من وجهة نظرك ايه اللي ناقص في عربيات بروتون؟؟ !!

طبعا في حاجات كتير بتضايق اصحاب البروتون ومحتاجة شوية اهتمام من الصانع
وفي حاجات كتير بردو ناقصة في العربية او محتاجة تظبيط
بعيداً عن موضوع التوكيل اللي عايز يتفرمط من الاول بالمهندسين اللي فيه والصنايعية
ايه اللي ناقص في عربيات بروتون من وجهة نظرك؟؟
طبعا الحاجات دي هتخلي العربية تنافس اكتر وتبقى مفضلة عن عربيات تانية كتير
انا شخصياً شايف حاجات كتير زي مثلا الخامات والتقفيل .. مش كل الناس بيفرق معاها الكلام ده بس في ناس بتحب الهدوء والملمس الجميل للخامات
مثلا زي الفتيس الاوتوماتيك ... هو مش وحش ولا فيه عيوب ومعمر جداً بس الفتيس قديم على الموتور ده يعني كان الموتور محتاج فتيس احسن شوية
العزل .. العزل بردو كان لازم يبقى احسن من كدة في العربية دي ومع صوت الطريق والموتور العالي ممكن تكره نفسك ( مش فارق معايا صوت الموتور )
انت بقى ايه رأيك؟؟

فتحه سقف وتقفيل اجود في الخامات

فتحه سقف وتقفيل اجود في الخامات

1-تقفيل افضل من كده
2- خامات أفضل شويه
3-مكان دواسه للقدم اليسري في الساجا الاوتوماتيك (دي الاكسنت القديمه المانيوال فيها الدواسه دي)
4-طبعا اهم حاجه هي اهتمام الصانع بتوفير قطع غيار بأسعار جيده

الجين2 ناقصها فتحة سقف وبس

قلتهم فعلا , دي النقط اللي خلتني ما جبتهاش

الخامات (خصوصا التابلوه, تصميمه رياضي جدا و ثوري جدا لكن خاماته مبوظة تصميمه)
تقفيل العربية عموما
العزل
الفتيس الاتوماتيك العادي خالص

اقتباس:

---

المشاركة الأصلية كتبت بواسطة ayman_83

فتحه سقف وتقفيل اجود في الخامات

---

+1111111111111 بالذات الخامات

نسيت اضيف
خامات الديسكات والاتيال بتاعت الفرامل ياريت تبقى احسن
ولو اهتمت الشركة الام بالتوكيل شوية العربية دي هتفتح سوق اكبر في مصر

وعلبة الدركسيون
!!!!!!
علي ما اظن (اضافة)

فتحة السقف
تطوير الفتيس الأتوماتيك هايفرق مع الموتور ده جدا

الخامات, بالذات ريش التكييف بتاعت الجين 2 رخيصة قوي.

بس برده كل ده بيتنسي لما باجي اسوقها. :iloveu:

مفيش شك أن كل واحد عايز يشتري حاجة يدفع الأقل ويأخد الأحسن (طبيعة الناس و البني آدم كدا )

بس أنا شايف أن الخامات مش بالسوء ده خالص و أغلب العربيات في نفس السعر ده تقريبا بنفس جودة الخامات .

المهم العربية مصروف عليها في الأساسيات
صاج محمل و قوي ....... شاسيه قوي و نظام تعليق ممتاز بيساعد على الثبات و كاوتش ممتاز و أنظمة متطورة للفرامل.

بالنسبة للفتيس
هو بيؤدي وظيفته كويس جدا خصوصا مع الموتور اللي فيه أي أه أف أم ..... اللي سايق الكامبروا العادي مع فتيس أوتو هايحس أن الفتيس مش حلو
إنما الفتيس كويس وبيبان الفرق بتاع الموتور مع الموتور الجديد اللي فيه أي أه أف أم (هو خلاص مبقاش جديد أصلا ده من 2009 )

في الموديلات الجديدة من بروتون
نازلة كلها بفتيس مختلف و بسرعات أكتر على ما أعتقد 6 سرعات و المواتير نفسها هاتتغير
يعني الكامبروا نفسه مش هايبقى موتورهم الأساسي بداية من 2014 .
فيه الموتورين الجداد
واحد 138 حصان و التاني 158 حصان .
بس أمتى هاينزلوا مصر ............ الله أعلم .

