الموضوع: بعض الصور لسيارتى ريو 2012 وقريبا فيديو بكل المواصفات

المشاركة الأصلية كتبت بواسطة yakoot

بسم الله ماشاء الله ربنا يرزقك خيرها ويكفيك شرها ويباركلك فيها
----
انا مقبل على شراء ريو sx ان شاء الله ومحتاج اعرف سحب العربية مع التكييف لأنى سمعت كلام كثير عن موضوع السحب ! فياريت حضرتك تقلى اخبار السحب عموما ومع التكييف خصوصا

جزاك الله خيرا

الله يبارك فيك وعقبالك ان شاء الله اولا انتا ناوى على السيدان ولا الهاتش ثانيا السياره عمرك ماهتندم انتا اشترتها بجد عربيه تحفه من كل النواحى وهتفيدك اوى خصوصا انك فى مصر فى المطبات طبعا انتا عارف ان مصر عباره عن مطب كبير وطالع منه شوارع

السياره عاليه وتفيد فى المطبات انا طلعت بيها من الرياض لمكه حوالى 10 ساعات سواقه هقولك على اللى ليها والى عليها بامانه

اولا السياره من جوا مريحه الى ابعد الحدود وخصوصا مع شكل التابلوه وميزه البلوتوث والشكل الجميل للسى دى

ثانيا انا كنت فى التليين وجبت بيها 180 ماشاء الله سحبها جامد جدا جدا
كنت ماشى بيها 140 وانا مشغل مكيف ولا كانى مشغل حاجه


ثالثا دى حاجه ضايقتنى شويه فى السياره وماعتقدتش انك هتحس بيها فى مصر خالص


طريق الرياض مكه مفتوح طريق منبسط مافيش حواليك اى مصدات رياح العربيه كانت عمله زى الريشه الى الهوا بيجبها ويوديها اما فى مصر مش هتحس خالص بيها لانى جوا البلد بجيب بيها 140 وماشاء الله

بالنسبه للبور ستيرنج ماشاء الله مريح جدا وثابت مش خفيف يعنى تقدر تسوق بايد واحده من غير خوف

بالنسبه للحموله حمل وماتخفش العربيه بتشيل ومش هتهبط الهبوط الجامد

مكيف بارد جدا غير بقى باقى المزايا مرايات ضم كهربا بلوتوث جنوط ايرباج اى بى اس ليد امامى رائع
شكل انيق كفايه انها واخده جايزه احسن تصميم


وفى الاخر اهم حاجه الراحه النفسيه اركب العربيه واقعد وجعمس

وان شاء الله ربنا يقدم الى فيه الخير