عايز أصب فنوس بلاستك ؟؟

**specialmomo** · 31-03-2012 04:48 AM

السلام عليكم يا شباب المنتدى الجامد
انا دلوقتي معايا ستروين c3 وعايز اصبلها فنوس امامي بلاستيك مش عارف اورح لمين يكون كويس وسعرها كام تقريبا .. ثانيا معليش بعد ما اصبه اخلي مين يركبهولى هل نفس المحل الهيصبهولى؟ شكرا مقدما على مساعتدكم

**eldell** · 01-04-2012 04:17 PM

المشاركة الأصلية كتبت بواسطة specialmomo

السلام عليكم يا شباب المنتدى الجامد
انا دلوقتي معايا ستروين c3 وعايز اصبلها فنوس امامي بلاستيك مش عارف اورح لمين يكون كويس وسعرها كام تقريبا .. ثانيا معليش بعد ما اصبه اخلي مين يركبهولى هل نفس المحل الهيصبهولى؟ شكرا مقدما على مساعتدكم

ممكن حضرتك توضح يعنى الوش عندك اتسكر وعايز تصب واحد تانى غيره لو هو ده قصدك فى واحد اتعملت معااااه شغله نضيف فى الاباجيه بس والله مش فاكر اسمه بس هو لوانت جاى من الاتوستراد من حلوان كده هتدخل الاباجيه تعدى شريط القطر اكنك نازل السيده عائشه تمشى شويه هتلاقى فى شارع يمين هو فى الشارع ده وهو الى هيركب الوش لحضرتك وعندك برضه شركه فى التوفيقيه بتعمل الوشوش

**khaledrezk** · 01-04-2012 06:04 PM

المشاركة الأصلية كتبت بواسطة specialmomo

السلام عليكم يا شباب المنتدى الجامد
انا دلوقتي معايا ستروين c3 وعايز اصبلها فنوس امامي بلاستيك مش عارف اورح لمين يكون كويس وسعرها كام تقريبا .. ثانيا معليش بعد ما اصبه اخلي مين يركبهولى هل نفس المحل الهيصبهولى؟ شكرا مقدما على مساعتدكم

السلام عليكم

اخى العزيز فية شركة اسمها العالمية دى فى جسر السويس فى وسط محلات زجاج السيارات وقطع الغيار
لو انت جاى من تجنيد الحلمية وطالع على الجراج تبقى على شمالك عند اول تيرن بعد الف مسكن - لف التيرن الى راجع على التجنيد وانزل اسأل على العالمية للفوانيس ان شاء الله هيعملو كل الى انت عايزة

**specialmomo** · 02-04-2012 12:57 AM

ألف شكر ياشباب هو الفانوس متكسرش بس بقاله 9 سنين فوش الفانوس بقى مخربش وأصفر والإضاءه بقت سيئه فالناس نصحتني باني أصب وش فانوس .. سؤال بقى هل فى حد كويس طيب فى الحرفيين لانى نازل هناك بكره ان شاء الله

**Salamonti** · 03-04-2012 03:38 PM

ماتصبش وشوش جديدة
القديمة اللي عندك بتتلمع وهي في مكانها وبترجع زي الجديدة واحسن كمان
هاتلاقي مواضيع كتير في المنتدى بتتكلم عن تلميع الفوانيس وتقدر تعملها بنفسك وبتكلفة قليلة جدا
وفيه ناس كتير عالفيس بوك عاملة عروض تلميع لو انت مش عايز تعملها بنفسك أو لو انت مش غاوي وجع قلب

**specialmomo** · 05-04-2012 11:09 PM

المشاركة الأصلية كتبت بواسطة salamonti

ماتصبش وشوش جديدة
القديمة اللي عندك بتتلمع وهي في مكانها وبترجع زي الجديدة واحسن كمان
هاتلاقي مواضيع كتير في المنتدى بتتكلم عن تلميع الفوانيس وتقدر تعملها بنفسك وبتكلفة قليلة جدا
وفيه ناس كتير عالفيس بوك عاملة عروض تلميع لو انت مش عايز تعملها بنفسك أو لو انت مش غاوي وجع قلب

الف شكر ياباشا انا فعلا لقيت واحد فى الحرفيين بيلمع الفوانيس لكن طلب منى أفكه وفكيتهوله فعلا بس الصراحه 10 على 10 رجع زي الجديد وغسله من جوه وظبطه جدا هو صحيح خد 50 جنيه فى الفانوس بس انا راضى عن الشغل العمله .. متشكر ليك قوي