الى خبراء الهوندا..

**mr_joooe** · 07-04-2012 04:01 PM

الى خبراء الهوندا..
عندى مشكلة اول مرة تحصلى فى Civic 2009.. البطارية عندى جديدة مكملتش شهرين, ونامت منى اكتر من 4 مرات وشحنتها وكنت فاكر انى بسيب أى حاجة منورة فى العربية أو أن البطارية فيها عيب أو مشحتتش كويس .!! لكن لما حصلت نفس المشكلة تانى للمرة الخامسة شكيت انة يكون الدينمو مبيشحنش ولقيت علامة أول مرة اشفها فى التبلوة زى مفتاح أخضر مشرشر وفية زى ملف صغير من جوة .!!!
للاسف انا مش عارف دة أية وللأسف كمان ان شغلى فى مرسى علم .. وخايف لو شحنت البطارية وسافرت بيها Cairo العربية تبطل فى الطريق معيا ودى هتكون مشكلة كبيييييييييرة جداااااااا فى الطريق الطوييييييييل دة ... محتاج مساعدة ل

**abo-berry** · 07-04-2012 04:36 PM

روح لحد يكشف على الدينامو يشوفو بيشحن ولا لا

**Hamdy Masria** · 07-04-2012 04:37 PM

احسن حاجة ترجع للى اشتريت منه البطارية لأنها لسه فى الضمان
يكشفلك عليها ويتأكد ان الدينامو بيشحن كويس

**yalahwy2010** · 07-04-2012 05:07 PM

غير البطارية أحسن.........ممكن تكون بايظة
وأكيد القديمة اللى كانت معاك قعدت المدة بتاعتها .......من سنتين ل 3 سنين
فا دا يثبت ان الدينامو شغال
والعيب عيب بطارية
وبالتوفيق

**hany63** · 07-04-2012 05:36 PM

اكشف على سير الدينامو ممكن يكون بايظ
ووارد ان البطاريه بايظه فا مبتقبلش شحن
وبعدين انا مره رجعت من اسكندريه ببطاريه منتهيه المهم انك ما تطفيش الموتور

**haythamkmal** · 08-04-2012 12:20 PM

المفتاح الاخضر اللى فى التابلوه ده خاص بالايموليزر بينور فى حالة محاولة تدوير العربية بمفتاح غير مفتاحها ، وبمجرد انك تدور بمفتاح العربية اللمية بتطفى ولوش علاقة خالص بالشحن او البطارية.
بالنسبة للبطارية ، اتاكد الاول من شحن الدينامو وان البطاريو سليمة ومقاسها المظبوط بتاع العربية (يعنى متكوش جايب بطارية امبير اعلى مثلا) ، و برده لو مركب جهاز انذار خارجى غير بتاع العربية ممكن يأثر

**SAMEH_FOUAD** · 08-04-2012 12:24 PM

طيب شوف بقى ياباشا معلش عشان نقدر نجاوبك صح

دلوقتى لما بتيجى تدور العربية بتديك اعراض البطارية الخلاصنة يعنى بتلاقى النور بيخفت خالص ومش بتدور
ولا بتديك اية بالظبط ؟؟؟؟؟؟؟؟جاوبنى على السؤال عشان اقولك الحل ان شاء الله

**SAMEH_FOUAD** · 08-04-2012 12:29 PM

بالظبط كدة ياهيثم باشا

هو دلوقتى عندة ال immoplaizer warning , ودة معناة ان عندة البطارية بتاعة المفتاح نفسة هية اللى خلاصنة , او المفتاح هو اللى بايظ نتيجة مثلا لتعرضة لسوائل جت علية

فعشان كدة عايز اعرف منة اية اللى بيحصل , خصوصا ان عمر العربية ماهتدور غير لما اللمبة دية تتطفى