الموضوع: octavia a5

المشاركة الأصلية كتبت بواسطة mrscout

بافكر اجيب الفانتازيا مانوال تنصحونى بيها ولا ادوس على نفسى و اجيبها اتوماتيك؟
انا عايز ابعد عن مشاكل الفتيس الاتوماتيك وحاسس ان التسارع بتاعها فى المانوال احسن من الاتوماتيك ياريت الى معاه المانوال يفيدنى وشكراً

- أخى الفاضل أنصحك بالمانيوال أفضل بكتير .لأن فتيس الأوكتافيا الأوتوماتيك من أسوأ عيوبها ..والكبالن الداخلية أيضا بتبوظ بسرعة نظرا للتحميل الزائد عليها ..أما المانيوال فهى تقريبا بلا عيوب خاصة أن الدبرياج بتاعها ناعم بشكل غريب ولا تشعر أنك سايق مانيوال أصلا ..وبتفرق فى التسارع والقوة ...تحياتى لك

المشاركة الأصلية كتبت بواسطة hoba

طيب انا اللي قدامي دي موديل 2007 فابريقه كلها ماشيه 60000 و معمول لهل السيرفس بس عايزه كاوتش سعرها يبقى كام ؟ ارجو سرعة الرد

- من 95 الى 100 الف حسب الحالة ..

شكرا جدا استاذ علي عبدالحميد
اولا وبكل بساطة طبعا الالماني احسن
تعالى نتكلم على الاسكودا هي بالبلدي كدا ركوبة احسن من التويوتا بصراحة انا كدا لخصتلك الدنيا
بالنسبة للتويوتا انا عايش في الكويت طبعا مش محتاج اوصفلك جو الكويت هنا السيارة الاولى في البلد هي التويوتا مش هقلك لانها احسن تكييف واحسن اداء لا لانها بتستحمل الحر والرطوبة والغبار بكل شتى الطرق والتكييف صامد مبيقولش لا التويوتا هنا سعره فيه غير الاسكودا تماماً الاسكودا هنا تكاد تكون منعدمه والمصريين هنا اللي شارينها طبعا مش قصدي حاجة بكلمة مصريين قصدي انهم بيشتروها هنا وينزلو بيها مصر بس قليلية جدا هنا وان شاء الله وحده وحده هتبدأ تنتشر وتكون كويسة
شكرا جزيلا على الرد

استاذ هوبا العزيز
الطاسات تقريبا مفهاش مثبت سرعه والجنط بيكون 15 كمان مش 16
وربنا يباركلك في العربية اللي هتشتريها سواء دي ولا 2012 ومستنيين رايك فيها :)

المشاركة الأصلية كتبت بواسطة ali_abdelhamid

استاذ mrscount
انا معايا اوكتافيا مانوال
اللى اقدر اقولهولك بامانه هيى : المانوال احسن فى التسارع والفتيس ناعم جدا وحركته قريبه من بعض بمعنى ان النقلات لا تحتاج الى اى مجهود والدبرياج مريح وسهل
لاكن
الاوتوماتك فى الزحمه اللى احنا فيها دى مهم . اكيد مش ممكن تتخيل ان على كوبرى اكتوبر من اوله وافق وانتا كل شويا تنقل اول وفى تانى اول فى تانى وى شده اعصاب بالاختلاف تمام مع الاوتوماتيك مريح بالك تماما
اذن لو اوتوماتيك تخلى بالك من حاجه مهمه اولا تغيير فى الزيت قبل الميعاد وما تقرص على العربية علشان بعد فتره بتحس ان العزم قل عن تجربه صدقنى ومش هاتعرف تحلها غير انك تبيع العربية

أخى الكريم شكراً على ردك بس بردة الواحد فى حيرة جامدة بين الفانتازيا مانوال و التويوتا اتوماتك انا نفسى فى الفانتازيا ولكنى زهقت من المانوال خصوصا فى شوارع المحروسة.