر من كدا حسب المتوفر امامك
الله يباركلك والله فعلا القرض مش بيجه من ورا غير الخراب لانه ربا وحرب من الله ورسوله
طيب و اللي معندوش حل تاني يعمل ايه ؟
يبقي ميلزوموش ياباشا
القرض غير جائز غير في مسائل صعبه جدا زي اللي ملوش بيت وبيته اتهد مثلا وهيقعد في الشارع او اللي مش لاقي ياكل او اللي هيعمل عمليه وهيموت لو معلمهاش يعني من الأخر في المسائل اللي فيها حياه او موت
لكن مينفعش مثلا واحد ياخد قرض عشان يشتري عربيه او يجددها او يجيب شقه او يتجوز
سيدى الفاضل السلام عليكم ورحمه الله وبركاته
سأحكى لك تجربتى الشخصيه مع القرض الشخصى ولك مطلق الحريه فى الاختيار .
بالطبع انا مقدر الظروف اللى بتدفع الناس للتأكد انه لاوسيله اخرى الا القرض _ انا نفسى كنت واحد منهم_ وبدأ الموضوع فى شهر مايو 2008 ولاننى اعمل فى مجال السياحه فمندوبين البنوك سواء للفيزا كارد او للقروض يظهرون بكثافه عارضين خدماتهم دون اى عناء منك اللهم ما الا استخراج شهاده دخل من المكان الذى تعمل به مع صوره البطاقه والباقى عليهم وبالفعل قدمت على قرض بقيمه 70000(سبعون الف جنيها) وطلبت ان يكون السداد فى سنتين فقط ولكن المندوب اقنعنى انه من الافضل زياده مده السداد لتقليل القسط وكده كده سيسدد ولكن قسط قليل _ بكل وضوح - كنت غبى واقتنعت وجعلت السداد على اربع سنوات على اعنبار اننى - بعون الله - لن انتظر اربع سنوات بل ساقوم بسداد كامل القرض خلال سنتين على الاكثر وحين حضرت موافقه البنك والتوقيع على الشيكات قمت بالتوقيع على (48 شيك) بعدد الاشهر وايضا على شيك مجمع بقيمه المبلغ كله.
نسيت ان اخبرك بنقطه هامه جدا ان المبلغ الذى تم الموافقه عليه لم يكن ماطلبته ولكن تم الموافقه على نصفه فقط !!!!!!!!!!! وكنت رفضت استلامه ولكن المندوب ايضا اقنعنى ان هذا اجراء مؤقت ونستطيع تعديله وطلب قرض اخر خلال 3 شهور من الانتظام فى السداد - قمه الغباء للمره الثانيه- وبالفعل اخذت المبلغ (35000 جنيه) على ان يسددوا خلال اربع سنوات بقيمه قسط شهرى 1085 جنيه* 48 شهر باجمالى 52080 جنيه بقائده 13.5% سنويا * 4سنوات اصبح المبلغ اجمالى فائدته 52% !!!!!!!!!!!!!!!!! طبعا بالنسبه لى قيمه قسط قليله ولم افكر فى نسبه الفوائد ولا الدين الشهرى ولا اى شيء .
المفاجأه المضحكه انه كلما احاول سداد دفعه كبيره يخبرونى ان هناك غرامه!!!!!!!!!!!!!!!!! اسمها غرامه السداد المبكر !!!!!!!!!!!!!!!!!!!!!! يعنى لابد ان تلتزم بميعاد القسط الشهرى فقط ولا تدفع اكثر منه حتى لو وضعت فى حسابك مبلغ كبير لسداد القسط الشهرى لن يتم استخدامه الا كل شهر فقط من البنك ليستفيدوا من الفائده والحمد لله كلها الشهر دا وانتهى من السداد لاننى لم استطيع ولم اوافق على السداد المبكر بشروطهم ولم استفد اصلا من المبلغ ودفعته 52% زياده وبنهايه الشهر الحالى سيكون باذن الله اخر قسط واخر مره افكر - مهما كانت الظروف - انى اعمل كده مره اخرى . بالمناسبه البنك هو باركليز.
حكيت تجربتى (مختصره قدر الامكان) والحكم والاختيار لحضرتك وما انا الا اقدم تجربه شخصيه.
ازال الله عنك الغمه وكفاك وكفانا شر الدين.
والسلام عليكم ورحمه الله وبركاته.
اهم حاجه معاك ضمان ؟