تسخين البونتو ١٩٩٥

**elassi_571** · 30-05-2012 08:29 PM

المشاركة الأصلية كتبت بواسطة yoko

لأ مش شرط تكون البطاريه السبب بس كده كده هتغير البطاريه
البوابه سهله بس لو ملكش في الكلام ده الميكانيكي يعملها في 5د
التكيف لازم حد بتاع تكيف يبص عليها

شكرا علي اهتمامك وردك السريع :)

طيب حضرتك تفتكر ايه تاني ممكن يكون سبب في عدم التدوير دا !!؟

وبالنسبه للتكييف لما لقينا موضوع البطاريه ،، الميكانيكي قالي ممكن يكون موضوع البطاريه هو اللي ماثرلك علي التكييف وبيخلي ال rpm يوطي علي السلانسيه ،، لانه بيسحب من البطاريه !!

**yoko** · 31-05-2012 12:54 AM

البطاريه الأعلى مش غلط ولا حاجة بس 55 كفايه قوي
وبدام العربيه دارت البطاريه بايظة ضعيفة مش موجوده أصلا مفيش مشكله ولا تأثر على أي حاجة وكذلك التكيف ملوش دعوة بالبطاريه

**yoko** · 31-05-2012 08:58 PM

أيوه أهم حاجة تغير الميكانيكي أنا مش عارف نسيت أقولك إزاي لإن البطاريه تخلي الrpm يلعب ده فتي رسمي

**moharram3** · 31-05-2012 10:40 PM

بص يا باشا انا برضه عندى بونتو 95 وواضح انها زى عربيتك بالضبط ، بالنسبة لعدم دوران العربية ده ممكن يكون اسبابه كتيرة ( طلمبة بنزين - فلتر بنزين - رشاشات ) ويمكن يكون فيه اسباب اخرى انا مش عارفها لكن المهم ان الكشف على الجهاز وبوسائل اخرى عند الميكانيكة ممكن يحدد العيب بالضبط إنما موضوع البطارية ده فبالتأكيد مش هو السبب وخصوصا ان كلامك معناه ان البطارية مش ضعيفة للدرجة دى ... من ناحية تانية حساس الأيدل هو المسئول عن تسخين العربية الصبح وهو برضه المسئول عن رفع الموتور لما التكييف يشتغل وبما ان الأتنين دول عندك فيهم مشكلة يبقى المشكلة هى حساس الأيدل وده يا إما محتاج يتنضف بالإسبراى هو والبوابة أو يتغير خالص وانا سبق وغيرته وجبته إستيراد من الوكالة بـ 100 جنيه ،،، تمنياتى لك بالتوفيق

**elassi_571** · 01-06-2012 01:20 AM

بصوا بقي ،، انا بجد اتخنقف من الميكانيكيه وبتوع الكهربا دول ،،
يعني خلوني اغير طلمبه بنزين وبوجيهات وكنت هااغير بطاريه علي الفاضي ،،

اليكم اللي حصل امبارح وانهارده ،،
امبارح كنت مع واحد صاحبي وبحكيله علي اللي حصل ،، قالي تعالي معايا لكهربائي نضيف انا شغال معاه ،،
المهم روحت معاه بقوله علي الموضوع ،، اخد المفتاح وبيدور حصلت نفس الموضوع ،،
واول حاجه قالها ،، دي تفويته مارس ،، الترس بتاعه بيفوت وعاوز يتغير ،،
المهم سمعت كلامه وروحتله الصبح ،، وطبعا بعد ماضيعلي اليوم ،،

طلع كلامه صح !!!

كل الحوار ان ترس المارش بيفوت ،، وبس كدا !!!!!

وخليته يكشف علي البطاريه لقاها سليمه ومش ضعيفه قوي ،، حاجات بسيطه ،، ظبط المياه بتاعتها وشحنها ،،
ومالقاش فيها ولا ربع ضارب ولا اي حاجه !!

ومشيت بيها طول اليوم ،، والحمد لله ماعملتهاش ولا مره لحد دلوقتي :)

لسه بس rpm والتكييف ،، ودول في الغالب هااجلهم لبعد الامتحانات دا لو مافيهاش خطوره علي العربيه ،، ولا انتوا ايه رايكوا !؟

شكرا لمجهوداتكم معايا :)

**graffittiii** · 01-06-2012 01:29 AM

حكاية في خطورة ولا لا دي مش عارف ....
بس هي كده غالبا ممكن تبطل منك ف المطبات لو rpm نزل أوي ...
هي علي فكرة مش هتاخد من الميكانيكي 10 دقايق ...
لو قدرت تعملها يكون أحسن ...
وربنا يعينك ف الإمتحانات يامعلم ....
.

**yoko** · 01-06-2012 01:41 AM

مبروك أولا والبوابه دي مش هتاخد وقت ممكن وإنت رايح الكليه أو وإنت راجع تعملها في السريع وهي لو مش بتلعب جامد مفيهاش خطورة بس مستعجلة مطنشهاش

-

-

الموضوع: تسخين البونتو ١٩٩٥

LinkBack

أدوات الموضوع

عرض

-

-

-

-

المواضيع المتشابهه

عقربة الفتيس فيكترا ١٩٩٥ -١٦٠٠

ممكن اعرف رايكم في البونتو ١٩٩٤ - ١٩٩٥ !!

لملاك البونتو - عفشة البونتو ناشفة شوية ولا فى حاجة غلط ؟

لملاك البونتو - عفشة البونتو ناشفة شوية ولا فى حاجة غلط ؟

ما هو تسخين الكراسى

الكلمات الدلالية لهذا الموضوع

المفضلات

المفضلات

ضوابط المشاركة