تم بحمد الله أفتتاح ... هههههههههههه لا لا بهزر .
بصو بصراحة انا من يومين كنت سهران هنا في المنتدى وحدي المهم ... مع الموضيع الجميلة قلت اتصل على القهوة الي جمبينا في قسم هونداي أطلبلي كوباية سحلب أو كوباية يانسون أو حتى كوبايت حلبة بحليب ... بس بصراحة رد عليا الواد هناك وبعد ماخد الطلبات مني على السماعه وهو بيقلي تحت امرك يافندم ... المهم قالي تحب حضرتك اوديلك الطلبات فين سعتك ... قلتلو هنا انا جمبك في قسم تويوتا ... بصيت لقيت الواد وبكل بجاحة بيقلي لا انا متأسف مبنوديش طلبات بره القسم ... صاحب القهوة منبه علينا الي عاوز يشرب حاجة يجي يشربها هنا ... لأننا كنا بنودي طلبات للاقسام الي حولينا ... فتلاقي الزباين بيرمو الكوبيات غير الكوبيات الي بتتكسر ... والي يقوم قافل الكمبيوتر بتاعو شوت داون ويهرب من دفع الحساب ... المهم رحت عند قسم سوزوكي ... قلت لوواد هناك أبعتلي والنبي شيشة وحجرين تفاح على قسم تويوتا قالي كمان متأسف ... فقلت لالالالالالالالالا مبدهاش بأه أحنا لازمن ولابد نفتح قسم عندنا هنا في تويوتا لملتقى الحبايب ومش قهوة بأه لا كافية كمان ....


وبرضو زي مانتو لاحظتو على باب القسم بره
جبت واد يطوق العربيات بتاعت الساده الاعضاء
هذا وبالاضافة الي عاوز يعمل مكالمة ولا حاجة
الدقيقة ب 50 قرش


ده بالاضافة أننا عملنا قسم للمدخنين
الي طول ماهما قاعدين في المنتدى قاعدين يحرقو
في علب سجاير


وإن شاء الله ... قريباً المفاجئة
ولأول مره في المنتدى ... وأي منتدى فيكي يامصر
هنفتح فرع لسندويتشات مؤمن

هذا وبالاضافة هنفتح محل هنا جمب القسم
محل بقالة وهنبيع فيه كل حاجة لانشون وبسطرمة وجبنة وزتون وعسل اسود علشان الي عاوز يتعشى خفيف خفيف
وعلشان ميسهرش طول الليل في المنتدى وبعدين يرجع البيت
تستلمو مراتو وتقلو جبت العيش الي وصيتك عليه
يقلها يييييييييي نسيت ..
فعلى طول يقدر يتصرف ويجيب من بقالة القسم

المهم يا شباب انا عاوزكم تحسو انكم في بيتكم تماماً ، لأن أصلا كده ولا كده أنت قاعد في بيتكم ومشغل جهازك هههههه

القصد كل مشاكلنا ايه مقترحاتك لتطوير القسم ايه مشاكلك في العربية او في الحياة او هموم الشارع المصري ، ايه اخر نكته سمعتها لو في فيديو او مقطع يوتيوب تحب تشارك بيه زمايلك فرجنا عليه واحنا بدورنا نعلق عليه وتحياتي ... بس مبدئيا ايه رأيكم بالفكرة .؟؟؟