هو اللى انا فيه ده صح ولا عقده نفسيه وتهيؤات
اهلا بيكم اخواتى
فيه موضوع عايز اخد رايكم فيه ومش عارف انا صح فيه ولا اتجننت..لان حاسس ان محدش مقتنع بكلامى
طبعا كلامى ده على العربيات الكورى واليابانى والحاجات المنتشره فى بلدنا يعنى مينطبقش على المرسيدس والبى ام وهكذا
انا دايما بالنسبالى العربيه الاكبر حجما افضل من حيث الامان..بمعنى ثبات اكتر على الطريق والملفات وفى الحوادث حجم كبوتها وشنطتها ميسمحوش بأذى اى حد من الداخل فى الخلف او الامام الا فى حاله الحادثه الشديده لاقدر الله
انما العربيه الصغيره كثبات بيكون قليل ومع الملفات القويه خطر ولو عاليه كمثال الماتركس بتكون خطر برضه فى الملفات لو على سرعة
ولو عربيه زى الهيونداى i10 او شيفروليه سبارك او كيا بيكانتو او هيوندا جيتز والماروتى وغيره من العربيات الصغيره الحجم دى تكون فى الحوادث اخطر لان لو حد دخل فيك من ورا كده الناس اللى جوا انتهت وكمان لو حادثه من قدام حجم الكبوت صغير ومهما كان فيه عوارض ممتصه للصدمات الحادثه هتأثر على اللى راكب جوه
انا معايا اكسيل طبعا هى طول بعرض وطبعا ثبات ضعيف لو فوق ال 110 بس قبل السرعة دى ثابته وتقيله رغم انها متكملش طن بس كبر الكبوت والشنطة امنين للى جوه
فكرت اغير واجيب i10 او بيكانتو بس خفت من الحوار اللى انا ذكرته ده
طبعا العمر والحوادث دى حاجة بتاعت ربنا
بس انا بتكلم من وجهة نظر علميه فممكن رايكم اللى انا فيه ده حقيقى ولا تهيؤات وانا مكبر الموضوع اوى