ارجو المساعدة بخصوص شراء تيمبرا 1999
السلام عليكم اخوانى الكرام
انا كان معايا عربية فيات 128 وشوفت الويل منها رغم ان كان الموديل بتاعها 87 بس كانت العربية حالتها تعبانة وانضحك عليا فيها بس الحمدلله انا اتعلمت عليها كويس وبيعتها .
دلوقتى بقى قدامى عربية تيمبرا موديل 99 ايطالى وارد معاقين العربية تكييف باور سنتر لوك ازاز كهربا بس فيها شوية شغل سمكرة وصاحبها عامل عمرة للمكنة والعربية كمان عدادات ديجيتال انا سوقت العربية لقيت الفرق كبير بينها وبين ال28 بصراحة العربية ثبات عالى اوى وتحس فعلا انك راكب عربية حديثة جدا وصاحبها ابنه زميلى وبيقولى ان لما راح للميكانيكى قاله العربية بحالتها محدش فكك فيها حاجة خالص والكاسيت حتى بتاعها الاصلى اللى موجود
فأنا دلوقتى محتار اشتريها ولا ممكن ينضحك عليا تانى وارجع اقف فى الورش وانا بصراحة اتعقدت بعد العربية ال28 فياريت تساعدونى
:7_6_5v[1]: