الموضوع: كام واحد حصله كدة في عربيته بعد ما حط صورها عالمنتدي ؟

المشاركة الأصلية كتبت بواسطة moh19227

ههههههههههههه دا انت معاك سلاح سري ياراجل

المشاركة الأصلية كتبت بواسطة Bunsh_Fox

ماشاء الله ,, أنا كدة هعملك تقرير بمشاركة سيئة وهخلى أ/كريم ومشرفييين يحطوك فى بلاك ليست !!
هتوحشنا !!
خلى بالك انا تبعك ومن نجوم هيونداى (يعنى زمل) بلاش حركات ندالة معانا .
وربنا يسترها معانا جميعا .

ههههههههههه هجبلكم ابن عمتي والله وانتو حرين هههههههه
الواد ده سر باتع تصور شفت الاستاذ الي في كندا لو هو فين. لو في الاسكيمو زات نفسو بمجرد ما يتخيل ابن عمتي يبعتلو عين هناك دليفري بال Dhl ههههههههه المشكلة كل ما اقلوا قول بسم الله مشاء الله يقلي ليه انا مبحسدش
قلتلو الله يخرب بيتك كل دة ومبتحسدش امال لو كنت بتحسد كنت عملت فينا ايه بس ؟؟؟؟؟
ابيزا اتقلبت قدام عيني. عند اركيديا بسبب انها لونها كناري وعجبت ابن عمتي ، ده حتى لو بت حلوة عدت من قدامنا وهو قال اوووووباه ايه الحلاوة والجمال دي تبص تلاقي البت ياعيني اتكفت على وشها وكل ده وبيقلي انا مبحسدش استر يارب هههههههههه

المشاركة الأصلية كتبت بواسطة bunsh_fox

ربنا يعوض علية ,, وقدر الله ماشاء فعل وحمدلله على سلامتة ,,
ولو كل وااحد اتلم وقال حمدلله على نعمة اللى هوة فيها مكنش دة يبقى حالنا (كل وااحد رامى عينة فى حاجة غيرة ويقولك يابختو ومشمعنا انا""ربنا يهدى"")

والهي بجد كلمتين فيهم الشفا كلو. ، بجد لو كل واحد يرضا بالي ربنا قسمهولوا كنا عشنا في خير وسلامة. ياراجل مش عاوز اقولك ان احيانا الحسد بيوصل للجواز انو اشمعنا انتا مجوز وانا لا ، او مراتك ليه حلوة وانا مراتي مش حلوة ، مرة قريبة مراتي كانت زعلانه من جوزها وجت جري عندنا على البيت. المهم جوزها جه علشان نصلح بينهم ، فوهو عمال بيحكلنا عن مشكلتو بصيت لقيتو بيقول لمراتو بغل انتي مجنونه شايف حرم استاذ ميدو اشمعنا هيا عاقله وانتي لا. اشمعنا هيا مهنياه وانتي منكده عليه ومفيش بعيد عنك طلعو من البيت من عندنا بعد ما صلحناهم وجي البس البيجاما بصيت لقيت مراتي ضربة حتت دين بوز وشوية سبحان الله قامت بينا خناقه لقيتها ولاول مره بتلم شنطة هدومها ورايحه بيت ابوها وعاوزه تاخود العيال وقمت كمان لاول مره واخر مره في حياتي قمت ضربها بدون سبب وبدون وعي وولع الموضوع اكتر واكتر كان هيوصل للطلاق بسبب ام العين

حبيب قلبي يابوحميد. الحسد مذكور في القران ، والي هو بنمثلو برمز العين فالعين مش شرط تشوف الحاجة على الطبيعة. وحياتك حتى في الصور ، واديك شفت الي حصل في اليابان مره كنت قاعد انا واحد قبل الثورة يعني في بدايتها قالي ياخي حال البلد وقف علشان شوية عيال وقفو في التحرير بيتظاهرو والبورصة بتخسر طيب ماهي اليابان شغاله الله ينور وعندهم زلازل وبراكين تاني يوم. على طول بفتح نشرة الاخبار لقيت بيقولوا حصل توسنامي في اليابان وموجة مدمرة جالي الراجل ده تاني مره قالي شوفت اهو حصل توسنامي وبكره هتشوفهم شغالين ولا في حاجة عندهم. بصيت لقيت تاني يوم في نشرة الاخبار انفجاااااااااار مصنع نووي في اليابان ههههههههههههههه رجع جالي الراجل بيقولي شفت قلتلوا ماشفتش الله يخليك سيب اليابان في حالها وخشلنا على امريكا واسرائيل شوية هههههههههههههههههههههههه