مشكلة التكييف و rpm افيدونى بالله عليكم

**khaled02001** · 01-04-2012 04:17 PM

انا شارى لوجان 2012 والنهاردة اتممت 3000 كيلو بيها وكان الجو حر فقلت اشوف اية اخبار التكييف لما شغلتة العربية اتبرجلت وبقت تنتش منى و ويجيب هوا بارد شوية و يجيب هوا عادى مكملتش 5 دقايق وطفيتة قلت اشغلة تانى والعربية واقفة لقيت rpm بيعلى لوحدة فوق ال1000 وينزل لوحدة تانى وعمال يرقص على واحدة ونص مش عارف اية الحكاية مع انى يوم ما استلمت العربية جربتة 3 دقايق جاب هوا ساقع وبعد كدة طفيتة ومعملش زى كدة افيدونىىىىىىىىىىىىىىىى يا وحوش اللوجان

**elwill** · 02-04-2012 10:44 AM

أنا عندي نفس المشكلة بس فى سانديرو 2012
تقريبا المشكلة ديه عامة لانى قرأت فى موضوع أحد الاعضاء هنا انه لاحظ نفس المشكلة فى عربيته ولما راح التوكيل طلع ان المشكلة تقريبا فى الكومبريسور بتاع المكيف
والعربية اتظبطت فى يوميها
متقلقش تقريبا ديه مشكلة بسيطة
عليك وعالتوكيل
انا ناوى أروح الاسبوع ده باذن الله على توكيل العبور

**Johnny82** · 02-04-2012 11:46 AM

أعتقد ...
يفضل فتح التكييف والسيارة لسة مش مولعة (سخنة اوى) لان دة حمل فجاى زيادة على اي عربية والمراوح !!
يعنى مثلا اول ماتسخن وتطلع بالسيارة شغل التكييف لن يحدث ا هتزازات ولا مراوح ولا سخونة ولا اى شىء !!

على فكرة تكييف اللوجان بصراحة رائع فى السقوعية عندى العربية من سنتين واكتر !!

**drosamaragab** · 02-04-2012 08:09 PM

انا كمان عندي نفس المشكله وانشاء الله هروح التوكيل الاسبوع الجاي مع صيانة ال 5000

**frhateg** · 02-04-2012 08:53 PM

محتاج ضبط فريون . روح التوكيل و هو حيظبطها لك . و علي فكره مكيف اللوجان محترم . عن تجربه .

**khaled02001** · 03-04-2012 03:21 AM

على فكرة يا وحوش انا جربت العربية امبارح بالليل لقيت التكييف شغال عادى وال rpm مش بيطلع وينزل وكان بيسقع حلو خالص جيت اجربة تانى النهاردة الظهر والعربية مكنتش سخنة اوى يدوب مؤشر الحرارة على شرطتين عمل نفس المشكلة العربية بقى سحبها ضعيف خالص وتنتش منى و انا واقف برضة ال rpm بيطلع وينزل و الهوا شوية ساقع وشوية عادى . مش عارف المشكلة بتروح و تيجى والا اية التفسير

**abd_elhalim85** · 03-04-2012 08:13 AM

على فكرة المشكلة دى كانت عندى و ظبتها الحمد الله.
المشكلة عندك هى كالأتى:-
لما بتشغل التكييف، الكمبرسور بتاع الفريون بتلاقيه عمال يشتغل و يفصل فى وقت قليل جدا و ده بيخلى الحمل يزيد و يخف على الموتور بسرعة مما يؤدى الى ان ال rpm بتقل و تزيد لوحدها خالص من غير ما تضغط او تخف بنزين، و بالتالى بتنتش منك و انت ماشى.
على فكرة الأعراض دى هتحسها اكتر لو انت مشغل العربية و التكييف و انت واقف هتلاقى مؤشر ال rpm بيرقص و بردة هتحس بتكتكة الكمبرسور لما بيشتغل و بيفصل و خصوصا لو انت داخل مكان مغلق مثل الجراج.

الحل:-
هتروح التوكيل يظبطولك الفريون و السيتنج بتاع الكمبرسور وفى نص ساعة و هتبقى زى الفل.
اى نعم انا مازلت بحس بيها ساعات و لكن قلييييييييييييل جدا جدا مقارنة بالأول.

متقلقش خالص و مش هتدفع ولا مليم

**drosamaragab** · 03-04-2012 06:06 PM

بصراحه انا ركبت عربية واحد صاحبي 2010 تكيفها تلااااااااااااااااااااااج ه وبصراحه انا قعدت ادعيله ان ربنا يباركله فيها واتحسرت على عربيتي ال زيرو 2012 علشان تكيفي جنب تكييف عربيته زباله انشاء الله يوم السبت هروح اظبط التكييف في العدوي

**mido7337** · 03-04-2012 08:23 PM

المشكله كانت عندى و اتحلت الحمد لله
اللى فهمته ان اثناء الشحن بسبب الرجرجه بيحصل مشكله و بيتكون فراغات هواء فى الفريون (ما فهمتش اوى النقطة دى لكن المهم انها اتحلت )
و الحل هو تفريغ الفريون و اعادة ملءه

**fawzyfawzy11** · 03-04-2012 09:31 PM

بصراحه ربنا يطمنكم جميعا انا حاجز وحاستلم خلال ايام ربنا يفعل ما ير يد وانا راضى بقضائه والحمد لله

الموضوع: مشكلة التكييف و rpm افيدونى بالله عليكم

LinkBack

أدوات الموضوع

عرض

مشكلة التكييف و rpm افيدونى بالله عليكم - انشر الموضوع فى :

-

-

-

-

المواضيع المتشابهه

افيدونى بالله عليكم

سؤال افيدونى فيه بالله عليكم

افيدونى بالله عليكم

افيدونى بالله عليكم

افيدونى بالله عليكم

الكلمات الدلالية لهذا الموضوع

المفضلات

المفضلات

ضوابط المشاركة