حد جرب يغيير الاسبراتير العادى باسبراتير الكترونى ؟؟ هل فرق فى حاجة ؟؟ هل عمره الافتراضى قليل زى الابلاتين و الكوندنسر ؟؟ بيجى استيراد و لا جديد و اسعاره بتعمل كام ؟؟
عرض للطباعة
حد جرب يغيير الاسبراتير العادى باسبراتير الكترونى ؟؟ هل فرق فى حاجة ؟؟ هل عمره الافتراضى قليل زى الابلاتين و الكوندنسر ؟؟ بيجى استيراد و لا جديد و اسعاره بتعمل كام ؟؟
متااااااااااااااااااااابع بقوة
تحياتي
متابع
السلام عليكم و رحمة الله و بركاته
اللى أنا أعرفه أن الاسبراتير الالكترونى مابيتغيرش, ده بيتغيرله حاجة اسمها مشط تقريبا و ده بيقعد مده طويييييييلة على مايتغير و تمنه بيختلف حسب العربية, بس فى الشاهين مثلا ب120 جنيه.
سيادتك بتتكلم على الاسبراتير الالكترونى ده و لا على القطعة اللى بتتركب بدل الأبلاتين و الكوندنسر العاديين فى الاسبراتير العادى اللى فى العربية, اللى الميكانيكية, بيسموه, طقم الكترونى.
أنا عامل فى عربيتنا كده (بيجو 505 مو1980), جبت قطعة ب175 جنيه من محل فى القاهرة و ركبتها فى الاسبراتير العادى اللى فى العربية أصلا مكان الأبلاتين و الكوندنسر العاديين اللى كانوا فى العربية أصلا و طبعا العربية فرقت فرق كبيييييييييييير جدا جدا فى التجميع و الاستجابة.
اللى أنا ناوى أعمله فى العربية, أن لما القطعة دى تبوظ بعد عمر طويل ان شاء الله, أنى أجيب الاسبراتير الالكترونى بالموبينا بتاعته اللى أصلا بينزلوا فى البيجو ال505 الموديلات الأحدث و دول بيكون تمنهم مع بعض حوالى 500-550 جنيه و ده اللى بيبقاله مشط بيتغير لما يبوظ.
بالتوفيق ان شاء الله.
انا الاسبراتير عندى العمود القصير فهل ينفع يركب عليه القطعه ديه ولا لا
السلام عليكم و رحمة الله و بركاته
أنا لما جبت القطعة دى, ركبتها عند ميكانيكى ورا الراجل اللى اشتريتها منه, أنت الأول روح للميكانيكى ده و قوله أنا عاوز أعمل كذا كذا و خليه يبص على المكان و على كل حاجة, قالك, تركب, روح هات القطعة و ارجع يركبهالك, القطعة دى بتركب جوه الاسبراتير مكان الأبلاتين بالظبط.
طب تعرف تصورهالى او تصور العلبه بتاعتها
السلام عليكم و رحمة الله و بركاته
أنا ركبتها فى فبراير السنة اللى فاتت 2011 و للأسف مش هعرف أصورهالك لأنى بره مصر حاليا, بره مصر جدا, بره مصر خالص.
بس بنسبة 95%, هى تركب عندك ان شاء الله, لأن عربيتك مو 1977 و عربيتنا ال505 مو 1980 و أنا ماعتقدش أن فيه فرق بين الاتنين فى الاسبراتير.
الأفضل و الأضمن, أنك تروح للميكانيكى اللى هيركبها, او على الأقل, أى ميكانيكى يكون عارفها, اللى أنا أصلا عرفت منه الموضوع ده, كان أخ فاضل معانا هنا فى المنتدى, بس, أنا للأسف مش متذكر اسمه, كان مركبها فى عربيته البيجو ال504 مو 1979 على ماعتقد.
