الموضوع: عايز ازود دعامات السقف بتاع عربيتى

السلام عليكم ورحمة الله وبركاتة
اولا انا معايا رينو لوجان موديل 2012 وامبارح رايح اركب عربيتى بكشف الغطا بعيد عنكم لقيت سقف العربية كله مضغوط لتحت زى مايكون حد كان بيرقص عليه بلدى طبعا قعدت ازعق واشتم ويولود كذا ويولود كذا المهم جارتنا المحترمة اللى فى الدور الاول قالتلى ياعم دول كلبين امبارح بالليل طلعوا فوق العربية وعملوها حلبة مصارعة مش بنى ادمين يعنى
المهم حاولت ارد الضغطات ديه بأيدى لحد مجيت عند حته كده مرديتش تتعدل ابدا قاللولى ديه تحتها عضم السقف ديه لازم السقف يتحل وتتعمل من جوه اما تدور على سمكرى عنده شفاط صاج يعدلهالك بالشفاط فمحتاج هذ السمكرى الرائع اللى عنده هذا الشفاط وكنت بفكر بما ان كده كده فرش السقف هيتحل ما نزود دعامات للسقف بالمرة بدل ما كل ما قطه اوكلب هيطلع فوق العربية هايدهمل امها كده محتاج نصائح اهل الخبرة وترشحاتكو لسمكرى يكون نجم يعمل القصة ديه دون اى تأثير على السيارة لحسن انا قلبى متقطع عليه من امبارح
ولكم كل الشكر