اشترى ايه هيونداى RB اول فئة اتوماتيك ولا بريليانس fsv كاملة اتوماتيك
فرق الفلوس مش قليل برضه
انا خايفة من الشكل الحارجى للهيونداى برضه
تنصحونى بايه؟؟؟؟؟؟؟؟؟؟
عرض للطباعة
اشترى ايه هيونداى RB اول فئة اتوماتيك ولا بريليانس fsv كاملة اتوماتيك
فرق الفلوس مش قليل برضه
انا خايفة من الشكل الحارجى للهيونداى برضه
تنصحونى بايه؟؟؟؟؟؟؟؟؟؟
لو مفيش غير الاختيارين دوووووووول يبقى rb احسن ابعد عن أي صيني
انا شايف الفرق بين الصيني و الكوري مش كبير و البريليانس ماس كتير قالت فيها كلام كويس اكتر من اسبيرانزا كمان بس شوفي كده لو فلوسك تسمح بلوجان عربيه امان و ثبات و احسن توكيل في مصر و بدات تنتشر جدا و سعر اعاده بيعها هيبقا كويس و كمان قطع الغيار ده غير الاوبشنز اللي فيها و كمان اوروبي
بصي ساعتك ماتقرنيش كوري بي صيني. فرق السما عن العمى
الهونداي وقت ماتقولي عاوزة تبيعيها هتجبلك سعر لكن الصيني هتجبلك سعر اقل من المتوقع رغم ان كل شيء في مصر بيتباع
غير كده انتي محتاجة عربية تستحمل هبد وخبط والصيني مش بالقوة والمتانة الي هتلقيها في الكوري عامة ًً في موضوع كنت عملو عن الار بي بصي عليه وقرري
http://www.nilemotors.net/Nile/279947-rb.html
فيات ايفو لو الميزانية تسمح
شكرا ياجماعة على ردودكم بس انا كنت عاوزة حد يقارن من حيث استهلاك الوقود
انا فعلا سمعت مقولة متقارنيش الكورى بالصينى بس الصينى دى توكيل البفارية يعنى هيه عربية محترمة
ربنا ييسر الخير ان شاء الله
me_medoo
بس بعد ما قريت تقريرك انت مش عجباك الهيونداى يعنى بتقول عليها بلاستيك وتقفيلها مش متقن طب ليه اشتريتها ؟؟؟
انا رايي تشوفي اللوجان اضمن من ال2 و عربيه مريحه و ثبات و امان و كمان معفيه من الجمارك يعني سعرها اقل من الفئه بتاعتها و احسن توكيل في مصر و بدات تنتشر فكري فيها ممكن تعجبك و برضه البريليانس مش بفهم فيه بس زي ما قولتي و كيل كويس و اللي اشتكوا منها قوليلين اوي
اشتريتها ياستي ... لأني من ناحية بحب أجرب كل حاجة في مجال العربيات ده من ناحية ومن ناحية تانية طبيعة شغلي بتستوجب يكون معايه عربية حديثة تتحمل مشواري ففي شركات ومصانع بتأجر عربيات لموظفينها ... بالسنة والسنتين وحظي اني بحط الايجار في جيبي واشتري عربية حديثة وبعد سنتين او سنه بقلبها وابيعها ومكنش خسرة فيها غير 10.000 جنية يادوبك تمن استهلاكي ليها .
وتقيمي لأي عربية بحب اشمل كل النواحي ... علشان الي بيفكر يشتريها بقولوا خلي بالك دي فيها كذا وكذا وكذا .. مرات كذا دي متفرقش معاكي او متفرقش مع حد تاني بس المهم يشتري العربية على نور .
وفي المجمل هيا عربية لزيزة وجميلة . ودي كمان تجربتي عن عربية تانية اسمها رينو لوجن ودي مقعدتش معايه اكتر من 6 اشهر وكنت شاريها ساعتها في أيام مكان العربيات بتتثبت على الطريق فخفت لاجيب عربية غاليه وتثبت مني ... بس بصراحة مطقتهاش نهائي وتعبتني نفسياً . وتحياتي وربنا يوفقك .
http://www.nilemotors.net/Nile/261575-a.html
Rb احسن كتير واستهلاك بنزين الهيونداي عموما ممتاز
شكرا ليكم جدا على التعاون والرأى ان شاء الله انا استقريت على الهيونداى وربنا يدينا كلنا الخير ويستر الطريق
انا اللي اعرفه ان البريليانس اتمنعت من اوربا لان مفيهاش عوامل السلامة والامان للراكب لكن عن طريق مواضيع قرأتها مش معايا دليل ملموس لكن انا بنصحك طالما بتفكر فيها اسأل اللي راكبينها كويس وشوفها بعينك كويس قوي
لأن مشاكل العربيات الصيني مش بتبان إلا لو في حوادث او مشكلة طارئه
يعني مثلا لو خدت بلاعة عاليه في عربيه صيني هيحصل إيو عربيه اكسنت هيحصل إيه وربنا يسترها معانا جميعا
ورأئي ورغم اني ليا واحد قربي معاه اسبرانزا وربنا يعفينا اتقلبت بيه علي الدائري كام قلبه وطلع زي الفل والعربيه اتصلحت والحمد لله ومازال بيشكر فيها برده إلا اني بخاف من الصيني عشان عوامل السلامة والامان
مبرووك و اختيار موفق ان شاء الله :)