الموضوع: غاوز اعدل لانوس99

زى ما الاستاذ محمد ممدوح قال سقط مكنه اسهل
شوف انته ممكن تركب وش نوبيرا على الماتور بتاعك 1500 لو حالته ممتازة وهتبقه عربيتك 110 حصان طبعا يفضل وش نوبيرا ون الى هيه 1500 سى سى مع ان كله واحد --
الحل التانى مكنه كامله ماعدا الموبينه وكباس التكييف--والمارش والدينمو --كدة كدة هتاخد الحاجات دى من ماتورك القديم
المواتير هتلاقى نوعين مكنه 1500 عزمها 140 نيوتن --110 حصان--ودى ممتازة فى استهلاك البنزين
مكنه 1600 عزمها 145 نيوتن 107 حصان--ودى اقوى -بس استهلاك بنزين اكتر
1600 فى التسارع -اقوى من 1500---بس عادى 1500 بتقفل العداد الى هوة 200---
عن نفسى فضلت 1500 على 1600 علشان ميزة استهلاك الوقود--انا مش داخل سبق ولو داخل هركب مكنه ليجنزا 2000 سى سى

شوف انته بتشترى مكنه لانوس سواء 1500 او 1600 وبتركب من غير ما تعدل مسمار واحد فى العربيه
مكنه النوبيرا لازم تعدل فى القواعد---تعديل القواعد ممكن يعملك مشكله فى الفحص
حاجه تانيه
تتفق مع الى هتشترى منه انك تبدل الكنترول---ليه الكنترول بتاعك هيشتغل زى الفل-- بس هتلاقى تنتيش بس فى الجرى صاروخ
طبعا تبدل من غير فرق لانه هوة المستفاد اكتر
الاسعار---المكنه كامله بالفتيس بتعمل 2800 الى 3000---حضرتك عندك الفتيس يبقه تشيل تمنه الى هوة 600
وممكن بقه تفضل تنزل لحد اما تستغنى عن كل شىء موجود عندك اصلا فى ماتورك والاخر هتوصل الى 1600 تقريبا
قلى هتشترى منين لو من الحرفين يبقه من محل المتوكل ارخص سعر وناس محترمه
وبالتوفيق ان شاء الله سعر تسقيط المكنه من 300 الى 500 حسب الميكانيكى بتاعك

المشاركة الأصلية كتبت بواسطة mo3tazanas

بالنسبة ل 140 مش كفاية وبعدين ماشاء الله فن الطريق اللى انت بتمشى عالية ازيد من 140 اية مافيش زحمة مافيش مطب مافيش حفر مافيش معيز معادية ياريت تقولى الطريق دة فين وانا هاروح امشى عالية مخصوص مادام بتجيب عالية 140

الموضوع العربيه الى اخرها 140 عربيه خامله وكسوله--انا مثلا عربيتى بتوصل 200 بس مش بزود داخل البلد عن 60 والطرق الاخرى عن 120---عدا الصحراوى-----الموضوع لو عربيتك اخرها 140 تبقه عاوزة تتكهن لان كلها مشاكل---ثانيا لو معاك عربيه قويه واتزنقت --والحل انك تزيد سرعتك--مع عربيه اخرها 140 مش هتجمع اصلا---ولو شغلت تكييف ومعاك ناس فى العربيه هتحتاج تربطها فى عربيه تانيه او تنزل تزقها--
احلى حاجه ماتور قوى وامشى على مهلك

المشاركة الأصلية كتبت بواسطة تامر.محمد

بس اللانوس ال1500 كامة واحدة عموما بتجيب لحد 170 مثلا , فعربيته لازم يتكشف عليها الاول ممكن يكون فيها حاجة بسيطة مش مستاهلة ده كله

الانوس الكامه الواحدة العادى 175---ومع الحرق 185--وعلى طريق السخنه 189 ومصورها وفيه فديوهات للكامه الواحدة 190