Electronic Ignition Conversion Kit
ها ايه الاخبار ركبت الاسبراتير الاليكترونى و لا لسه ؟؟
انا اصلى ناوى اركبهم فى عربيتي و امبارح نزلت عزبة شلبى بس مالقتشى غير الاسبراتير الاليكترونى بالفيشه بس ب275 جنيه
و الناهرده بإذن الله حشترى المشط جديد و الموبينه الاليكترونى (كده كده الموبينه اللى فى العربيه ابتدت تبوظ)
فانا كنت بطمن بس منك على اخبار التعديل و ربنا يستر و ماتروحشى الفلوس اللى حدفعها على الفاضى
خاصه انى انا اللى حعمل التعديل ده بايدي لأن الميكانيكي اللى بتعامل معاه غبى و مش بيرضى يعدل اى حاجه على فابريكة العربيه
انا اشتريت القطعه دى لعربيتي التيوتا القديمه اللى بعتها
و دلوقتى لما جيت اشتريها للبيجو 504 لاقيت المحل ده للاسف بطل يستوردها و فيه مفاوضات انه يرجع يستوردها تانى - صاحب المحل قالى "ممكن " يرجعو يبيعووها بعد شهر او اتنين :Copy of rfds:
و علشان كده انا بقيت مطر انى اشترى المنظومه كامله (اسبراتير اليكترونى + مشط + موبينه )
السلام عليكم و رحمة الله و بركاته
أنا من رأيى أنك تشترى المنظومة كلها أحسن, لأن زى مانت شايف القطعة دى كانت من سنة و نص ب 175 جنيه و كمان على كلامك مابقتش موجودة, المنظومة كلها كانت من حوالى سنة ب450-500 جنيه و بتاعت العربية و حاجة موجودة و متوفرة, أفضل 100 مرة من القطعة أم 175 جنيه دى.
حتى لو مش هتلاقيها فى القاهرة, هاتها من الزقازيق و لا المنصورة, هتلاقيها كتير و حالتها ممتازة و أصلا الأماكن دى غاويين البيجو ال504 و ال505 و أحسن ناس بتشتغل فيها.
ما أصلا تفكر تغير عربيتك ال504 و تجيب 505 طيارة, اللى هى مو ال85 و أنت طالع ؟؟؟؟؟؟؟؟؟؟؟
ياباشا الف شكر على الاهتمام
انا صرفت نظر عن شراء القطعه ام 175 جنيه دى لأنها مابقيتشى موجوده خلاص
و انا بالفعل اشتريت الناهرده المنظومه كلها (بوبينه اليكترونى + مشط + اسبراتير اليكترونى + الفيشه و اللوحه ) و كل ده قطع معايا 575 بالظبط
بس اللى واقف عليه دلوقتى هو توصيل الفيشه دى ...
الفيشه دى 7 اطراف بيتوصلو بالمشط و من الناحيه الثانيه 3 اطراف بيتوصلو بالاسبراتير الاليكترونى و فيه طرف فاضى
اتبقى دلوقتى 3 اطراف من الفيشه ماعرفشى بيتوصلو بايه بالظبط عارف ان فيهم واحده المفروض تتوصل بالموجب و الثانيه بسالب البوبينه (علشان تعملالتقطيع) و الثالثه معرفشى بتتوصل بايه
و خايف بصراحه اوصل غلط لحسن احرق الدنيا و تروح عليا فلوسى ... فياريت لو حد مطبق النظام ده عنده يقولى توصيل ال 3 فرد اللى طالعين لوحدهم من الفيشه ازاى
هو بصراحه البياع قالى خلى كهربائى يعملهالى ... بس برضه انا مافيش كهربائى اثق فيه للدرجه دى
اما بقى انى ابيع العربيه دى و اجيب 505 طياره ؟؟؟
فده صعب اوى لأنى لو بعتها ابقى اجيب حاجه جديده ششويه - يعنى انا بفكر اجيب 406 بعد دى
و ال 504 دى غاليه عليا اوى لأنها بتاعت والدى عليه رحمة الله و هو اشتراها زيرو سنه 1985 (كان عمرى سنه واحده ) و ليها معايا ذكريات كتيره على مدار حياتى و هى اللى اتعلمت بيها السواقه و هى اللى طلعت بيها الرخصه كمان
طيب الحق كده اقولك الاسعار و هما لسه طازه قبل ما انساهم