أنا كان نفسي ما يظهرش أي عيوب تقفيل .... هي دي الحاجة الوحيدة اللي أنا شايفها محتاجة نظرة جامدة منهم (حتى لو كانت عيوب تقفيل بسيطة - مش كل الناس بتتقبل أن مثلا سنتر يعلق معاه و هي العربية لسة جديدة أو صوت تزييق الكنبة ..... الخ )

مش عارف الجين 2 عاملة زي الموزة الحلوة اللي أنت مش بتشوف حاجة إلا مميزاتها بس (بالنسبة لي ) و مش شايف فيها عيوب تُذكر بل كلها مميزات مقابل سعر معقول جدا لو عرفنا انها بتتباع برة مصر تقريبا بنفس سعرها أو أغلى شوية كمان برة مصر .
و كمان من المميزات اللي في العربية أو الماركة عموما هي ثبات السعر و عدم زيادته زي بقية الماركات التانية اللي بتزيد بأرقام فلكية كل لما يكون عليها طلب .

طيب هاتقولولي و بعدين يا عم توت بعد الرغي ده كله كان نفسك في أيه في العربية يكون موجود مش موجود دلوقتي ؟

أولا مثبت السرعة ....... مش موجود في الجين موديلات 2010 و 2011
ثانيا فتيس 6 سرعات علشان يوفر أكتر في البنزين ... أخوكوا بقى مدمن سواقة على أر بي أم واطي ....بيوفر في البنزين جامد .
طبعا التقفيل النهائي مازال محتاج تحسين و أهتمام .
رابعا توافر قطع الغيار دائما بأسعار معقولة .

1-الدهان محتاج يبقى أقوى.
2-صوت المروحة والكومبريسور بتاع التكييف محتاجين يوطى .
3-توفير أنواع تيل جيدة وبسعر معقول بدل المزيكا اللي ماشيين عليها.

ناقص يعملوا تحريات عن الناس قبل ما يشتروها ،
علشان بزعل جداً لما الاقي عربية الماركة دي مبتهدلة او صاحبها ماشي مخالف :((
وبالتالي نضمن ان فئة معينه من الناس هي اللى هتكون راكباها:d

اللي ناقص التوكيل المحترم

محتاجه توكيل يحبب الناس في العربية

ياجماعه هو سؤال بالنسبه للجين المانيوال فتيسها فى مشكله وبتجيب فتيس فعلا بعد فتره؟!والاتوماتيك افضل وبيعيش اكتر؟!كلام ده صحيح؟!

اقتباس:

---

المشاركة الأصلية كتبت بواسطة amrelsha3er

ياجماعه هو سؤال بالنسبه للجين المانيوال فتيسها فى مشكله وبتجيب فتيس فعلا بعد فتره؟!والاتوماتيك افضل وبيعيش اكتر؟!كلام ده صحيح؟!

---

ده مين اللي قال كدا ؟
أنا عمري ما شوفت أي حد أتكلم على موضوع الفتيس

عموما الفتيس المانوال و الأوتوماتيك الخاصين بالجين 2 الأثنين صناعة ميتسوبيشي و بيركبوا في عربيات ميتسوبيشي أصلا مع عربيات بروتون .

توت باشا يامتألق دائما مشكور على الرد طمنتى ياريس اللى قالى كده واحد معاه بروتون اتوماتيك قالى اوعى تجيبها منايوال بيبوظ على طول ومشاكله كتير هاتها اتوماتيك بس ياكبير

اقتباس:

---

المشاركة الأصلية كتبت بواسطة tutankhamoun

ده مين اللي قال كدا ؟
أنا عمري ما شوفت أي حد أتكلم على موضوع الفتيس

عموما الفتيس المانوال و الأوتوماتيك الخاصين بالجين 2 الأثنين صناعة ميتسوبيشي و بيركبوا في عربيات ميتسوبيشي أصلا مع عربيات بروتون .

