لا هاتة بعربيتة فى مقابلة تويوتا :)
حاسس اكن حضرتك بتلمح للكلام اللى انا قلته
عموما انا ماقلتش ان فيه حد في المقابلة حسد العربية وبالتالي اتخبطت وانا راجع
انا قلت اني وريت زمايلي قبل ماروح المقابلة على الشغل اللى عامله في العربية وفرجتهم عليه وبعدين طلعت على المقابلة وانا ومروح اتخبطت
فاتمنى ان حضرتك ماتكونش فهمت الكلام الخطأ
اذاعة القرآن الكريم بقالها اسبوعين بتعيد نفس الحديث بتاع الشيخ الشعرواي
وبيتكلم فيه عن الحسد
ليه رأي جميل جدا وانا مقتنع بيه جدا جدا
ربنا لما قال
ومن شر حاسد اذا حسد
الناس تقولك طب مانا بقول قل اعوذ برب الفلق ومع ذلك بيحصلي حسد ومشاكل
الشيخ الشعراوي قال ايه
الشر مش انك تتحسد وحاجتك تبوظ
الشر انك لما تتحسد تحرم الثواب
ازاي ؟؟؟؟؟؟؟؟؟؟؟؟؟؟؟؟!!!!!!!
لما تتحسد وحاجتك تبوظ
المفروض تحمد ربنا
وتقول "انا لله وانا اليه راجعون"
وبذلك ربنا يجازيك ويأجرك في مصيبتك
لكن الشر الحقيقي
انك تسخط وتغضب وتعترض علي حكم ربنا
والله المستعان
،
،
فالله خير حافظا وهو ارحم الراحمين
دي فايدة ادعية الصباح والمساء
والله الموضوع حقيقي وبيحصل يوميا بدون ان نشعر
طيب هو ليه مفيش في المنتدى قصة ... أن الواحد يحط صورة عربيتو يوم يومين وبعدين لو حب يشيلها او يمسح الموضوع يمسحو ... ده حتى كده يخف الحمل عن السرفر بتاع المنتدى شوية .
وفي نفس الوقت يحمي عربيتو من العين ، أنو عدد معين بس الي شافها وخلاص ... مش يكون الموضوع متروك كده للأجيال الي جيه ... والقصد ان يكون في حرية ومرونة لصاحب الموضوع ان يمسح او يضيف .
ربنا يسترها ان شاء الله
امييين يارب العالمين
والله انا كنت فاكر ان الموضوع ده معايا انا بس .
علي فكره انا بشتغل في الخليج نزلت مصر اول مصر بسيارة مرسيدس طبعا الماكينة خربت وبعد وصولي بيها غلي الخليج عربية نقل كبيرة عجنتها وهيا والحمد لله راكنه تحت البيت ،
وتاني سيارة مازدا 6 حطيت صور ليها في المنتدي وبعدين نزلت مصر بيها وللان مش عارف اللاحق علي الحوادث والأعطال للسيارة ولولا انها لسه عليها اقساط كنت بعتها واستريحت من وجع الراس ده كله لدرجة اني والله خلاص قربت اعلق فيها خرزة زرقه هههههههههههههه\
قول اعوذ برب الفلق
يا اخوانا قولوا ما شاء الله والله أكبر