الموضوع: لولولولولى ..انا غيرت طقم الدبرياج

الف مبروك ياعم
بس انا متاكد انك اتخيطت دا غير ان اكيد تعبوك فى التوكيل

أخيراااااا يا خالد.

المفرض الناس فى منصور لما يشوفوك فى منصور ياخدوك بالحضن :-)

ربنا يبارك لك فيها.

انا اتخيطت تخييطه السنين
كنت عاوز حر يصورني و انا بدفع :(
هما حاولو يتعبوني في الاول بس عرفتهم بنفسي :) اتظبتو

المشاركة الأصلية كتبت بواسطة ahmedbahgat

ألف مبروك يا باشا وإن شاء الله يعمّر معام
فعلاً ١٣٠ ألف كيلو كتير علي اسطوانة وديسك فتيس الأوبل زايدين بتاع ٦٠ ٧٠ ألف الله أكبر
قولي بأه دفعت كام عشان أبقي برده كستعد وعندي خلفية :)

المشاركة الأصلية كتبت بواسطة medo111

مبروك يا خالد بس ايه الاسعار برا وجوه

الله يبارك فيكو يا جماعه
والله فى ناس هتقول عليا عبيط وفى ناس هيبقى رأيها انى اهبل :) و فى ناس هتقول فلوسى كتير ..بس الموضوع مش كده والله انا بس بحب ابقى دايما فى المضمون ..
المهم
الاسعار برا التوكيل
1-الديسك و الاسطوانه لوك "بيقولو" المانى ب 1600 1700
2-ماستر دبرياج سفلى مش عارف بالظبط بس تقريبا حوالى 1000 جنيه و طبعا بيقولو المانى بردو
3-كاوتشه كوبلن مش عارف
المصنعيه برا ممكن تبقى 250 350 حسب معلوماتى

اسعار التوكيل :
1-الديسك و الاسطوانه لوك مصنوع فى المجر (اكيد مش مضروب لانه لو ضربه كان اولى يكتب المانى) و ومحطوط عليه علامه اوبل و فوكسهول و جى ام ..و محفور على الطقم نفسه لوك 2900
2-ماستر الدبرياج ب 1850 صناعه تشيكى و عليه نفس العلامات السابقه
3-كاوتشه الكوبلن المانى بالشحم بتاعها و الافيز ب 230
المصنعيه حوالى 800 جنيه

الاجمالى 6200

الى خلانى اركب فى التوكيل بالسعر ده :
1-لا اثق فى اى صنايعى برا التوكيل ..عارف وانا اكتر واحد عارف ان التوكيل مش فاهم حاجه ..بس هو حافظ ..حافظ مش فاهم و هما غيرو اطقم دبرياج كتير فنسبه الخطأ ضئيله اوى ..+ان انا جربت كذا حاجه برا التوكيل و لقيت الناس بطيخ زى مثلا احمد سعيد بتاع مدينه نصر ! معرفش يركب ماستر فرامل !!
2-لا اثق فى ان الطقم الى برا المانى ...لو المانى كان منصور جاب المانى وكده كده بيبيع غالى و معندوش مشكله يخلى الطقم لوحده ب 5000 جنيه ..
3-مش عاوز خطا يحصل يقفلنى من العربيه و يضطرنى للبيع ..لان زى ما ناس كتير عارفه العربيه عربيه اخويه الله يرحمه و انا بعتز بيها جدا و بحافظ عليها و مش عاوز حاجه تبوظ فيها بالعكس انا بصلح الى بايظ و عشان كده مش ببخل عليها فى حته الفلوس

اخر حاجه بقى عاوز اقولها يا ريت تجمعوا تبرعات عشان انا فلست هههههههههههه

والله يا ريس هو كان يقعد ..بس العربيه كانت بتترج ..وهى اصلا قواعدها نوعها زفت و بتبوظ
فقولت انا كده كده هغير ...
الحمد لله