الموضوع: فرامل النيسان الصني العادية

انا عن نفسى لما كان ال abs عندى بايظ وكنت بستخدم الفرامل العادية كانت فى الضياع بس كانت حلوة جوه البلد وعلى السرعات القليلة انما لو على سرعة بتسحف وممكن كمان تعوم العربية من ورا وبالنسبالى انا ان الصنى من غير abs تبقى كده فقدة اهم مميزاتها الاساسية

بص يا ريس
اولا انا مسمعتش عن bas قبل كده :)
انا اعرف ال BA - BRAKE ASSISTANT
موضوع الفرامل وال ABS موضوع طويل ودخلنا قبل كده في نقاشات طويلة والنتيجه
ال ABS لا يؤثر نهائيا في قوة الفرامل :)
انما وظيفته ايه انه في حالة الطوارئ او لما تكبس فرامل ع الاخر بدل ما العربيه متزحف ومتعرفش تتحكم فيها لا هوا بيديك القدرة علي التحكم فيها بس علي حساب مسافة توقف اطول !!
طبعا كل الناس هتقول ايه الكلام اللي انت بتقوله ده هقول ده مش كلامي انا دا كلام اعضاء كتير هنا ف المنتدي
http://www.nilemotors.net/Nile/256130-a.html
يعني من الاخر لو انت محترف وقديم في السواقه مش هيفرق معاك ال ABS اوي علشان هتتعود علي قدرات العربيه وهتعرف تستخدم فراملها صح من غير متحتاج ال ABS
لكن بردو انا لو مكانك هاجي علي نفسي شويه واجيب فيها ABS و EBD لكن لو مزنقة علي الاخر توكل علي الله وهاتها من غير
واقر الموضوع اللي فوق كويس
وارجو ان اكون افدتك :)

المشاركة الأصلية كتبت بواسطة ahmazong

كويس إن حضرتك فتحت الموضوع ده ..

بص يا سيدي أنا عربيتي صني 2010 بـ abs تمام .. و بقالي اسبوع معايا صني 2011 من غير abs بتاعت جاري و هو مسافر و سيبهالي ..

Abs معاها ebd و bas ..

و النتيجة : العربيتين فراملهم ممتازة بص في كذا نقطة اختلاف مهمة جدااااااا بينهم لصالح abs و ebd و bas ..

ليه بقى أنا هاقولك : عمر ما قوة الفرامل تتقاس بـ abs ابدااااااااااا لكن بتعتمد اعتماد كبييييير على نوع التيل و جودة الطنابير و توزيع ثقل السيارة و حاجات كتيييييييييير و ايضا نوعية نظام الفرامل ككل ..

السيارة الموجود بها abs : منقذة جدا في الكبس المفاجئ حتى لا تتأرجح السيارة كثيرا < تتزحلق يعني بالبلدي كده هههههههههههه > .. مهم جدا في تفادي ايضا الحوادث لانك ممكن تفادي حاجة يمين أو شمال مع الفرامل العادية لأ العربية ممكن تتقلب بسبب الالتصاق الشديد بالارض ..

ebd : بقى ده بجد أنا جربته و هالبس في الحيط بسبب اللي من غير abs .. هو عموما هو نظام مسئول عن توزيع قوة الفرملة الكترونيا على الاربع عجلات على حسب حالة كل عجلة على الطريق و على حسب ايضا ميل السيارة ... أنا متعود بعربيتي إني ممكن اخد ملف بعربيتي بسرعة و افرمل بسيط على الملف عشان الم العربية .. جيت بقى في عربية جاري اخد ملف .. معرفتش نهائي الم العربية حتى مع الفرملة !!!!!!!!!!!!! .. و ده لان النظام بعربيتي وزع قوة الفرملة عكس اتجاه ميل السيارة < عشان تتلم ههههههههههه > لكن التانية لأ !!!!!!!!!!!!!!

Bas : مفيد عشان يقوي عزم الفرملة مع الحمولات الثقيلة ..

يبقى الخلاصة إن نيسان لما حطت الثلاث أنظمة في السيارة مكنتش بتهرج لانهم فعلا من افيد مايكون و ده يدل إنها من الشركة المحترمة ..

و بيديك 3 أنظمة دووووول بـ 2 أو 3 الاف جنيه فقط بصراحة مش حرام فيهم الفلوس القليلة ديه عشان تحمي نفسك و أسرتك ..

أنا عارف أني طولت بس عشان افادة الجميع ..

تحياتي لحضرتك ..

+1111111

المشاركة الأصلية كتبت بواسطة moh19227

بص يا ريس
اولا انا مسمعتش عن bas قبل كده :)
انا اعرف ال ba - brake assistant
موضوع الفرامل وال abs موضوع طويل ودخلنا قبل كده في نقاشات طويلة والنتيجه
ال abs لا يؤثر نهائيا في قوة الفرامل :)
انما وظيفته ايه انه في حالة الطوارئ او لما تكبس فرامل ع الاخر بدل ما العربيه متزحف ومتعرفش تتحكم فيها لا هوا بيديك القدرة علي التحكم فيها بس علي حساب مسافة توقف اطول !!
طبعا كل الناس هتقول ايه الكلام اللي انت بتقوله ده هقول ده مش كلامي انا دا كلام اعضاء كتير هنا ف المنتدي
http://www.nilemotors.net/nile/256130-a.html
يعني من الاخر لو انت محترف وقديم في السواقه مش هيفرق معاك ال abs اوي علشان هتتعود علي قدرات العربيه وهتعرف تستخدم فراملها صح من غير متحتاج ال abs
لكن بردو انا لو مكانك هاجي علي نفسي شويه واجيب فيها abs و ebd لكن لو مزنقة علي الاخر توكل علي الله وهاتها من غير
واقر الموضوع اللي فوق كويس
وارجو ان اكون افدتك :)

+11111111

انا معايا صنى 2088 من غير abs انا عايش قى الغردقة الشوارع فاضية وواسعه وانا طبيعة سواقتى عادية فا احتياجي للفرامل دايما بتكون فى الطبيعي ( معلش كان لازم اقول المقدمة ديه ) .
حصل من اسبوع انى كنت مرتبط بمعاد طيارة وكنت بجري علشان مديري يلحق الطياره كنت تقريبا ماشي 90 : 100 ( لاني كنت شايف ال rpm قريب من 3 ) وفجاءه تاكسي افتكر ان في يو تيرن وقرر انه يجي من اخر اليمين الى اخر اليسار علشان يلف انا كان قدامي حل من 2 اما اطلع الرصيف اوادوس فرامل ( ده طبعا تحليلي بعد الواقعه ) انا ربنا الهمني ان ادوس فرامل فقط والحمد لله العربيه وقفت على شعرة زي ما بيقولو التاكسجي نزل بدور على الخبطه فى عربية فين ومصدقش انى انا وقفت العربية .
انا باعتقد ان الفرامل هو اهم حاجه فى العربية وعلشان كده انا بحطو هو الاساس فى الصيانه يعنى بغيير التيل بالاصلي دايما وبعمل روتايشن للعجل دايما وطبعا بركب بريدجستون يابانى وكل 10 الاف تقريبا بنظف التيل ورا وقدام وبرجلش الفرامل .
المهم فى الفرامل هي الصيانه والصيانه والصيانه وقطع الغيار الاصليه .
اخوكم مصطفى