تقرير صيانه وتغير زيت فتيس وشويه دردشه
السلام عليكم ورحمه الله وبركاته
انا الحمد لله عملت شويه صيانه عاديه لعربيتي في الخفيف كده
روحت لميكانيكي حبيبي ونضيف وعنده برضو بعض قطع الغيار للعربيات
عملت الاتي
غيرت زيت وفلتر وجبتهم من عنده الاتنين ب 150 شل 5 الف وفلتر نيسان مكتوب عليه جينين(هنتطرق للموضوع ده بعدين )
الفتيس بقى والي في اعضاء نصحوني انه اروح التوكيل عشان اغير الفلتر والكلام ده
سالته قالي انا طول عمري بغيره عادي جدا والفلتر بتاعك معدن وبيتنضف ف قولتله على بركه الله
فك الطبه نزل الزيت اسود ومنيل بعد كده فك حوالي 10 مسامير او اكتر مش فاكر نزلت الطبه وبان الفتيس بقى من تحت حوالي ست حساسات والفلتر في نصهم راح فاكه ونضفه ونضف الكرتيره ب بنزين
وركب تاني وبتتقفل ب سيليكون او حاجه تانيه مش فاكر اسمها ايه زي التوكيل اسمها بلطيمه او ايه مش فاكر اسم غريب
حطيت زيت فتيس امريكي لون العلبه اسود اسمه mag تقريبا ياريت لو حد يعرف عنه حاجه يقولي
هو الميكانيكي وانا ضامن كلامه قالي هو نفس مستوى الشيل والموبيل ومتقتلقش وانا ركبته وحسيت بفرق تقريبا في النعومه والنقلات والاستجابه
التكييف عندي لازم يشتغل على الاخر عشان يبرد الصبح لو بالليل عادي روحت منزل الفريون كله عند بتاع تكييفات اعرفه وشحنت التكييف كله وفي زيت فريون برضو بيتحط والنتيجه هي هي كنت هتجنن طبعا
اسعار الشحن وياريت الناس تقولي غالي ولا عادي شحن يدوي ب 180 وشحن بجهاز 250 ياريت الناس تقولي كده غالي ولا رخيص ولا ايه
الغريب بقى ان االراجل بتاع التكييف قعد يقاوح معايا قالي هي بتاخد كيلو الا ربع فريون وانا قولتله لا هما نص كيلو بس لان مكتوب في ستيكر التكييف 0.50 kg يعني نص كيلو جرام عشان كده انا حاسس انه التكييف تعبان لانه لو زاد او نقص بيبقى التبريد ضايع
شويه بقى اسعار
فلتر هواء كوري ب 40 جنيه
لقيت كام لفه على الموزعين لقيت ان في فلتر زيت ب 50 جنيه وفي ناس بتبيعه ب 55 اني افهم ايه الفرق بينه وبين ابو 30 مش لاقي ومش عارف هل ده اصلي وده كوبي وان ولا هل الاول بيبقى غالي عشان جاي من التوكيل مش عارف ليه الاتنين من برا زي بعض بالضط ونفس الارقام كلها الفرق الوحيد انه انه العلبه لونها انضف فقط كانها لسه جديده
تيل الفرامل الاصلي عند معظم المحلات بيعمل من 310 ل 330
وفي محل قالي عندي كوبي وان منه ب 200 تقريبا او 220 لو حد جربه يقول
ولقيت عند شركه الاهرام والي هي موزع معتمد تيل فرامل امريكي ليها ب 200 تقريبا وقالي كويس
وجبت سير اصلي من محل لعربيه صديق ليا 150 جنيه سير دينامو
والبيه ده الي حصل معاه انه السير اتقطع ازاي محدش فاهم مع ان العربيه ماشيه بالضبط 40 الف وطبعا الاعراض الي حصلت له تهييس كلي للعريبه تشغل تكيف الكاسيت يبطل وعلطول لمبه البطاريه منوره وفي النهايه العربيه تفصل
وبرضو عند شركه الاهرام كان السيور بس كوري الاتنين ب 75 صباح الفرق الشاسع يعني
بس وهو ده كل اللي حصل