---

الاوتو ميتسوبيشى
المانوال بروتون ماليزى الصنع
والله اعلم
ولكن فى الحالتين
الفتيس مفيش منة اى شكوى

اقتباس:

---

المشاركة الأصلية كتبت بواسطة mido_soliman

الاوتو ميتسوبيشى
المانوال بروتون ماليزى الصنع
والله اعلم
ولكن فى الحالتين
الفتيس مفيش منة اى شكوى

---

لا يا باشا الأثنين ميتسوبيشي ........ بروتون مش بتصنع فتيس (العربية كاملة تقريبا ماليزي ما عدا الفتيس )

و العربيات الساجا
المانوال بتاعها ميتسوبيشي زي بتاع الجين 2
و الأوتوماتيك بتاع الساجا من شركة ياباني بتصنع فتيس لشركات كتيرة منهم نيسان و ميتسوبيشي كمان ..... بس نسيت أسم الشركة .

اقتباس:

---

المشاركة الأصلية كتبت بواسطة amrelsha3er

توت باشا يامتألق دائما مشكور على الرد طمنتى ياريس اللى قالى كده واحد معاه بروتون اتوماتيك قالى اوعى تجيبها منايوال بيبوظ على طول ومشاكله كتير هاتها اتوماتيك بس ياكبير

---

يا باشا الله يكرمك

بس معلش صاحبك بيفتي ..... طيب أنا هاقولك على حاجة تانية
الجين 2 أو الموتور الكامبرو قبل موديلات 2009
يعني من أول 2006 و لغاية 2008
أفضل فتيس معاه هو المانوال أصلا مش الأوتوماتيك علشان مشكلة العزم اللي مش بيزيد من عند 3000 إلى 3500 لفة للموتور.

الحكاية دي باينة أكتر في الأوتوماتيك و مش باينة قوي في المانوال
طبعا لاموضوع ده أتحل مع الموتور الجديد

و لكن من ناحية الجودة مفيش شكوى من الفتيس المانوال نهائي .

طيب معلش تصحيح على الساجا
الفتيس المانوال من شركة يابانية أسمها Aichi Kikai

و نفسالفتيس راكب في النيسان ألميرا
http://i43.tinypic.com/nn4box.jpg



و ده رابط للشركة المصنعة و بتصنع لمين

هاجيبلك رابط دلوقتي للجين 2

Manual Transmissions | Products | Aichi Machine Industry Co., Ltd.


نفس الشركة اللي بتصنع فتيس الجي تي أر و السكاي لاين بتوع نيسان و هي غالبا مملوكة لنيسان

في وجهة نظري ناقصهم عربية تنتمي لسنة 2012 :)
كفاية عليهم اوي من 2004 و "الاستحلاب" المستمر للجين 2 :)

و الحمد الله نازلة خلاص ...
البروتون PREVE و شكلها حتكون صفعة اسيوية كبيرة لشركات كبيرة :)

http://www.protonpreve.org/wp-conten...oton-preve.jpg

التقفيل
توافر قطع الغيار
الفرق بين الموديلات يكون اقل ... الجين 2 من 2003 لحد دلوقتي كتير اوي عليها .. 5-6 سنين يدوب على الموديل الواحد

اقتباس:

---

المشاركة الأصلية كتبت بواسطة tutankhamoun

manual transmissions | products | aichi machine industry co., ltd.


نفس الشركة اللي بتصنع فتيس الجي تي أر و السكاي لاين بتوع نيسان و هي غالبا مملوكة لنيسان

---

توت يامتألق انت اضافات قويه قويه بصراحه تسلم ياريس على المعلومات دى باشا ليا عندك طلب انت فى موضوع قبل كده اتكلمت على الموتور الاى ايه اف ام ده بس انا مش فاهم ده بقى الجديد 2012 حاليا وبقى احسن من قبل كده وموجود اكيد فى المانيوال والاتو ياريت ياباشا توضحلنا الموضوع بتاع تعديلات الموتور بتاع الجين2 الاوتو والمانيوال

فتحة سقف وتانك بنزين اكبر

هو سؤال بسيط
ليه مفيش موزع هواءالتكييف للكنبه الخلفيه .اينعم المكيف قوى ولكن وجود فتحات توزيع للجزء الخلفى اعتقد هيكون افضل . :w_022: