استفسار في حالة لا قدر الله ان العربية عايزة طقم شنبر

**madvoodoo** · 08-06-2008 11:37 AM

كنت عايز اعرف ان العربية لو محتاجه طقم شنبر يتكلف اد ايه انتو عارفين ان اخوكم لسه جديد في العربيات والعربية لسه معايا مبقليش 3 اسابيع فالميكانيكي بيقولي انها ممكن تحتاج طقم شنبر بعد سنة او سنة ونص بس انا محنتف وموسوس جدا فعايز اشوف الدنيا لو مش مكلفة كتير اعملها اوريح دماغي وغير كده صحيح كان عندي تقل كده وانا بنقل التالت فهو ظبطهولي بس قلي بعد كام شهر لو عملت كده تاني ممكن تغير المعلقة بتاعة الفتيس وديه انا مش لاقي منها غير الصيني ب 75 جنيه وانا عايز اجيب الالماني بتاعتها اجيبها منين وبكام وايه رايكو في الكلام ده محتاج مساعدتكم
اخوكم الموسوس والميتدأ

**poopoo_966** · 08-06-2008 02:14 PM

يا باشا مبروك عليك العربيه و ربنا يكفيك شرها موضوع طقم الشنبر ده بدل قالك سنه او سنه ونص مفيش مشكله سيبه لحد ما يحتاج انا عندى الميكانيكى كنت جايب موتور استيراد و قالى كدة بالظبط و بقالى سنتين مفيش مشكله بس انتى راعى تغير الزيت فى ميعاده خصوصا فى الصيف علشان موضوع تبخر الزيت اللى بقى كتير اوى اليومين دول اما موضوع المعلقه لف لفه كدة و هتلاقى ان شاء الله اى حاجه غير الصينى و بلاش تبخل فى الموضوع ده علشان هو ممكن يقريفك بس يعنى مرة متلقيش غيار او مرة متلقيش مرشدير هههههههههه

**madvoodoo** · 08-06-2008 04:05 PM

تسلم يا غالي وشكرا جدا على النصيحة وربنا يكفيك شر طريقك ويكتبلك الخير

**MOHAMED ABD EL SHAFY** · 23-07-2008 04:58 PM

للمعلومة
طقم الشنبر تكاليفة
1- طقم الشنبر من 120 جنية الى 160 الى 175 ودا حسب نوعة (طبعا تجيب الاغلى)
2- جوان منفور حوالى 40 جنية
3- جوانات سلندر بالمرة الاصلى ب 60 والتركى ب 30
4- مصنعية من 350 الى 450 حسب الصنايعى
5- جالون زيت طبعا
يعنى التكلفة الكلية من 650 الى 850
وخلى بالك اوى ممكن تفط وتلاقى حجات تانية عاوزة تتغيير غير طقم الشنبر يبقى لازم تكون معاك فلوس بزيادة