هو فيه شد على نظافة و شد مش نظيف ؟
حبيبى يا ابو حميد و الف سلامه على الحكه اللى فى الرفرف
انا مش عارف يابنى هو ايه اللى بيحصل معاك ده
انت لازم تبخر العربيه دى بجد
لحسن انا زهقتلك
بلنسبه للاخ بتاع السفيك ده
هتلاقيه عيل مجنون و متخلف و جاب العربيه دى من شبعه بعد جوعه ده اذا كانت بتاعته اساسا
انت عارف طبعا ركيبه الهوندا عاملين ازاى ( ده اللى بيحب الهوندا )
مش واحد حمار زى ده عمال يلوش و خلاص
عمتا يا سيدى حصل خير و كويس انك عرفت تلم العربيه و جت سليمه
^_^
حمدلله على سلامتك وبطل شقاوة يابطل
هضيف رج تانى يا ابو حميد
قريت فى تعليقاتك انك هتعرف تسد مع الهوندا
معلش كلامك غلط و زميل لينا فى المنتدى اهو وضحلك هو الفرق هيبقى فين و ازاى
و حاجه تانيه
لو لقيت اللى انت بتشد معاه عمال يزنق عليك و عشيم سواقه ادى الغيار الاعلى و سيبك منه
انت كده هتحرقه اكتر
بس انا حصل معايا موقف هحكيهولك
كان معايا ريجاتا و كنت عامل فيها شويه شغل فى الموتور موصله ل 1800 سى سى
خبطت كذا واحد على عينه فى شارع الهرم و انت عارفه طبعا ده و انا بجرب الموتور
لقيت واحد بعربيه بيجو و عمال يزنق عليا بعد ما هديت خالص و مصمم يلبسنى يعنى هيلبسنى
قمت واخد اول يو تيرن مع انه مش طريقى بس انا خلاص عملت اللى انا عايزه
و قمت ماشى فى الاتجاه التانى لقيته تقريبا قام واخد اليو تيرن اللى بعده و جالى بردو
و هو حالف انه هيلبسنى يعنى هيلبسنى لحد ما حط جنب العربيه
ساعتها بقا الدم طلع فى نفوخى و مقدرتش امسك نفسى خليته و هو بيزنق فى مره
قمت لاطش اخر الشنطه عنده خليته يلف فى نص الشارع ( ده كله علشان الحكه )
عدل العربيه و مصمم ييجى ورايا يخبطلى العربيه من ورا
فين و فين بقا اما شديت و دخلت ركنت فى شارع جانبى و شربت ازازه بيبسى عند كشك كده
لقيته ماشى فى الشارع طااااااااااير
انا وضحتلك كل ده بس علشان لما تلاقى الاشكال دى حاول تتغاضى عنها نهااااااائى احنا عايزين ناس نضيفه نشد معاها مش ناس فاكره الشد تزنيق و الجو ده
و ربنا يسترها علينا و عليك
^_^
انا مش كاتب الموضوع عشان ابحث عن التشجيع في صفي ولا ان الناس تمدح فيا ! مجرد كتبت حاجة حصلت معايا عشان الناس تاخد بالها وهي بتشد ! وتعرف ان فيه ناس للاسف منفسنة ! ؟ هدفها ومتعتها في الحياة انها تلبس اللى بيشد معاها
ومش متقبل اني غلطان لاني مش شايف اني غلطت في حاجة ! ! ؟ هل الغلط انك شفت واحد بيجري جريت معاه ؟ ماده حال الشارع المصري ! تبقى بتجري تلاقي حد سخن معاك ! او العكس
وطالما انا مش عايز اجري مع حد يبقى لما الاقي حد سخن معايا هقوم انا مهدي مش البسه ! ! ؟
اه يا كبير فيه شد نضيف
نشد مع بعض واحنا خايفين على بعض وعلى الناس اللى حوالين ! محدش يقفل على التاني ومحدش يزنق على التاني ! لو لقيته اتزنق افتحله الغرزة لو لقيت حاجة قدامي انبهه وهو ينبهني ! وفي الاخر سلام يا صاحبي وتحية بالكلاكس وكل واحد يروح لحاله
