السلام عليكم يا شباب المنتدى الجامد
انا دلوقتي معايا ستروين c3 وعايز اصبلها فنوس امامي بلاستيك مش عارف اورح لمين يكون كويس وسعرها كام تقريبا .. ثانيا معليش بعد ما اصبه اخلي مين يركبهولى هل نفس المحل الهيصبهولى؟ شكرا مقدما على مساعتدكم
عرض للطباعة
السلام عليكم يا شباب المنتدى الجامد
انا دلوقتي معايا ستروين c3 وعايز اصبلها فنوس امامي بلاستيك مش عارف اورح لمين يكون كويس وسعرها كام تقريبا .. ثانيا معليش بعد ما اصبه اخلي مين يركبهولى هل نفس المحل الهيصبهولى؟ شكرا مقدما على مساعتدكم
ممكن حضرتك توضح يعنى الوش عندك اتسكر وعايز تصب واحد تانى غيره لو هو ده قصدك فى واحد اتعملت معااااه شغله نضيف فى الاباجيه بس والله مش فاكر اسمه بس هو لوانت جاى من الاتوستراد من حلوان كده هتدخل الاباجيه تعدى شريط القطر اكنك نازل السيده عائشه تمشى شويه هتلاقى فى شارع يمين هو فى الشارع ده وهو الى هيركب الوش لحضرتك وعندك برضه شركه فى التوفيقيه بتعمل الوشوش
السلام عليكم
اخى العزيز فية شركة اسمها العالمية دى فى جسر السويس فى وسط محلات زجاج السيارات وقطع الغيار
لو انت جاى من تجنيد الحلمية وطالع على الجراج تبقى على شمالك عند اول تيرن بعد الف مسكن - لف التيرن الى راجع على التجنيد وانزل اسأل على العالمية للفوانيس ان شاء الله هيعملو كل الى انت عايزة
ألف شكر ياشباب هو الفانوس متكسرش بس بقاله 9 سنين فوش الفانوس بقى مخربش وأصفر والإضاءه بقت سيئه فالناس نصحتني باني أصب وش فانوس .. سؤال بقى هل فى حد كويس طيب فى الحرفيين لانى نازل هناك بكره ان شاء الله
ماتصبش وشوش جديدة
القديمة اللي عندك بتتلمع وهي في مكانها وبترجع زي الجديدة واحسن كمان
هاتلاقي مواضيع كتير في المنتدى بتتكلم عن تلميع الفوانيس وتقدر تعملها بنفسك وبتكلفة قليلة جدا
وفيه ناس كتير عالفيس بوك عاملة عروض تلميع لو انت مش عايز تعملها بنفسك أو لو انت مش غاوي وجع قلب