انا مش جايلي نوم من إمبارح
قاعد قلقان من العيادة .. وخايف من النتيجة
لو ربنا ماكرمنيش في المشروع ده كمان
هسيب البلد كلها .. ومش هيكون غريب لو سبت الدنيا كلها
الفشل والإكتئاب بقوا حاجة ماسكة فيا مش عاوزة تسيبني
عرض للطباعة
انا مش جايلي نوم من إمبارح
قاعد قلقان من العيادة .. وخايف من النتيجة
لو ربنا ماكرمنيش في المشروع ده كمان
هسيب البلد كلها .. ومش هيكون غريب لو سبت الدنيا كلها
الفشل والإكتئاب بقوا حاجة ماسكة فيا مش عاوزة تسيبني
ربنا يوفقك ويرزقك بكل خير بأذن الله
ربنا يوفقك ويرزقك كل خير
والقلق ده شىء عادى بالنسبة لانه موضوع جديد
اهم حاجه استخير ربنا
ان شاء الله هتنجح و علي فكره انا برضه نفس الكلام قعدت اجرب في حاجات كتير بس فشلت و يا رب انجح انا كمان في اللي انا فيه
نام شوية. لازم تبقى فايق عشان تعرف تركز
والموضوع فيه عوامل كتير. شوف اللي تقدر تتحكم فيه وسيطر. الباقي هنعمل فيه إيه؟ ولا الهوا
النجاح دايما من نصيب اللي يحاول. وانت يا دكتور بتحاول
ومبرووووووووووووووووووووو وك مقدما
اولا الف مبروك يا احمد العيادة
ثانيا الأرزاق بالله
بسم الله الرحمن الرحيم
إِنَّ اللَّـهَ عِندَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ ۖ وَمَا تَدْرِي نَفْسٌ مَّاذَا تَكْسِبُ غَدًا ۖ وَمَا تَدْرِي نَفْسٌ بِأَيِّ أَرْضٍ تَمُوتُ ۚ إِنَّ اللَّـهَ عَلِيمٌ خَبِيرٌ ﴿٣٤﴾
صدق الله العظيم
وبردو ربنا قال
بسم الله الرحمن الرحيم
وَمَن يَتَّقِ اللَّـهَ يَجْعَل لَّهُ مَخْرَجًا ﴿٢﴾وَيَرْزُقْهُ مِنْ حَيْثُ لَا يَحْتَسِبُ ۚ وَمَن يَتَوَكَّلْ عَلَى اللَّـهِ فَهُوَ حَسْبُهُ ۚ إِنَّ اللَّـهَ بَالِغُ أَمْرِهِ ۚ قَدْ جَعَلَ اللَّـهُ لِكُلِّ شَيْءٍ قَدْرًا ﴿٣﴾
صدق الله العظيم
بسم الله الرحمن الرحيم
فَإِذَا عَزَمْتَ فَتَوَكَّلْ عَلَى اللَّـهِ ۚ إِنَّ اللَّـهَ يُحِبُّ الْمُتَوَكِّلِينَ ﴿١٥٩﴾
صدق الله العظيم
نرتب بقي ترتيب منطقي
1- طالما عزمت او عقدت النية يبقي توكل علي الله
2- اتق الله في عملك ومن يتقي الله يرزقه من حيث لا يحتسب
3- من يتوكل علي الله فهو حسبه بمعني هو وكيله
4- واخيرا الأرزاق علي الله ومحدش عارف بكرة هيكسب كام او هيموت فين
ربنا يوفقك يا احمد بس اعلم ان الله يريد بك الخير دائما
وربنا قال
بسم الله الرحمن الرحيم
فَإِنَّ مَعَ الْعُسْرِ يُسْرًا ﴿٥﴾إِنَّ مَعَ الْعُسْرِ يُسْرًا ﴿٦﴾
صدق الله العظيم
اعتقد دة توكيد لفظي
وربنا عطف العسر مع اليسر
يعني ما ضاقت الا ما فرجت
ومع العسر يأتي اليسر
ويقول الأمام الشافعي
ولرب نازلةٍ يضيق لها الفتى ذرعاً ، وعند الله منها المخرج
ضاقت فلما استحكمت حلقاتها ، فرجت وكنت أظنها لا تفرج
توكل علي الله
ويفوز باللذات كل مجاذف ويموت من الحسرة كل جبان
ربنا يوفقك
والله المستعان
،
،
الف مبروك يا احمد
ربنا يوفقك
وادعى بس كتير واستغفر ربنا
((فقلت استغفروا ربكم انه كان غفارا يرسل السماء عليكم مدرارا ويمددكم بامول وبنين ويجعل لكم جنات ويجعل لكم انهرا ))
ربنا يوفقك و يرزقك ان شاء الله
ربنا يكرمك ويرزقك بالرزق الحلال الوفير ...
شوية نصايح ليك من اخوك :
1- حاول تشوف دكتور مشهور في المنطقه بتاعتك وتعرض عليه ان يشتغل معاك في العياده واعرض عليه عرض مادي كويس .لان الدكتور دا هييجي بزباينه حتى لو مشى بعد كده هتبقى عملت دعايه كويسه في البدايه.
2- الدعايه المكثفه في كل المناطق المحيطه.
3- وزع الدعايات مع طلبات التوصيل للمنزل سواء في الصيدليه او في المشروعات التجاريه المحيطه."حول تظبط الولاد بتوع الدلفري في المحلات المحيطه بيك.
نصائح شخصيه ليك :
1-اكثر من الاستغفار فانه من اكبر اسباب زيادة الرزق.
2-حاول تدريجيا تبطل السجاير لانها زي مانت عارف بتتعب المعده اللي انت بتشتكي منها الى جانب اضرارها الكتير المعروفه.
3- حافظ على الصلاه في اوقاتها والدعاء بين الاذان والاقامه.
وفي النهايه انت بتسعى وتعمل اللي عليك ويكفيك شرف التجربه .
ان شاء الله خير يا فارما وربنا يكرمك وشغل العياده يزودلك شغل الصيدليه