ربنا يكرمك ويوفقك و يفتحها عليك ان شاء الله
عرض للطباعة
ربنا يكرمك ويوفقك و يفتحها عليك ان شاء الله
ربنا يكتب لك ما فيه الخير :)
ربنا يكرمكم ياشباب كلكم
زيزو
ردا على سؤالك .
مكسب الأدوية محدد بنسبة في الغالب (20 %) مش أكتر من كده علشان هتلاقي عندك توالف وهوالك وإكسباير
المهم
لما يكون الصيدلية لها مصروفات أساسية..إيجار محلات وتأمينات وكهربا وميه ورواتب ناس شغالة و..إلخ
وأنا مصاريفي الشخصية صعب أقتصد فيها أكتر من كده
انا دلوقتي يدوبك على أد بنزين العربية والسجاير
وفجأة
بعد الثورة حال البلد يقف..وحركة البيع حواليك تقل
وفجأة
تلاقي إتفتح حواليك 4 صيدليات بفرق زمني أسابيع تقريبا
وفجأة
تلاقي البلد إلي إنت فاتح فيها .. مابقاش فيها دكاترة
وتلاقي الدكتور الي فيها فتح صيدلية لمراته .. وبقا بيبعت الناس ليها بالإسم
وتحاول تلم شوية الفلوس المتبعترة عند الناس من زمان .. ماتعرفش
وفجأة
تلاقي اصحاب المخازن عاوزين يصفروا حساباتهم صفر
والكام مشروع الي انا دخلتهم قبل كده..مامروش مرور الكرام
مروا بخساير كام ألف
في الوقت ده .. انا لو فضلت زي مانا كده
هكون بالظبط شغال علشان أكفي مصاريف الصيدلية وبنزين العربية والسجاير ومصروف إيدي
يبقا إيه فايدة الشغل بقا ؟
الوضع لازم يتشقلب 180 درجة
وياصابت .. ياإتنين عور
لو صابت ... صابت
لو إتعورت .. هسافر بره مع إني مش بحب أشتغل عند حد .. وخصوصا الخلايجة
وللأسف
مؤهلاتنا ماتسمحش لينا نسافر غير الخليج
مكسب الصيدلية 20% من تمن الدوا .. يعنى لو بتبيع ب 700 جنيه يوميا (علي سبيل المثال ) يبقى مكسبك 140 جنيه يوميا بما يساوى 3640 جنيه شهريا .. طبعا المكسب ده مش صافي لأنك بتجيب اصناف جديده عشان تزود راس المال .. و بتطلع منه توالف واكسبايرد (لحد كده عادى) .. طلع بقى منه مصاريف الصيدلية : مية - كهربا - تليفون - تأمينات - عوايد - نضافة - اشتراك الغرفة التجارية - ضرايب عامة - ضرايب مبيعات - مصاريف عمالة - إيجار .. اخر بندين بس بيخربوا الدنيا .. بعد ماتخصم كل ده حلال عليك ياعم الباقي اصرف وشبرق نفسك .. طب تصدق وتآمن بالله انا لما باقرر انزل القاهره 5 تيام باستعوض ربنا ف نص مكسب شهر !
إنتوا مش أغراب عني
مبيعاتي دلوقتي نزلت بشكل خرافي لدرجة 400 ج في اليوم
ودي مصيبة سودا
نزلت أكتر من النص بشوية
يعني 80 ج في اليوم مكسب(محصلتش يومية صنايعي)بس الناس تقولك الصيادلة بيكسبوا دهب
يعني 2400 ج في الشهر
بيتشال منهم كل الرغي الي وسيم قاله ... ضرايب عامة وضرايب مبيعات وتأمينات على العاملين وكهربا تجاري وميه تجاري
وإيجار وهوالك وتوالف وإكسباير
ده غير مصاريف علاجي الشخصي من مشكلة معدتي .. ربنا مايخليكم تشوفوا لما معدتي تقرر توريني الوش التاني بتبقا عاملة إزاي
الكام ملطوش إلي ببفضلوا .. يدوبك بنزين العربية والسجاير
يعني انا بقالي كام شهر شغال خدمة عامة من غير فلوس تقريبا
وكل شهر أقول يمكن الشهر الجاي تتحسن
ودخلت في كام فكرة مشروع وفشلوا
خسروني فلوس وخربت أكتر ماهي خربانة
.
فالعيادة هي البديل الوحيد علشان أقدر ساند نفسي
وإلا
البديل حاجة من إتنين
ياإما أسرق الناس أو أبيع مخدرات
ودي حاجة مش مطروحة للنقاش أساسا
ياإما
أسافر
والسفر ده هيكون حل صعب عليا .. خصوصا ان أخويا في اولى جامعة ومحتاج أكون جمبه في المرحلة المهمة دي من حياته
والحج كان مصاب بجلطة من فترة .. وصحته مش زي الأول
والحاجة .. كبرت ومحتاجني ظهر ليهم
فكل الخيارات المتاحة بالنسبة ليا صعبة
حل بعيد أوي بيجي في بالي من فترة للتانية
بس ده مش بيتخطط له .. ده بييجي مرة واحدة وفجأة
في عاملين مشتركين في كل المشاريع دي
الأول: انك انت اللي بتعملها
والتاني: ان كل مشروع بتحكي تفاصيله للشعب كله
ربنا ييسرلك الحال ، بس عملت دعايه ولا لأ ؟
انا عامل دعاية بقالي اكتر من 3 اسابيع دلوقتي
والمكان بتاع العيادة كان عليه مشكلة وفضلت ادور على مكان تاني لحد
ماأخيرااااااااااااااااااا اااااا النهاردة روحت انا واخويا محمود وشطبنا الشقة بإيدنا
علشان صاحب البيت كان حاطط ايده في ميه باردة وواخد راحته في تشطيب الشقة
وبكره الصبح هروح اي مركز كمبيوتر اكتب ورق دعايا صغير .. وأخلي عيل صغير يوزعه على الناس في الشارع وفي الجامع
وهخلي العامل في المسجد يعلن في ميكروفون الجامع بكره الظهر
وربنا ييسر
ربنا معاك يا د. أحمد ويوسع لك الرزق ..
يا ريت تحط فى اعتبارك فى العيادة المشتركة تعمل أوضة معمل تحاليل ، تبقى انت صاحب راس ماله وتشغله لحسابك لأن مكسب المعمل أحسن بكتير من مكسب الصيدلية. بس طبعاً خللى دى خطوة تالية لما العيادة تشتغل ان شاء الله.
السلام عليكم و رحمة الله و بركاته
بالتوفيق ان شاء الله و ربنا هيكرمك و يوفقك باذن الله, هى لما الأمور بتتأزم أوى كده بتفرج بعدها على طول ان شاء الله.
بس لو الأمور حكمت و طلبت معاك سفر, ماتسافرش الخليج بأه, هنا فى كندا, أنا ماعرفش أوى عن أحوال الصيادلة لأنها بعيد عن مجالى, بس أدام سفر بسفر, يبقى تعال كندا و ذاكر المعادلة و اشتغل صيدلى هنا, هنا الصيدلى بيعمل بتاع 70000 دولار تقريبا فى السنة.
فيه منتدى اسمه المطاريد, فيه توبيك كامل عن الصيادلة فى كندا و المعادلة و الكلام ده.
بالتوفيق ان شاء الله و ابقى طمنا على آخر الأخبار.
ساعة الصيدلى فى كندا 80 دولار والحسابة بتحسب .. :)