انا قدامي bmw 525 model 2000 عامله 190 الف كيلو مطلوب فيها 120 كده كتير والا عادي؟ و ايه هحسن حاجه اركبها بالفوس ديه 120 الف؟واكشف فين على العربيه ؟؟؟؟؟؟؟
عرض للطباعة
انا قدامي bmw 525 model 2000 عامله 190 الف كيلو مطلوب فيها 120 كده كتير والا عادي؟ و ايه هحسن حاجه اركبها بالفوس ديه 120 الف؟واكشف فين على العربيه ؟؟؟؟؟؟؟
اعتقد السعر اقل من المتوسط!!
كان فيه زميل هنا اسمه شيكو بايع عربيته مو٢٠٠١ من شهرين ب ١٥٠ الف جنيه
فاعتقد ان مؤ ٢٠٠٠ مفروض تبقى من ١٢٥-١٤٠ حسب الحاله
لازم تكشف عليها ف التوكيل لا يكون ملعوب فيها ولا عامله حادثه كبيره
وبالتوفيق
سعر معقول جدا
و سيارة ممتازة --- صدقني لو نضيفة هتبسطك جدا
علي البركة -- بس اكشف في التوكيل
بكرر --- اكشف في التوكيل (دي نصيحة من اخ )
مش عارف ليه يا شيكو حاسس إن السعر ده ممكن يبقى فيه شوية كلام
لسبب أولا العربية دي قبل ال faceleft بتاعها
وكمان أكيد عافشتها متبهدلة وهتصرف
أكيد طبعا اللي هايحكم هو الكشف بس العربية دي صعب قوي تلاقي واحدة للبيع بحالة كويس
هو ده سعرها الطبيعى ..... و اعتقد انك محتاج تصرف عليها 15/20 الف لتجديد العفشه و خلافه ....
السلام عليكم...
مبدئيا كلام العضو مايلو خطأ بالنسبه إن ال 523 انديفدوال بتكون إمكانيات أعلى من ال 525 لأنه بالأساس ال e39 بتنزل فقط فتحة سقف فى موديل 525 و ما يليها و مش بتنزل فى ال 523 أو ال 520 إلا إذا كانت انديفدوال تقريبا هذا بخلاف إن محرك ال 525 بيكون 192 حصان على عكس المحرك الموجود بال 523 اللى بيكون 170 حصان عالرغم من إن ال 2 سعه واحده 2494 سى سى بقية الإمكانيات بالسيارتين تقريبا واحد لا فرق إلا فى جزء فتحة السقف و يمكن شكل الفوانيس و شكل الجنوط و كلام كلها شكليات ليس إلا....
بالنسبه للسياره السعر معقول حتى و إن ارتفع هيوكن فى حدود 5000 - 7000 جنيه عن السعر السوقى لل e39 525. بالنسبه للسياره اكشف عليها فى التوكيل كشف شامل تقريبا هيكلفك 1000 جنيه و لو الدنيا مضبوطه توكل على الله لو فيه شىء هيحتاج صيانه أو تغير اسأل على سعره فى التوكيل و فى شارع دمشق و ضبط السعر مع مالك السياره على حسب المصروف اللى ممكن يكون فيها و ربنا يوفقك لما هو فيه الخير و الصالح لك.
أولا أنا لا اقصد شىء و الله و مش عاوزك تكون زعلان منى :)
بالنسبه للمرايات الفولدنج التعتيم و خلافه فهى مجرد شكليات ممكن التعديل لها بسهوله جدا لأنها فك و تركيب موضوع النظام الصوتى اكون كاذب لو قولت لك اعرف به لو الأستاذ inspiron قال لك إن النظام الصوتى فى فئة الأنديفدوال أفضل عن الفئات الأخرى فبالتأكيد هو صادق
الشكليات بتفرق لكن هناك فارق بين شكليات و شكليات بمعنى إنه حضرتك و أنا عندنا مثلا جنوط 17 فى سيارتنا لكن هل تفرق إنه معى جنط ايه سى شنيزر و أنت معك جنوط إم ثرى لأ لأن بالنهايه الجنطين شكلهم جميل و الأثنين 17, حضرتك عندك بسيارتك مثلا مرايا ضم كهرباء و أنا عندى مرايا بضمها بيدى لكن شكل المرايا واحد مش هتفرق معى فى شىء لأنه بالنهايه كلها شكليات غير مهمه بالمره لكن اما حضرتك تقول لى أنا معدل سيارتى M5 هقول لك الشكليات هنا تفرق لأن تكلفة التعديل هتدخل فى قصة 10,000 - 15,000 جنيه إنت فاهم قصدى ايه. و بعدين لو تم المقارنه ما هو الشىء الأهم أن يكون لدى مرايات ضم كهرباء و تكون بها خاصية ضبط للأضاءه و نظام صوتى مختلف و لا محرك 192 حصان و أخر 170 حصان, و لا أنا سيارتى بها فتحة سقف و سيارتك لا يوجد بها فتحة سقف لأنى ببساطه اقدر اشترى المرايا و الجنوط لكن هتكون صعبه على إنى اقطع فى سقف سيارتى لعمل فتحة سقف, او اغير محرك سيارتى و ادفع ثمن محرك سياره سعره يوازى 3 أضعاف سعر المرايا و النظام الصوتى ارجو إنك تكون فهمت وجهة نظرى و متى تقارن بين كماليات السياره و بين غيرها بدون كماليات هذا من وجهة نظرى طبعا و لكل وجهة نظر تحترم جدا :)
أكيد مفيش زعل ولا حاجة وبعدين إنت من أكتر الناس اللي اتعلمت منهم عن bm
أنا عارف موتور 525 أحسن بكتير من 523 ومش موضع مقارنة طبعا
أنا كان ردي على زميلنا اللي اتكلم عن السعر وقال إن ال 523 متباعة ب 150
أنا فهمت من الكلام إنه قصده إن السعر قليل
عاشان كده أنا رديت وقلت فيه فرق بين اللي اتباعت دي و523 العادية وإن السعر كده مش قليل ولا حاجة
ووضحت الفرق بان ال individual "كمالياتها" أكتر من 525, كماليات بس مش حاجة تانية
أنا مقارنتي كانت مابين 523 individual تحديدا و 525 عموما و كانت في الكماليات بس
مش 523 و 525