الموضوع: مشاكل الفتيس الجديد

هل تم حل مشاكل الفتيس الجديد dsg بالنسبة لل passat وال jeta فى التوكيل حتى الان ولا لسة فى مراحل تجاربة وتغيير الsoft وهكذ ارجو الافادة ممن هو متاكد من الحل النهائى بدون مشاكل وشكرا

حرام والله عربيتين جمال زاى دول يظلمو الظلم دة
وكمان يعنى عكوها من كل ناحية الشكل الجديد مش حلو وكمان موضوع الفتيس انا مش عارف في اية الناس دى من كتر غرورهم اتجننو
فاكرين الناس اول ما تشوف الماركة بتاعتهم على العربية هيشتروها من غير مايبوصو على العربية ولاة الامكانيات والاة السعر

انا كنت في المعرض الجمعه اللي فاتت وانا بتفرج على الباسات cc كنت بدردش مع مسئول المبيعات وبسأله عن مشاكل الفتيس وصلت لحد فين اكد لي ان المشاكل موجوده في موديلات 2011 و عندهم امل الوضع يتحسن في موديلات 2012 قمت ضحكت و قلت ماهو تقريبا ماحدش اشتري السنه دي من سمعة الفتيس
ده فيه اعلان على الوسيط واحد عامله لجيتا الشكل الجديد2012 بجواب المرور يعني من الاخر بعد الاستلام ما استحملهاش مشوار واحد
ويامية خساره على vw في مصر

المشاركة الأصلية كتبت بواسطة mohamedkordy

مش اوى كدا يابرنس بعد ٢٠٠٠٠ كيلو بتبان

كلامك ينطبق على العربيات السليمه طب ايه رأيك ان كان فيه عربيات زيرو خليجي من غير نمر لسه بالورق اللي على الكبوت و الشنطه رايحه التوكيل على ونش بسبب ان الفتيس قاطع وده طبعا خلى كل تجار الخليجي يبطلوا يجيبوها

المشاركة الأصلية كتبت بواسطة mohamedkordy

اوبا دانا ابن عمتى حجز جولف ٦ الحق اقولو بقا يصرف نظر عنها الغريب ان احنا دوخنا على جولف ٦ فى كل معارض القاهره ملقينهاش وحجزنا الدفعه الجديده الى حتيجى كمان شهر

لو بتحبه قول له بلاش و هتلاقي 3 مواضيع للجولف لوحدها بتتكلم عن مشاكل الفتيس و الناس باعت العربيات زيرو تقريبا و خسرت دم قلبها
وياريت تقرا الموضوع المثبت بتاع اخونا استاذ فرحات فتيس dsg حقائق و معلومات و الردود بتاعتي