المشاركة الأصلية كتبت بواسطة drosamaragab
انا لسه راجع من صيانة ال 5000 دلوقتي
انا عملتها في العدوي بتاع المنصوره
انا كنت كاتب ورقه بالملاحظات صحيح معظم ملاحظاتي كانت علشان اخليهم يشيكوا على العربيه يعني شغل استعباط ( يعني قلتلهم انا حاسس ان النور مش كويس والفرامل مش كويسه الخ ) بس كانت اول حاجه اللي كنت مركز عليها هي مشكلة التكييف
اول ما قلت مشكلة التكييف كانو مستغربين جدا قالوا انت اول واحد يشتكي قلتلهم لالالالالا دي عند ناس كتيير ملاك اللوجان والسندرو عندهم نفس المشكله وكمان قلتلهم ان المشكله بسبب ضغط الفريون
وقلتلهم ان الناس بتقول ان حلها بسيط وهو تظبيط ضغط الفريون
وقلتلهم القاهره واسكندريه فيها عربيات رينو كتيره علشان كده المشاكل بتظهر وبتتحل المهم انا قلتلهم ظبطوا العربيه مليش دعوه
بعد ما خلصوا الصيانه
الحمد لله التكييف تلاجه والنهارده كان يوم حر ناااااااااااااااااااااااا ااااار بس التكييف كان راااااااااااااااااائع والعربيه اتظبطت تماما
بس امبارح كنت في اسكندريه ومن الحر سبيت ولعنت رينو وقلتلهم في التوكيل انا عمال ادعي على رينو من الحر
المهم الحمد لله التكييف اتظبط وعقبال كل اللي عنده نفس المشكله وربنا يكفينا شر المشاكل
نسيت اقولكم انهم بيقلولي النت ده اللي خرب الدنيا رديت عليهم وقلتلهم النت ده علمني كتييييييييييييييييير