الموضوع: # شوارع المحروسة # (كلاكيت تانى خبطة ) خلى باللك !!!

المشاركة الأصلية كتبت بواسطة sameh.acc

يااستاذ ماتركساوى
الطريق مش عكس ولا حاجة مفيش يافطة مكتوب عليها ممنوع الدخول بالعكس اقسم بالله كان قدامى عربيتين داخلين الشارع واللى قدامى كان مرسيدس وعدى عادى اللهم اعلم شاف الرصيف ازاى شكلة ساكن فى المنطقة وحافظها وبعدين حضرتك انا واخد الملف على واسع جدا وورا المرسيدس بس علشان الرصيف مش كامل صعب يتشاف حتى اللى قاعد جنبى ناحيتة مشافوش دة غير ان وانا داخل عربية راكنة ((بوزها ظاهر فى الصورة)) مغطيا علية انك تشوفو وانت بتلف ,,,, وبعدين حضرتك متقدرش تحكم ع الموقف طالما مشوفتوش وانا لو كنت حاسس ان 50% غلطى مكنتش كلفت نفسى انزل اصورة ولا حطيت الصور ولا حذرت الناس لانة كان هيبقى غلطى ,,

الشارع اللى ذكرته اتجاه خروج فقط الى شارع التحرير و حضرتك كنت داخل مخالف مع المخالفين و اليك رسم توضيحى انظر اليه جيدا و انت تعرف من المخطىء الرصيف ام حضرتك

يا استاذ ماتركساوى انظر جيدا ع الصورة هتلاقى فى صورة منهم الرصيف دة معمول وبيركن وراه عربيات انظر جيدا ع الصور ولو فعلا الشارع دة اتجاه واحد والمرور عاملاه كدا كان هيبقى فية يافطة ممنوع الدخول اللى موجود بس حديدة ظاهرة فى صورة من الصور معليهاش اى حاجة خالص ,, رسم حضرتك صح بس الشارع اتجاهين حضرتك ممكن تروح وتشوف لو تحب هما عاملين الجزيرة دية بيركنوا وراها مش اكتر يعنى مش المرور اللى عملاها زى كدا المطبات الصناعية اللى الاهالى بيعملوها وانا متاكد ان الشارع مش اتجاه واحد واانا مبجازفش بعربية زيرو علشان اخالف القواعد ,,

المشاركة الأصلية كتبت بواسطة sameh.acc

يا استاذ ماتركساوى انظر جيدا ع الصورة هتلاقى فى صورة منهم الرصيف دة معمول وبيركن وراه عربيات انظر جيدا ع الصور ولو فعلا الشارع دة اتجاه واحد والمرور عاملاه كدا كان هيبقى فية يافطة ممنوع الدخول اللى موجود بس حديدة ظاهرة فى صورة من الصور معليهاش اى حاجة خالص ,, رسم حضرتك صح بس الشارع اتجاهين حضرتك ممكن تروح وتشوف لو تحب هما عاملين الجزيرة دية بيركنوا وراها مش اكتر يعنى مش المرور اللى عملاها زى كدا المطبات الصناعية اللى الاهالى بيعملوها وانا متاكد ان الشارع مش اتجاه واحد واانا مبجازفش بعربية زيرو علشان اخالف القواعد ,,

اللى خلانى اوضح بالرسم هذا الموضوع ان هذا الشارع بجوار شغلى و دائما أخرج منه و بيحصل ازمة به بسبب المخالفين مثل حضرتك اللى بيدخلوا عكس الاتجاه و الطريق بيقف و بيحصل خناقات كمان لان هذا الشارع اتجاه خروج فقط الى شارع التحرير كما هو واضح جدا فى الرسم و كان فى يافطة و الناس كسرتها راحت الحكومة عملته بهذا الشكل اللى فى الصورة و طولت الرصيف اللى حضرتك بتشتكى منه علشان يبقى واضح امام الناس ان الشارع خروج فقط و ظاهر جدا من الرسم و مع ذلك الناس مصرة تخالف مثل حضرتك و تخش عكس الطريق و انا شوفت كذا واحد خبط عتب سيارته مثلك و هو بيحاول يدخل عكس الطريق
انا بس حبيت اوضح الموضوع علشان انت بتنصح الناس ياخدوا بالهم من الرصيف و كأن حضرتك ماشى صح و حصلك كدة و هذا ليس صحيح على العموم حصل خير بس خلى بالك بعد كدة و ربنا يسترها معانا جميعا