Cdxgt690ui ايه رأيكم فيه ؟؟؟

**ahmed_mamdouh** · 04-04-2012 01:17 AM

ايه رأيكم ياشباب في الكاسيت السوني
cdxgt690ui

صاحبه اشتراه من بي تك وعايز يبيعه لانه اشترى بايونير بعديها بيومين والكاسيت زيرو فعلا انا شفته ...وعايز فيه 600 جنيه ايه رأيكم في الكاسيت والسعر ....ياريت الرد بسرعه ...شكرا

**al_manara** · 04-04-2012 02:48 AM

الكاسيت كويس جدا وصوتة جميل .
السعر مش عارف

**ahmed_mamdouh** · 04-04-2012 03:24 AM

المشاركة الأصلية كتبت بواسطة al_manara

الكاسيت كويس جدا وصوتة جميل .
السعر مش عارف

اشكرك على اهتمامك :)

**ahmed_mamdouh** · 04-04-2012 03:27 AM

m7mda7md

الحقني يادكتور السوني :))

انا محتار بصراحه ...لان الراجل بيقولي ان صاحبه ركبه وخلعه بعد يومين لانه شاف واحد بايونير واتوهم وقاله شيل السوني ده وبيعه بأي سعر وركبلي البايونير ...والكاسيت فعلا زيرو
بس انا عايز اعرف هو كام rms لاني دورت كتير اوي وما عرفتش

**mody_mt2007** · 04-04-2012 12:27 PM

هو تقريبا 22 ار ام اس ماكس باور 50 وات

**m7mda7md** · 04-04-2012 02:20 PM

بص يا باشا انا ساعه لما عملت ثوره ضد البايونيير لصالح السوني كانت بس بعد ما سمعت السوني ال 500 عشان 7 باند...الكاسيت ال قدامك ده 3 باند بس فيه ميزتين...الميزه الاهم ان فيه مخرج صب و الميزه التانيه نور الشاشه بيتغير بين الازرق و الاخضر...قصه ال rms مش هيه الفيصل,مهم اه بس مش الفيصل...المفاجأه يا استاذ ان السعر ده يجبلك سوني 500 بالتركيب!!!!!!!!!!!!!!....عندك مخرج الصب و عندك 7 باند يسمعوك اتخنها اغنيه

**Haitham10** · 04-04-2012 02:22 PM

من اقوي وافضل كاسيتات السوني بأمانة
ومجربه سنتين ومسمعتش كاسيت سوني تاني زيه اما لسعره معرفش بس انا شايفه كدة لقطة
والبايونيير افضل طبعا لكن في الموديلات العاليه وتقريبا هتبدأ من ضعف السعر ده غير كده دة هيبقي افضل بس هاتله سماعات نضيفه
طقم بايونيير وطقم كينوود يعني الموضوع كله هيقف فحدود 1100 1200 كاسيت وسماعات وتركيب

اعتقد دة تمن اقل كاسيت بايو يتسمع بعد دة

وعيش الحياه الوردي

لو عوزت اي استفسار عنه او في التعامل معاه ابعتلي

**Haitham10** · 04-04-2012 02:24 PM

فرق شاسع بينه وبين ال500 ماهو عند صاحبي بنفس السماعات الي عندي والصوت لا يقارن هو نفسه هيتجنن

الكاسيت دة يتركبله جي ام وصب كمان .... ياهووو

الي عاجبني في الحوار الاداء الي هيتاخد بقيمة قليلة (جدا) مقابل النتيجة

**ahmed_mamdouh** · 04-04-2012 02:51 PM

الف شكر ياشباب على الاهتمام ...انا محتار جدا بينه وبين البايونير 2350 ...لان البايونير فيه ميزة انه بيعمل تقويه لاشارة الراديو وانا من عشاق الراديو ...وفيه برضه ميزة sound retriever وده بيظبط الصوت من مصدر الاغنيه نفسه يعني بيرجع الطبقات المفقوده في الصوت بسبب ضغط الاغنيه لامتداد mp3 طبعا كل الاغاني المفروض انها بتكون في الاول بامتداد FLAC مش mp3 لكننا بنضغطها علشان الflac مساحته كبيرة جدا جدا يعني مثلا اصغر اغنيه بيكون مساحتها 25 ميجا تقريبا والالبوم كله بتبقى مساحته مثلا 300 ميجا بس بيبقى نقاء الصوت في حدود ال 1000KB/S واقصى نقاء للـ mp3 بيكون 320KB/S
معلش دخلتكم في تفاصيل مش مهمة بس... انا مش هقدر اشتري جي ام في الوقت الراهن ... وخايف لاني سامع ان السوني مش هيقوم السماعات صح لان الخرج بتاعه مش قوي ... انا عندي سماعتين كينوود 450 وات اندونيسي ... هل يشغلهم كويس ويطلع بيز معقول ولا البايونير يكون احسن ؟

**Haitham10** · 04-04-2012 05:31 PM

باشا عندي نفس السماعتين
واتنين سوني تقريبا 300 مدورين في الابواب
والصوت بجد ممتاز
بالنسبة للامكانيات والاوبشنز انت مفهمتش الكلام الي فات لان مفيش وجهه مقارنة عشان كدة بقولك الواحد هيعدي الالف جنيه في البايو عشان تحس بفرق
الكاسيت فيه نظام تضخيم للصوت 3 مستويات ودة بيحسسك كانك مركب جي ام بالظبط لانه بيجسم الصوت جدا
عيبه انه 3 باند بتتحكم فيهم فقط
وفيه ضبطات للايكوليزر جاهزة + ظبطتك طبعا
تقدر تغير لونه وفيه فلاتر صوت من 0ل160 hpf lpf
وفيه بيز عكسي
وتحكم للصب منفرد لو موصل صب
وتحكم للايبود او التليفون لو وصلته اوديو مع الكاسيت
طبعا صوت الاسطوانات فيه اجمل بكتير والصوت فيها بيوصل معايا لغايه 35 نقي ومظبوط وطبعا طرش لان العالي الي بيسمع بره العربيه فعلا بيبدأ من 17 18
وفيه خاصيه عرض الاغاني بيسمعك مقطع من كل اغنية ويغيرها لوحده لو عجبتك اغنية بتدوس انتر عليها بيجيبهالك من الاول ودى خاصيه انا حاببها جدا لانها مفيدة بالنسبالي لما اكون سايق وزهقان من اختيار اغاني تتسمع
وفيه نظام زي الي انت قلته لمعالجه الاغاني ممكن تبحث عنه اسمه
DM+
هو بصراحه عشان انا مش من هواة الراديو فمش هقدر افيدك لكن هو فيه خدمات للراديو رهيبه وبيجيبلك نوعية المحطات وبرامجها

انا قبل كدة متعود علي جي ام 650 وات 4 تشانل وبازوكا 1000 وشغل تقيل

بصراحه الصوت هنا انقي بس يمكن جي ام 350 مع السماعات هيديني اكتر من الي هحتاجه وانصحك بيه لو غاوي هبد بغباء وصوت عالي اكتر ومتقلقش من خرج الكاسيت صدقني

نسيت اقولك توصيلاته متعة
وفيها سلك ممكن توصله مع نور العربيه هيظبطلك اضاءة الكاسيت لما تكون فاتح او قافل النور

الموضوع: Cdxgt690ui ايه رأيكم فيه ؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

طيب ايه رأيكم فى ده

اية رأيكم؟

إيه رأيكم في BMW M5 e39

إيه رأيكم؟

عايز رأيكم فقط رأيكم

الكلمات الدلالية لهذا الموضوع

المفضلات

المفضلات

ضوابط المشاركة