الموضوع: e90 2006 ماشيه 7000 كم تسوي كام دي !

المشاركة الأصلية كتبت بواسطة fahd_628

لأ كتييييييييييييير

أكد كتير يا باشا بس هي تسوي كم بقى؟ أنا شايف اخرها 170

عدادها ملعوب فيه الف ف الميه!! اكشف عليها ف التوكيل او على الاقل اطلع هناك معاه واطلب منهم صوره ملفها

المشاركة الأصلية كتبت بواسطة maskeen

عدادها ملعوب فيه الف ف الميه!! اكشف عليها ف التوكيل او على الاقل اطلع هناك معاه واطلب منهم صوره ملفها

ليه يعنى سوء النية؟ ايه المشكلة انو 7000كم فى 6 سنيين؟ مش يمكن كانت مرفوعه 5 سنين؟
المهم يا باشا إكشف عليها فى التوكيل و هى كبيرها 140 الف جنيه علشان ال200الف جنيه دى تجيب بيها 320 مو 2007/2008 كيلومترات قليله و فابريكا

انا شايف اقصي سعر ليها 145 الف

إذا كان الناس بيبيعو اللى ماشيه حاجه وستيم بحوالى 160 الف شايف انه مش منطقى ان دى تكون ب 145

المشاركة الأصلية كتبت بواسطة amr81

إذا كان الناس بيبيعو اللى ماشيه حاجه وستيم بحوالى 160 الف شايف انه مش منطقى ان دى تكون ب 145

كلامك صحيح -انا فاكرة بيتكلم عن 316 لانه مش موضح - لكن يبقي هو يقصد اكيد 320

العربية دي سعرها العادل ما بين 170 و-180 ، ولو بدون خدوش وعجباك قوي شكلاً ممكن تزود حاجة بسيطة ، لكن أكتر من كدة يبقى فيها خسارة .

بالنسبة لأنها 7 الاف في 6 سنين دة ممكن ، بس المشكلة في جو ذي جو مصر الحر والتراب إن كل الأجزاء الكاوتش هتكون ابتدت تنشف (خصوصاً كوتشات المقصات والعفشة )، والنقطة التانية كان بيعمل صيانة ازاي ؟ بمعنى إن كل الصيانات مفروض بتتعمل حسب الإستعمال أو المدة (يعني مثلاً الزيت كل 10 الآف أو سنة ، وزيت الفرامل يتغير كل 50 ألف أو سنتين .. وهكذا ) ، يا ترى هو كان بيعمل كل دة ولا معتمد انها ما مشيتش أصلاً وسيبها وماشي بنفس الزيت من ساعة ما اشتراها ؟

كشف التوكيل هيفحص النقاط دي ويقولك إيه إلي مطلوب يتعمل ليه صيانة دلوقتي ، لكن مش هيعمل كشف حالة موتور ، لأن كشف الموتور مش بيتعمل عندهم لموتور أقل من 12 ألف كيلو .