الموضوع: دردش معانا فى كل اللى نفسك فية

المشاركة الأصلية كتبت بواسطة semsem kane

احداث يوم

*امبارح وانا ماشى على الدائرى وماشى عادى 80/90 دة اخرى ودية اول مرة فى حياتى اعملها انى امشى طول الطريق بالسرعة دية عموما الاقى واحد راكب bmw 2004 الفئة الثالثة ماشوفتش هيو اية الصراحة لانة ماعدانيش وعمال يجى جنبى ويروح مسمعنى صوت مكنتة ومهدى , وكرر المحاولة دية اكتر من مرة يجى جنبى ويعلى صوت ماتورة وبعد كدة يهدى روحت باصص كدة قولت دة عايز اية دية وراح لقيتة شغل الزينون العالى
والطريق فاضى قدامة ومش عايز يعدى قولت بقى هو انا ناقصك انت كمان هو مافيش يوم اعرف امشى بية بالراحة ابدا حتى لما احاول , المهم روحت روحت دايس الدوسة التمام واختفى نهائى من ورايا وبعد كدة العفرتة كلها قديت الطريق كلة غرز وبعد كدة قولت اهدى تانى وخلاص اهدى ياواد ,

* المهم لسة بقول ياهادى الاقى واحد بسيراتو عمال يقلبلى نور وعايز يعدى وبيقولى يعنى سرع شوية قولت هو يوم باين روحت شادد راح فين الباشا بقى الاقية بعد جدا وماجابنيش اصلا

*وهديت تانى واذ الاقى واحد بجيب جراند شيروكى 2004 عمال يقرب منى اوى ويدينى رعاش الله يخربيت ام الرعاش اللى مجنن الناس دة قولت عادى شوية والاقية بردة عمال يرعش وكل دة بدون كلاكس قولت والله لو موريك نفسك ورحت طاير من قدامة والله كان بيبعد مسافة مش اقل من 10 عربيات واهدى الاقية جاى صاروخ اروح انا دايس تانى عشان ماضمنش فراملة عاملة اية وفضلنا على كدة لحد ماهدينا خالص وفجأة كان فية عربية جاية عكسى وماشية على طريق اليمين والطريق دة كلة رمل ( روحت قايل فى بالى دانا هعميك دلوقتى ) روحت دايس وعديت العربية اللى قدامى بغرزة وعملت غرزة مقفولة بسرعة لاتقل عن 90 فى طريق رملة ناعمة والحمد لله العربية ماعامتش منى خالص ولا حتى حاجة لاتذكر وببص ورا لقيت عفرة قد كدة وصاحبنا دة يعينى اتردم من التراب وروحت مستنية لقيتة جاى حارق قولتلة مع السلامة ياحلو

* وعلى فكرة فى اول الظهيرة كنت ماشى فى نفق الازهر والاقى واحد بفيرنا ماشى بغرز على سرعات تتراوح مابين 60-70 وفرحان بالعربية وبنفسة وانا اصلا ماشى مشغل التكييف وماليش دعوة بية واللى يجرى يجرى بس والله كان داخل غرزة من قدامى وطبعا عشان انا عارف امكانيات الفيرنا كويس روحت مهدى خالص عشان ماياخدش الغرزة مقفولة وممكن العربية تعوم منة وهو بيرد و اللى ضحكنى فى الموضوع انة كان بيهدى جامد عند كل الملفات قولت لاحول ولاقوة الا بالله مانت كنت عامل بطل دلوقتى , وشوية والاقى واحد بلانوس نفس الكلام واحنا ماشيين فى اخر ملف فى النفق وكنت انا ماشى على الشمال وبف وواحد بلانوس راسة والف سيف ياخد الغزرة فى الملف مابين العربية اللى ماشية قدامة ومابينى روحت مهدى خالص قولت لحسن تعوم منة نروح كلنا فى البطاطا وفعلا الحمد لله وهو داخل الغرزة حسيت ان العربية لعبت منة شوية بس الحمد لله لحقها

* النكتة بقى والضحك كلة ماشى فى طريقى عادى جدا مافيش اى حاجة ولااقى عربية سيات 133 وراح واخد غرزة عادى جدا واتفاجأت قولت هيعمل اية المجنون دة دية حتة قد صغيرة اوى المكان اللى كان عايز يعدى منة بقى كان مابين اتوبيس وعربية سيراتو واقسم بالله من اللى انا شايفة انها حتى ماتعديش موتسيكل وفجأة الاقى بتاع السيات قرر انة يدخلها بدون ماى حد يوسعلة والاغرب انة عدى بكل بساطة انا جالى هستيرية ضحك من اللى حصل قولت يانهار ابيض انتوا اصلا مش متخيلين الموقف العربية كلها خدت غرزة من مكان صغيرجدا , وعدت فى مكان اصغر بجد العربيات دية مشكلة ياجدعان وهتستغربوا لو قولتلكوا ان الواد خد الغرزة بدون مالعربية تتحرك او تتهز وعدى بدوسة بنزين من السيراتو زى الحلاوة مع انى اشك ان بتاع السيراتو كان شايفة اصلا فى المرايا

