الموضوع: معلومات عن قرض البنك

المشاركة الأصلية كتبت بواسطة mazagangee

طيب و اللي معندوش حل تاني يعمل ايه ؟

يبقي ميلزوموش ياباشا

القرض غير جائز غير في مسائل صعبه جدا زي اللي ملوش بيت وبيته اتهد مثلا وهيقعد في الشارع او اللي مش لاقي ياكل او اللي هيعمل عمليه وهيموت لو معلمهاش يعني من الأخر في المسائل اللي فيها حياه او موت

لكن مينفعش مثلا واحد ياخد قرض عشان يشتري عربيه او يجددها او يجيب شقه او يتجوز

المشاركة الأصلية كتبت بواسطة harmadan

سيدى الفاضل السلام عليكم ورحمه الله وبركاته
سأحكى لك تجربتى الشخصيه مع القرض الشخصى ولك مطلق الحريه فى الاختيار .
بالطبع انا مقدر الظروف اللى بتدفع الناس للتأكد انه لاوسيله اخرى الا القرض _ انا نفسى كنت واحد منهم_ وبدأ الموضوع فى شهر مايو 2008 ولاننى اعمل فى مجال السياحه فمندوبين البنوك سواء للفيزا كارد او للقروض يظهرون بكثافه عارضين خدماتهم دون اى عناء منك اللهم ما الا استخراج شهاده دخل من المكان الذى تعمل به مع صوره البطاقه والباقى عليهم وبالفعل قدمت على قرض بقيمه 70000(سبعون الف جنيها) وطلبت ان يكون السداد فى سنتين فقط ولكن المندوب اقنعنى انه من الافضل زياده مده السداد لتقليل القسط وكده كده سيسدد ولكن قسط قليل _ بكل وضوح - كنت غبى واقتنعت وجعلت السداد على اربع سنوات على اعنبار اننى - بعون الله - لن انتظر اربع سنوات بل ساقوم بسداد كامل القرض خلال سنتين على الاكثر وحين حضرت موافقه البنك والتوقيع على الشيكات قمت بالتوقيع على (48 شيك) بعدد الاشهر وايضا على شيك مجمع بقيمه المبلغ كله.
نسيت ان اخبرك بنقطه هامه جدا ان المبلغ الذى تم الموافقه عليه لم يكن ماطلبته ولكن تم الموافقه على نصفه فقط !!!!!!!!!!! وكنت رفضت استلامه ولكن المندوب ايضا اقنعنى ان هذا اجراء مؤقت ونستطيع تعديله وطلب قرض اخر خلال 3 شهور من الانتظام فى السداد - قمه الغباء للمره الثانيه- وبالفعل اخذت المبلغ (35000 جنيه) على ان يسددوا خلال اربع سنوات بقيمه قسط شهرى 1085 جنيه* 48 شهر باجمالى 52080 جنيه بقائده 13.5% سنويا * 4سنوات اصبح المبلغ اجمالى فائدته 52% !!!!!!!!!!!!!!!!! طبعا بالنسبه لى قيمه قسط قليله ولم افكر فى نسبه الفوائد ولا الدين الشهرى ولا اى شيء .
المفاجأه المضحكه انه كلما احاول سداد دفعه كبيره يخبرونى ان هناك غرامه!!!!!!!!!!!!!!!!! اسمها غرامه السداد المبكر !!!!!!!!!!!!!!!!!!!!!! يعنى لابد ان تلتزم بميعاد القسط الشهرى فقط ولا تدفع اكثر منه حتى لو وضعت فى حسابك مبلغ كبير لسداد القسط الشهرى لن يتم استخدامه الا كل شهر فقط من البنك ليستفيدوا من الفائده والحمد لله كلها الشهر دا وانتهى من السداد لاننى لم استطيع ولم اوافق على السداد المبكر بشروطهم ولم استفد اصلا من المبلغ ودفعته 52% زياده وبنهايه الشهر الحالى سيكون باذن الله اخر قسط واخر مره افكر - مهما كانت الظروف - انى اعمل كده مره اخرى . بالمناسبه البنك هو باركليز.
حكيت تجربتى (مختصره قدر الامكان) والحكم والاختيار لحضرتك وما انا الا اقدم تجربه شخصيه.
ازال الله عنك الغمه وكفاك وكفانا شر الدين.
والسلام عليكم ورحمه الله وبركاته.

نفس الموقف حصل معايا وعملت قرض ب 30 الف بس مفيش شيكات ولا حاجه عشان بضمان الشركه اللي انا شغال فيها وكان القرض لوالدي بعد ماشيخ الله يسامحه اقنعني ان دي ضروره وبعدها الفلوس اتصرفت او بمعني اصح اتبخرت ولما بحكي لواحد صحبي شيخ رعبني وكان حايف عليا جدا وقالي لازم تسده بسرعه وفعلا عملت جمعية ب 20 الف ورحت سددت وقالولي سداد مبكر 1000 جنيه وشويه قلت مش مهم ابتغاء رضا الله وكده كده المبلغ الذياده مقارنة باللي هدفعه لما اسدد الأقساط كلها واحده واحده هيبقي اقل كتيير والحمد لله دفعت 20 الف والباقي علي كام شهر واتفكيت منه وكانت مره وتوبه علي كده