اتفق معك
عرض للطباعة
السلام عليكم،
أستأذنك إني أضيف رأيي المتواضع.
لا تفصل الطريقين عن بعض. إستشر الأطباء اللي السادة هنا قالوا عليهم. ده علشان نتأكد إن التلعثم ده شئ عارض و لا يمكن إعتباره أعراض مبكرة لمشكلة ما، لا قدر الله. و أيضاً كي يطمئن قلبك و تقفل باب الوسوسة.
لكن فوراً إبدأ طبعاً بالرقية الشرعية. و الله أنا قلبي إستريح لما لقيت حضرتك على علم بالفارق بين الرقية الشرعية كعلم شرعي ، و بين الشعوذة و العياذ بالله . أنصحك قبل ما تبدأ إنك تقرأ كويس عنها و عن هدي الرسول عليه الصلاة و السلام؛ و الشفاء من عند الله تعالى سواء كان المرض جسدياً أم روحياً.
كملحوظة جانبية، حكاية زيارة البلد مش عند حضرتك بس. أنا قابلت ناس كتير عندهم المشكلة دي، لكن بتختلف في أثر العين: اللي عربيته تتخبط، اللي إبنه يمرض، اللي يتخانق مع مراته، و غيرها. في واحد أعرفه سايب عربيته القديمه بس عشان ما يروحش البلد بالجديدة. واحد تاني رفض يجيب عربية إلانترا (مع إن معاه فلوسها و عاجباه) لأن شكلها الضخم سيقضي عليها في أول زيارة للبلد :). الأسباب كتير لكن معظمها يعود لإنتشار الجهل بالدين في أعماق البلاد.
شكراً، و آسف للإطالة.
ووالله زيارة البلد دي بقت عامله زي المرض بالنسبة ليا مش بحبها خالص وتقريبا مفيش مره بروح الا والعيال الأتنين بيعيو وادب خناقه محترمه مع مراتي
مش عايز اقولك ان في ستات كانو بيقولو علي مراتي عيني عينك كده هي عملت ايه عشان تتجوز جوازه زي دي
بس نقول ايه بقي - جهل مفقع وربنا يكفينا شر عنيهم
والله انا عايز اغير العربيه بس برده خايف منهم ولما العربيه بتتخبط بسيببها اسبوع ولا اتنين عشان يحسو علي دمهم شويه
بالنسبة لموضوع الجراح في دكتور ممتاز هيجيبلك الموضوع من الاخر و صدقني هيبقي رأيه نهائي اسمه علاء فايز
عيادته في مصر الجديدة 9 ش الصومال
نصيحه دكتور استاذ فعلا و افضل جراح اطفال ممكن تتعامل معاه
ربنا يحفظنا واياك ياشداد من الحسد والحبيب صلي الله عليه وسلم قال "عَلامَ يَقْتُلُ أَحَدُكُمْ أَخَاهُ ؛ إِذَا رَأَى أَحَدُكُمْ مِنْ أَخِيهِ مَا يُعْجِبُهُ فَلْيَدْعُ لَهُ بِالْبَرَكَةِ" وهما طبعا مبيدعوش ولا بيبركوا ويقول اللهم مابارك ماشاء الله لا قول الا بالله ,وعَنْ أَبِي سَعِيدٍ قَالَ كَانَ رَسُولُ اللَّهِ صلى الله عليه وسلم يَتَعَوَّذُ مِنْ عَيْنِ الْجَانِّ وَعيْنِ الإنسِ فَلَمَّا نَزَلَتِ الْمُعَوِّذَتَانِ أَخَذَ بِهِمَا وَتَرَكَ مَا سِوَى ذَلِكَ. عليك بالاذكار المذكورة وبالخصوص التي تحفظ من العين وهي من ضمن اذكار الصباح والمساء وتعلم ابنك ماشاء الله القمر اللي انت حاطت صورته كبروفايل ؟ الاذكار دي
الحقيقة، حضرتك، هو الموضوع يعامل شرعاً بالضبط كالتعامل مع ال infection طبياً. الفارق هو أن المريض في الطب هو الجسم و سبب المرض هو كائنات دقيقة، بينما في الحسد و العين المريض هو الروح و مسبب المرض هي العين و وسائطها من الشياطين.
و بالتالي زي ما بنقوي المناعة عشان لا نصاب بدور البرد، لازم تقوي الروح عشان لا تمرض.
كتقوية عامة (Tonic يعني) بيكون الصلاة و الذكر. أما كعلاج (مضاد حيوي) فتكون الرقية الشرعية. و للمناعة القصوى يكون إستخدام الرقية بشكل منتظم سواء بوجود حسد أو لا.
لذلك، إسمح لي أنصحك إنك لا تأخذ موقف الدفاع و الفرار، لأن ده هيؤدي لوسوسة مستمرة و خوف بلا داعي. و زي لما بتخرج من مكان مليان ناس بتعطس، قلل من تواجدك في مصادر العدوى الروحية، إلى الحد الأدنى الذي لا يوقعك في ذنب قطع المودة و صلة الرحم.
إستعينوا على قضاء حوائجكم بالسر و الكتمان. مفيش داعي تظهر الأهداف الحساسة في حياتك للناس، و تخلي عربيتك أو حياتك ملفتة. إسمح لي، مش لازم تخلي العربية بتلمع و هي رايحة البلد. قدر الإمكان بلاش تحسس اللي حولك قد إيه إنت بتحب زوجتك. مش لازم أولادك يروحوا كل مرة عند الناس اللي إنت بتشك إنهم المصدر الرئيسي للمشكلة. خفف من الصورة الوردية أمام الناس لأن خيالهم المريض هيكمل الصورة إلى المثالية و كل طرف هينقض عليك فيما يعاني هو منه.
إذا حضرتك قرأت كتاب زاد المعاد لإبن قيم الجوزية هتلاقيه بيشرح إزاي الصحابة كانوا من قوة إيمانهم يستطيعوا أن يهزموا العين بل و تنقلب على العائن (الحاسد) أحياناً. هو بيشبه الروح بالإنسان الذي بصحته (الإيمان) يدافع عن نفسه ضد الأعداء(شياطين) بسلاحه (الذكر) . و لكنه أحياناً يعاني من سوء التغذية (الغفلة و الذنوب) حتى لا يستطيع أن يحمل سلاحه. و ده سبب إنك تلاقي واحد ملوش نفس حتى يصلي بالرغم من إنه في أشد الحاجة لله.
خلي ال rpm دايماً عالي و إنت ماشي عشان لما تحتاج تشد بإيمانك -زي دلوقتي- يستجيب معاك :).
الحمد رحت لدكتور اسمه احمد عبدالغقار في شارع الطيران عند كنتاكي كده وطاهرت الواد وبقي راجل :) ورايح دلوقتي يحل السلك
دكتور التخاطب اظن جنب المكان اللى انت كنت فيه فى العيادات الخارجيه لمستشفي النصر التخصصي مش هتخسر حاجه
والعلاج او التدريب بمعني اصح على التحكم فى اخراج الهواء بالكلام من الصغر افضل
جزاك الله كل خير
ياتري عند حضرتك فكره عن تكلفة الموضوع ده؟ عشان الموضوع ذاد تاني وبغباء والواد ببقي بيخبط رجله في الأرض عشان مش قادر يتكلم اصلا
انا كلمت واحد صاحبي والدته دكتورة تخاطب بس اجازه دلوقتي ووصاحبي دلوقتي بيظبطلي مع دكتور تاني
انا عارف مستشفش النصر كويس لاني كنت بروح جنبها مركز الزرقاني لاسنان عشانه برده