فيه كتير فى التوفيقية بيركبوا سنتر وانذار ودول بيبقوا فاهمين فى الموضوع ده عليك وعلى التوفيقية
عرض للطباعة
فيه كتير فى التوفيقية بيركبوا سنتر وانذار ودول بيبقوا فاهمين فى الموضوع ده عليك وعلى التوفيقية
اولا شكرا على الاطراء , وشكرا على مدح السيارة ال هايما وهى بجد تستاهل
ثانيا : انا كان قصدى ان العربية تكون مجهزة اصلا لقفل السنتر مع سرعة معينة ( زى كثير من العربيات و منها الهايما )وانا مش عارف هية بتاخد حساسية السرعة منين , فلو من الكاربيراتير فسيكون عن طريق خرطوم ضغط واصل بالكاربيراتير يمكن يكون الميكانيكى نسى يوصله - مجرد فكرة
الأخوة الأعزاء الأكارم الأشاوس الصناديد ( جمع صنديد).....لا أراكم الله مكروه فى عزيز...
أشكر كل من ساهم برأيه ونصحه ..ودى بصراحة حاجة تفرح وبتدل على إن البلد دى لسة فيها ناس محترمة..يعنى إحتمال يكون فى أمل..والله أعلم
حابب أقول لكم أخر التطورات..يمكن تكون تجربتى مفيدة لآخرين ولتعم الفائده.
توصلت لواحد متخصص جداً فى شغل السنتر والإنذار والحاجات دى ..وكانت نتيجة الحوارات كالآتى:-
- نعم يوجد علاقة وطيده بين هواء الكربيراتير والسنتر لوك الذى يعمل بالهواء فى بعض أنواع السيارات الخاصة ..ولكنه نظام طبيعى فى العربيات المرسيدس
-السنتر لوك إللى شغال فى عربيتى ..نظام كهربى وليس هواء
-لأنه نظام كهربى ..فقط حدثت صدفة سيئة أن خرف السنتر بعد ضبط الهواء ..ولكنه غير مسؤل عن خرفه
السيارة أصلاً غير مجهزة بالسنتر لوك ..ولكن مالكها قبلى أضاف لها سنتر ..لذا فهو كهربى بسيط
-المياة الناتجة من غسيل السيارة ..بالإضافة إلى مطبات شوارعنا الأمورة تسببو فى إنزلاق بض أطراف الكتاوت من مكانها الطبيعى .. أيضاً مطباتنا الحبيبة حركت رجلاش السقاطة الرئيسية الموجوده فى باب السائق, فإختلفت نقطة البداية والنهاية للمسوجر ....وبدأ الزهايمر
- تم التثبيت الجيد لأطراف الكتاوت وضبط نقطة رجلاش المسوجر ..واصبحت الدنيا بمبى والحمد لله ..وربنا ستر ..والعربية ماتسرقتش ..لحد دلوقتى
ومرة تانية وتالتة ..أشكر بشده كل من ساهم برأيه ونصييحته وخبرته ...وربنا يخليكو لينا ..وييجعله عامر ...وتحية خالصة من كفر الهنادوا ( فى العربيات)
على فكرة ..أنا خليت الهوم بيدج عندى فى الإنترنت موقع نايل موتورز....لأنه أصببح قيمة كبيرة جداً فى حياتى ..وعلشان فيه ناس محترمة زيكم :party::party:
مبروك عليك تصليح السنتر
اظن الدفاس وابو دقشوم مالهومش لازمه دلوقتي
والف مبروك ياباشا
الحكاية دي محتاجة كهربائي، مفيش اي علاقة نهائياً
بين السنتر لوك بتاع العربية وبين الكربيراتير.
مبروك تظبيط العربية و السنتر - خلاص بقه اصلى كنت بدور على مكانها و هى مفتوحة خيرها فى غيرها
ألف شكر ياجماعة الخير ....الواحد بيشعر إن وراه رجاله معاهم نبابيت الخبرة وقلبظات العلم والمعرفة...ربنا يعزكم جميعاً
وألف شكر لمن من ساهم برأيه ونصحه...والظاهر إنى هاصدعكم بالعربية دى ...أصل واخد على الفيات بأنواعه والبولينيز ( بمصر ) ...
ولما كان معايا الإيكو..والكريسدا..والكورول ا..والكورونا ( طبعاً بالتتابع مش كلهم مع بعض ) فى السعودية كنت بسلم مفتاح العربية لمهندس صيانة السيارات إللى تبع الشركةإللى كنت شغال فيها وأشوف شغلى ..وفى نهاية يوم العمل يجيب لى مفتاحها ويقوللى كله تمام....طبعاً هنا الموقف مختلف تماماً
أتمنى سعة صدركم ..والنبى ماحد يزعل منى...ربنا يعزكم