مشاكل الفتيس الأوتوماتيك عموما

**tutankhamoun** · 11-05-2008 09:25 AM

سمعنا في الففترة الأخيرة تجربة بعض الأعضاء و عدم رضاهم عن الفتيس الأوتو في سيارات الجين 2
و أحب أوضح إن السحب الخاص لأي سيارة أوتوماتيك أقل من السيارات العادية

و برضه أحب أوضح إن مشاكل السيارات الأوتوماتيك موجودة في تويوتا كورولا ذات الفتيس MMT و أيضا موجودة في اللانسر الأوتو و التي أجمع الكثير من أصحابها أن سحبها ضعيف جدا و مخنوقة
و طبعا في سيارات كوري أيضا يشتكي أصحابها من سحب الأوتو أيضا

و مقصد كلامي هو إن السيارات حتى لو خارجة من ألمانيا ممكن يكون فيها عيب
يعني أحنا بشر و بننتج أخطاء
و تتراوح الأخطاء ما بين فرد و أخر ما بين الجسامة و الأخطاء القليلة الضعيفة
و هو ما يُميز صناعات بعض الدول على دول أخرى
و نرجع مرة أخرى لموضوعنا

و ده رابط لموضوع مفتوح هنا في المنتدى عن مدى سخط أصحاب التويوتا كورولا عن السيارة الأوتو ............
http://www.nilemotors.net/Nile/showthread.php?t=22348
لدرجة أن بعضهم ندمان على شرائها

و هي دي اليابان المقدسة عندنا نحن المصريين
أحنا بندي كل حاجة أكتر من حقها .......... بنزعل قوي و نفرح قوي
و بجد يا جماعة لم أرى حجم لليابان في أوروبا مثل مصر ....
و برضه سمعت إن الشعب السعودي بشترك مع المصريين في موضوع تقديس اليابانيين

و مش عيب ......... كل واحد حُر يفكر بالطريقة اللي هو عايزها
خصوصا إن اليابان دولة مشهورة بالجودة و الصناعات الجيدة
و لكن
تبدأ المشكلة عندما يتم التقليل من الآخرين
و تصيد الأخطاء لهم .......... في حين لو ظهر مشكلة أو خطأ من اليابان بتبقى على القلب زي العسل

**ahmedsiyam** · 11-05-2008 12:57 PM

السلام عليكم

الموضوع موش يابان و بس الموضوع ان المصريين حافظين موش فاهمين طبعا انا موش باقلل من شان العربيات اليابانى خالص بالعكس دى عربيات جميلة و نادر لما بتلاقى عربيات ماتعجبكش
انا عن نفسى افضل العربيات الاوربى و بالذات الالمانى
عموما موضوع الاوتوماتيك فى الجين -2 كان شئ متوقع ان سحبها يبقى ضعيف مقارنة بعربيات تانية كتير بس ده فى الاول لو بعد الـ 90 الموضوع

**ahmedsiyam** · 11-05-2008 01:00 PM

هايختلف تماما

و ضعف السحب مابين 2 و 3 rpm هو المشكلة فى الاوتوماتيك بتاع الجين -2 انما فى المانيوال تقدر تتحكم فى الموضوع ده الى حد ما
بس هى عموما عربية على السرعات القليلة بالاوتوماتيك موش هاتسعف الواحد مقارنة بمثيلاتها فى نفس الفئة اللترية و الفتيس

و انا عموما راضى عن موضوع الاوتوماتيك فى الجين -2 لانه موفر الراحة قبل اى حاجة تانية و بالنسبة للخوة اللى بتستعمل طرق سريعة فهو طبعا افضل من المانيوال من وجهة نظرى بكتيير

**mu7ammad** · 13-05-2008 03:01 PM

على فكرة أنا ليا تعقيب أنا مش حقول إنى سواق درجة أولى ولا حاجة أنا يدوب بسوق من 6 شهور بس فى الفترة ده جربت عربيات كتير و حكيتلكم على تجربتى أنا بس عايز أوضح حاجة أنا بسحب زى منا عايز و بنقل على ال R.P.M اللى أنا عايزه و الكلام ده فر أى نقلة بس هوه الفكرة فيه عايز حساسية لرجلك على البنزين و الكيك داون بتاعها لا يقارن ب أى عربية تانة ما عدا ال بى إم 320 فيما فوق و المرسيدس E230 kompressor فيما فوق فيما عدا ذلك الحمدلله مبهدل بى إم 316 , 318 و مرسيدس E 200 Kompressor و جولف 5 و أسترا و ناس أعرفهم شخصيا و أعرف سواقتهم كويس و اللى معاه جين أوتو مش عارف يسخب بيها بس بتعود على لمسة الدواسة صح و حيلاقى نفسه بيحرق و يغير من أول لتانى حتى لو عند 6500 R.P.M