الموضوع: كام واحد حصله كدة في عربيته بعد ما حط صورها عالمنتدي ؟

ملاحظة قوية جدا و الكلام ده صحيح تماما وأن متابعه على المنتدى و كنت هعمل بيه موضوع فعلا باقتباسات من الناس اللى بتعمل مواضيع عن عربياتها و بعدها بمفيش اسبوع تلاقى موضوع تانى عن حادثه أو مشكلة كبيرة فى العربية.

زميلنا عمرو فى منتدى الأوبل كان عامل موضوع انه جاب 200 كم بعربيته وكان مصور العداد و بعدها بأسبوع تقريبا عمل موضوع تانى عن حادثه جامده عربيته اتبهدلت فيها.

أحمد لما عمل موضوع عن الجنوط اللى جابها لعربيتة الياريس و بعدها بأقل من أسبوع عربيه نقل خبطت له الجنب الشمال على الدائرى.

زميلنا ماجد كان عامل موضوع عن تركيب فوج لايت لهوندا سيتى .. و بعدها بأقل من 10 أيام عربيته اتخبطت قدامى قدام القرية الذكية.

و غيرهم كتير .. و خلى بالك انك بتلاقى مثلا 1000 مشاهدة للموضوع .. متعرفش مين اللى بيشوف

الحل ببساطه:

الصحيح من السنة أن يبرك الإنسان – أي يدعو بالبركة - إذا رأى ما يعجبه ، وخاف على صاحبه من العين .
قال رسول الله صلى الله عليه وسلم " إذا رأى أحدكم من نفسه أو ماله أو من أخيه ما يعجبه فليدع له بالبركة فٍان العين حق " .
رواه ابن السني في " عمل اليوم والليلة " ص 168 والحاكم 4 / 216 وصححه الألباني في " الكلم الطيب " 243 .



وعن أبي أمامة بن سهل بن حنيف قال : مر عامر بن ربيعة بسهل بن حنيف وهو يغتسل فقال: لم أر كاليوم ولا جلد مخبأة ، فما لبث أن لُبِط به فأتي به النبي صلى الله عليه وسلم فقيل له : أدرك سهلاً صريعاً قال : مَن تتهمون به ؟ قالوا : عامر بن ربيعة ، قال : علام يقتل أحدكم أخاه ؟! إذا رأى أحدكم من أخيه ما يعجبه فليدع له بالبركة ، ثم دعا بماء فأمر عامراً أن يتوضأ فيغسل وجهه ويديه إلى المرفقين وركبتيه وداخلة إزاره ، وأمره أن يصب عليه . رواه ابن ماجه 3509 وأحمد 15550 ومالك 1747.

يعنى المفروض الناس لما تلاقى حد عمل حاجه كويسه يقول له .. "ربنا يبارك لك" أو "اللهم بارك"

و ربنا يسترها معانا جميعا

والله انا كنت فاكر ان الموضوع ده معايا انا بس .
علي فكره انا بشتغل في الخليج نزلت مصر اول مصر بسيارة مرسيدس طبعا الماكينة خربت وبعد وصولي بيها غلي الخليج عربية نقل كبيرة عجنتها وهيا والحمد لله راكنه تحت البيت ،
وتاني سيارة مازدا 6 حطيت صور ليها في المنتدي وبعدين نزلت مصر بيها وللان مش عارف اللاحق علي الحوادث والأعطال للسيارة ولولا انها لسه عليها اقساط كنت بعتها واستريحت من وجع الراس ده كله لدرجة اني والله خلاص قربت اعلق فيها خرزة زرقه هههههههههههههه\

قول اعوذ برب الفلق

يا اخوانا قولوا ما شاء الله والله أكبر

المشاركة الأصلية كتبت بواسطة hanyrehan

والله انا كنت فاكر ان الموضوع ده معايا انا بس .
علي فكره انا بشتغل في الخليج نزلت مصر اول مصر بسيارة مرسيدس طبعا الماكينة خربت وبعد وصولي بيها غلي الخليج عربية نقل كبيرة عجنتها وهيا والحمد لله راكنه تحت البيت ،
وتاني سيارة مازدا 6 حطيت صور ليها في المنتدي وبعدين نزلت مصر بيها وللان مش عارف اللاحق علي الحوادث والأعطال للسيارة ولولا انها لسه عليها اقساط كنت بعتها واستريحت من وجع الراس ده كله لدرجة اني والله خلاص قربت اعلق فيها خرزة زرقه هههههههههههههه\

قول اعوذ برب الفلق

يا اخوانا قولوا ما شاء الله والله أكبر

انت كده مش حتتحسد على العربيه انت حتتحسد على انك عايش فى الكويت :) ههههههههههه