مبدئيا كده واضح ان جنه الاستيراد فى البيجو هى شاريع العشريني فى عين شمس مش عزبة شلبى (زى اليابانى )
فاللى انا اشتريته
- اسبراتير اليكترونى بالفيشه بتاعته (لازم الفيشه) ب 275 -- من عزبة شلبى
- بوبينه اليكترونى و مشط و فيشه (فيشه تانيه غير الفيشه بتاعت الاسبراتير) و القاعده (حته صفيحه و فى اولها حته بلاستيك) ب 300 جنيه و دول جبتهم من واحد فى شارع العشريني
على العموم انا ناوى اعمل موضوع منفصل فى قسم البيجو عن التجربه دى لو نجحت بإذن الله بالصور
علشان انا قلبت النت كله عن حد يشرح التعديل ده بالظبط و مالقتشى و لما بسأل بتوع الاستيراد يقولولى روح للكهربائى و هو يعملها
الموبينه جديده ولا استيراد برضه
السلام عليكم انا كنت عايز اضيف تجربتي بخصوص الاسبراتير الالكتروني
انا عربيتي ميرا موديل 96 العربيه كانت ابلاتين وكوندينسور وكنت بغييرهم علس حسب المشي يعني في ساعات كنت بغييرهم كل 6 او 8 شهور لحد ما احس انهم خلاص تعبو و كنت بغيرهم علي طول ده طبعا بعد ما اتلسعت منهم مواقف محرجه خاصه لما كنت بخرج بالليل والابلاتين يلسع في حته مقطوعه و يخليك في موقف لا تحسد عليه ....في ساعات تانيه كنت بغيلرهم لما احس العربيه بتبرجل و ده غالبا كان بعد ما اقف علي الدائري بال 5 ساعات ....المهم تعبت مع الابلاتين والكندينسور فتره لحد معرفت اغيرهم بنفسي بدل ما افضل ملطوع عند الميكانيكي بالساعات و توفيرا باردو للمال...بس اخيرا انا قررت اني اغير الي الالكتروني وفعلا طلعت علي م/سيد الفراش في الحرفيين ورغم عارف انه بيبالغ في الاسعار طابت منه تغيير الاسبراتير العادي بواحد الكتروني قالي 400 جنيه ليه بس ده كتير و حاولت اخليه ينزل شويه بس مفيش فايده المهم بعت الكهربائي يدور علي واحد في المخزن ورجع بواحد الغطاء بتاعه مكسور:no2: وبيقول هلزئهولك ب امير :( قولتله لا انا هاجبلك واحد استيراد من بره وجبت فعلا واحد من اولاد حمزه وركبته وبصراحه العربيه سحبها عاي جدا رغم ان كان سحبها في الاول كويس....بس الاختبار المهم كانت هيا الزحمه ؟وفعلا وقفت علي الدائري فتره كبيره من غير مالعربيه تبرجل....الاهم من ده ان المواقف المحرجه بتاعت الابلاتين ان تفاديتها تماما خاصه وانت مسافر بالليل و كمان ان سعره غالي و كل مره بيتغير كان وصل التكلفه اي 45 جنيه...بس انا كجدا يقالي تقريبا اسبوع مغيلر و هبقي اكتبلكم بردوا عن اي حاجه جديده تحصل انشاء الله....كمان انا بفكر ارفعلكم صور تغيير الابلاتين والكوندينسور ازاي عشان توفروا الوقت والفلوس عند الميكابيكي:) شكرا ليكم
الف شكر علي اضافتك وفعلا انا استفدت منها :tumb::tumb:
وبفكر جديا اغير لاسبراتير ومشط الكتروني
وانا عربيتي تمبرا وهي اصلا نازله الكتروني بس صاحبها الاولاني قلبها عادي مش عارف ليه وعربيتي راكب فيها المشط القديم وفيها الفيش القديمه الالكتروني
المهم انك لاحظت فرق فعلا في السحب بعد التغيير ؟ :11_5_14[1]::11_5_14[1]:
ويا ريت طريقة تغيير الابلاتين والكوندنسر بخطوات سهله علشان الكل يستفيد
:praying::praying:
السلام عليكم....اسف جدا للتاخير في الرد بس انا كنت عايز يكون ردي عن اقتناع وتجربه:
1-بالنسبه للسحب العربيه بقت اسرع بكتير في السحب.