ورجعت البيت الحمد لله وقولت اة يابلد ياللى الواحد مايعرفش يمشى فيكى بالراحة

*وجيت النهاردة الصبح رايح الشغل وماشى عادى واحد بشيفرولية افيو عمال عايزنى اشد معاة عرفتة مقامة والغريبة انة ماستحملش فى ايدى لحد 130 ولقيتة بيختفى مع انة كان قارص

* وتيجى بقى بنوتة حلوة راكبة فيرنا فيفا , انا قولت اشد شوية فروحت دايس سنة بسيطة فصوت الفلتر اشتغل فلقيت البنت اللى جنبى راحت دايسة هيا كمان قولت لأ بقى لحد البنات والله لو راكبة 126 لأ بهدلها وطبعا عرفتها مقامها غرز وانها تفكر الف مرة لما تيجى تشد مع واحد لأ واية بالهوندا , والحمد لله جيت الشغل سالم غانم

ربنا يسترها علينا ووعليكم ويكفينا ويكفيكوا شر الحوادث

بصراحة يوم حلو وبعدين حد يكره التسلية فى الطريق مش عاوز اقولك مره كنت ظابط الكربيراتير تمام وطالع من عمره والموتور فايق فوقان رهيب ومغير كل حاجه وشديت مع واحد معاه افيو نفختو عالمحور مش بتاعة جرى خالص ....


بجد كل يوم الهوندا بتحلى فى نظرى بس ياترا لو حبيت اشترى هلاقى عربيه نضيفه اجيبها ولا لا ....

المشاركة الأصلية كتبت بواسطة semsem kane

قررت انى امشى بالراحة وخصوصا بعد اوامر عليا طبعا ( زوجتى ) وتأنيب الضمير حرام عليك كفاية كدة بقالك طول حياتك بتمشى بسرعة خلاص بقى اهدى وامشى بالراحة والكلام اللى انتوا عارفينة دة واكيد بيتقالنا كلنا وطبعا الحاج والحاجة لما بيكلمونى يطمنوا عليا اول حاجة بيقولهالى الحاج مشيت على كام انهاردة 180 ولا 200 خلاص الناس حفظونى

المهم قررت انى امشى هادى ودية كانت تجربة اول يوم هدوء بجد حتى مع اى ظرف من الظروف وللاسف كانت تجربة مريرة اصابتنى بالملل + حرقة الدم + ماسك لسانى بالعافية عشان المدام نيجى بقى للى حصل

طبعا قررت انى امشى بسرعة داخل المدينة لا تتجاوز ال60 كم , وفعلا مشيت وعملت كدة وطبعا اتحرق دمى وساعتها عرفت ان الشعب المصرى كلة بيجرى , الكل كان بيكلكسلى عشان اشد , واللى يكسر عليا واللى كان هيخبطلى جنب العربية , واللى عمال يزعق , واللى يقف قدامى مرة واحدة , واللى عايز يدخل من اليمين للشمال يروح جاى قدامى وكانت هيصة مانا لقية بقى , فطبعا اتنرفزت جدا ومسكت اعصابى ومراتى بتقولى مالك متضايق لية قولتلها بقولك اية " اللى انا فية دة بسببك انتى ادينى ماشى بالراحة وكنا بردة هنعمل 100 حادثة " والحمد لله ربنا سترها كان فية اتوبيس سياحة طبعا مش عاجبة انى ماشى بالراحة راح واخد غرزة منى وكان هيضيعلى الجنب روحت رايح الناحية التانية على طول والحمد لله كانت فيها مكان ادخل فية
المهم طلعنا الدائرى وقولت اية همشى عادى بقى واللى عايز يجرى يجرى براحتة , المهم طلعت الدائرى وقولت مش هعدى 90 ( السرعة القانونية ) مشيت عادى بتاع دقيقة كدة وفجأءة الكلكسات والانوار تنهال عربيات بتجرى وبتغرز واللى كان هيخبطنى لان بسلامتة بيجرى مع واحد وبيشد وعايز يطلع منى مع انى ماشى فى النص وسايب حارتين على شمالى وحارة على يمينى والحارة التانية اللى على يمينى طبعا مخصصة لسائقين الميكروباص لانهم بيقفوا مرة واحدة فمش باجى جنبها