2-صوت الموتور هادي جدا لدرجه اني مبسمعوش تقريبا.
3-العربيه الصبح مش محتاج تسند بنزين عشان تفضل دايره.الاول كان لازم تدوس لمده دقيقتين او 3 والا العربيه هتبطل وكنت بحس فيها برجه شديده......
:36_1_61[1]:ملحوظه هامه:
-كنت خايف ان تغيير الاسبراتير الالكتروني ممكن يعلي استهلاك الوقود!!!!!بس الحمدلله ملهوش اي تاثير وده بعد تجربتي بالسفر للشرقيه رغم ان الجو برد حاليا و استهلاك الوقود بيزيد شويه بس انا رحت تقريبا في 3 ساعات وكان الطريق زحمه جدا تقريبا لحد قبل بنها ب 16 كيلو وانا ماشه اول و تاني بس ....المهم بعد لكل ده انا فولت 8 لتر بس في 100 كيلو هوا دايما الاستهلاك من 6 -7 لتر بس بس عشان انا وقفت في الزحمه كتير ....
بجد تعديل الاسبراتير فرق جدا معايا:babypregnant:....وانشاء الله يكون بردو معاكو كدا...و في اقرب فرصه هرفع صور تغيير الابلاتين والكوندنسور و تغييرهم.
على الفيس بوك شوفت عربية لادا كانت اسبراتير عادى بأبلاتين وكوندنسر
واتعدلت وركب فيها اسبراتير شاهين الكترونى
وصاحبها مبسوط بيها جدا
والتكلفة 1150 جنيه
اسبراتير وموبينة وفيش وبوجيهات واسلاك ومصنعية
https://fbcdn-sphotos-b-a.akamaihd.n...93065382_n.jpg
[QUOTE=Elawany13;3875281291]على الفيس بوك شوفت عربية لادا كانت اسبراتير عادى بأبلاتين وكوندنسر
واتعدلت وركب فيها اسبراتير شاهين الكترونى
وصاحبها مبسوط بيها جدا
والتكلفة 1150 جنيه
اسبراتير وموبينة وفيش وبوجيهات واسلاك ومصنعية
تسلم يا كبير علي الافاده وانا شوفت فعلا الموضوع ده علي جروب 32
شوف ياباشا
انا كان عندي بولونيز كنت شاريها زيرو 1988 وكانت اسبراتير عادي وابلاتين وكوندنسر
وبعد سنه الميكانيكي نصحني اغير الاسبراتير العادي بالكتروني وطبعا بيحتاج مشط وبوبينه
وعملت كده فعلا وركبت نوع اسمه مارللي ايطالي للمشط والبوبينه لكن الاسبراتير جبته من موزع قطع غيار بولونيز
النتيجه : توفير في البنزين - سحب احسن - انتظام دوران الموتور احسن - وطبعا مافيش قصه ابلاتين يلدع والكلام الفارغ ده
العربيه فضلت معايا لحد 2009 وغيرت البوبينه مره واحده بس لكن المشط والاسبراتير لم يتم تغييرهم
[SIZE="5"] كلامك زي العسل وشجعني ولك الشكر
ولسه من يومين كانت العربية بتاخر بالدواره سخنه ولا بارده بس بارده اكتر
وجه الميكانيكي سنفر الابلاتين وغير الكوندنسر وقلتله عايزين نقلبها الكتروني علشان ااعطال الابلاتين والكوندنسر قالي ليه :17:ومشاكل الاكتروني وكده بلدي احسن .. طبعا كلام اشتغالات واونطه والفكره ركبت دلوقتي في دماغي وهي ان االالكتروني اقل في الاعطال والمشاكل والصنايعية عايزين يشتغلوا وفي نفس الوقت مش بيفهموا فيه :fun_10_9_134[1]:
والشكر لكل ساعد ونقل تجربته للافاده العامه
[/SIZE
:11_5_14[1]::11_5_14[1]::11_5_14[1]:
:verygood::verygood::verygood:
شوف الفيديو ده فيه طريقة تعديل اي سيارة عاده الكتروني بالتفصيل
https://youtu.be/faDhoo3Z8GA
https://youtu.be/faDhoo3Z8GA