المهم واحد بهيونداى اكسنت ماشى دايس وعايز يعدى روحت موسعلة الاقى واحد ورايا عمال يديلى فى اشارات روحت موسعلة بقيت مقضيها شوية على الحارة دية وشوية على الحارة دية لما اتخنقت وقولت فى بالى " والله لو كنت بجرى محد فيكوا كان شاف حتى الفوانيس " وماشى بقى خلاص هنفجر من كتر حرقة الدم وايدى ورجلى عمالين ياكلونى والشيطان شغال وبيقولى اجرى وريهم مقامهم , وفى وسط كل دة يطلعلى واحد معاة عربية c180 2003 بيشد وعمال يجرى طبعا قولت امسك نفسك كمل للاخر انت خلاص قربت على البيت

وبعد كدة فى اخر جزء كان فية ملف او نزلة كدة كنت باخدها اقل واجب 120 كم قولت لأ خلاص اهدى روحت واخدها على 70 كم وماشى بالراحة يطلعلى واحد بميكروباص عايز يطلع منى وعمال يدينى فى انوار وكلكسات وانا اصلا بقلق منهم لانهم مابيبقوش معاهم فرامل اصلا فممكن يخبطنى , فروحت موسعلة وقولت فى بالى "حتى الميكروباص ياجدعان بيطلع منى "
ورجعت البيت وحسيت انى متنرفز جدا لدرجة انى طلعت مراتى البيت ونزلت اتمشيت شوية عشان مابقاش عصبى لانهم بجد نرفزونى جدا وقررت " انى مش همشى كدة تانى " لان فعلا الشعب المصرى كلة بيجرى واللى مش بيجرى بيداس وبيتاخد فى الرجلين , والله لما كنت بجرى محدش كان بيستجرى يعمل كدة لانى ماكنتش بشوف حد ورايا او معايا اصلا وفعل السائقين المصريين اصبحوا لا يعرفوا شيئا عن القيادة وانا اتأكدت دلوقتى انك لو ماشى بالراحة العربية هتبقى فى خطر اكتر وانت ماشى سريع او على الاقل هتلاقى نفسك بتدخل فى مشاكل مع اللى حواليك

وبجد احنا ماشيين بستر ربنا , وطبعا والله بدون مبالغة انا واخد الطريق كلة كدة حرقة دم ونرفزة من اللى بيحصل بلا استثناء من اول ماطلعت على الطريق لحد مارجعت البيت وانا فى حرقة دم مستمرة تخيلوا بقى

+1 نفس الاحساس ده بيجيللى و هو الحاج راكب جامبى !

اهدا ... براحه ... حاسب الراجل ... متقرصش ... اطفى النور !!

ببقى نفسى اسيب العربيه فى نص الشارع و اروح مواصلات و هو يكمل :)

مساء الخير ياهونداوية حبيت امر اسلم عليكم وعلى اجدع ناس فى القسم وعلى الراجل اللى اتشرفت بمعرفته احمد ايهاب بجد راجل زى العسل ربنا يباركله يارب ويوفقو ويصلح عربيتو على خير ونشوفلو بقا شداية مع سمسم وهو طالع من ال sir وانا اطلع منهم هما الاتنين بالاكسيل بقا ههههههههههههههه

المشاركة الأصلية كتبت بواسطة koshary

مساء الخير ياهونداوية حبيت امر اسلم عليكم وعلى اجدع ناس فى القسم وعلى الراجل اللى اتشرفت بمعرفته احمد ايهاب بجد راجل زى العسل ربنا يباركله يارب ويوفقو ويصلح عربيتو على خير ونشوفلو بقا شداية مع سمسم وهو طالع من ال sir وانا اطلع منهم هما الاتنين بالاكسيل بقا ههههههههههههههه

مساء النور علي يا كشرى
مش اوى كده انى اطلع من ال sir
لسه شويه عليا دلوقتى ي ي ي
يا دوب يقدر يركب تاكسى
^_^

المشاركة الأصلية كتبت بواسطة ahmedeihab

مساء النور علي يا كشرى
مش اوى كده انى اطلع من ال sir
لسه شويه عليا دلوقتى ي ي ي
يا دوب يقدر يركب تاكسى
^_^

ولا شوية ولا حاجه انت مش واخد بالك ان سمسم مش منتشر فى القسم بقالو يومين عرف ان الوحش البريليود قادم ههههههههههههه