اولا الحمد لله انها جت فى حاجة بسيطة وهما الجماعة بتوع السيفيك دول حاسين بنفسهم شويتين هههههههههههه بس عايز الحق اول ما بتظهر سيفيك بيبقى كله عايز يشد معاها وخصوصا لو متروشة شوية لكن انت غلطان انك كملت معاه من الاول لاقيته كدا كنت كبرت دماغك منه وخليك فاكر ان الطريق مالوش كبير وبعدين يا سيدى فضى العربيه واعمل سيرفيسك وغير زيتك وانا موجود لو حبيت تعلم عليا ههههههه الف سلامة عليك وع العربية
هههههههههههه
حبيبي والله
هو انا معاك كان المفروض اسيبه في حاله بس عارف انت لما تلاقي واحد مستفز ! بيلبسك هتطلب معاك عند ومش هتسيبه ! وده اللى حصل
انا في الاخر بس قلقت من الفرامل لما العربية زحفت عشان كدة هديت
حبيبي يا بشمهندس هاني
يا كبير كفايا بس الواحد يشوف حضرتك ويقعد معاك حبة لا تقولي شد بقى ولا حاجة
ده القعدة مع الهونداوية والله ماتتقدرش بتمن
الله يسلمك يابوحميد والله انا تعبت ونفسيتي تعبت مش عارف ايه اللى بيحصل ده
كل شوية خبطة في عطل في خبطة في عطل لما الواحد زهق !
وطبعا الهونداوية على عيني وراسي من فوق واحسن واجدع ناس مافيش كلام
بس سعات مش عارف ليه بحس لما بيكون شب وراكب سيفيك اكنه بيتنطط على الخلق كدة ماتفهمش ليه وقابلت كذا واحد على الطريق كدة :hitwall3:
الله يسلمك يا كبير
يا كبير انت تضيف رد تاني وتالت وعاشر موضوعك يا معلم
وانا ماقلتش اني هطلع منها بس على الاقل هيبقى فيه اداء ده لو كنت لوحدي
العربية بعد ماركبت فيها ال Exhaust system فرقت جااامد ! ! بقت فايقة كدة وبتروح على السرعات العالية بسهولة
وانت هتقولي على الشد في شارع الهرم بحسه متعة والله ولو ان بيبقى فيه خطورة وربنا اللى بيسترها في الاخر :hitwall3:
الله يسلمك وهي لا كانت متروشة ولا حاجة بس ان جيت للحق هي فعلا عربية تخطف العين مافيش كلام
ربنا يبارك لاصحابها فيها
ويا كبير انت وهوندتك على راسي من فوق
نورتي والله
أولا يا احمد ربنا يباركلك في عربيتك
هو غلطان في جزء كبير وانت غلطان في جزء برضه
انت عارف هو غلط في ايه
انما معلش يا احمد انا هعتبرك زي أخويا وأسمع مني
غلطتك شفتها ليك في كذا موضوع
بتطلع من غرز مش شايفها
أو بتكبس علي اللي قدامك جامد فامتشوفش منه
فاكر موضوع أبو رواش تقريبا لما مشيت ورا عربية طلعت في المعاكس وانت خرجت وراه من غير ما تشوف مين جي ؟
حاول ماتخرجش لمكان مش شايفه أو ماتكبسش علي عربية لأنك مش شايف زيه
انما اللي انت عملته كنت انا هعمله
هو نرفزك أكيد بالحركة بتاع انه يقرب منك جامد
خد بالك من الطريق وكفاية شد
انا بدأت أبطلها
واضح يا أستاذ أحمد أنك و زملائنا و أخوانا الشديدة مقتنعين تمام الأقتناع ان الشد مش غلط أدام حللته بالطريقة دي .
أنت عامل زي اللي بيهزر بمطواه في وسط سوق
بس بتقول أنا ببقى خايف على زميلي أبو مطواه و بنهزر مع بعض من غير ما نأذي بعض .
ممكن نية الآذية مش موجودة عندك
و لكن الفعل يُعاقب عليه قانون المرور الأنجليزي بسنتين سجن و سحب الرخصة و غرامة مفتوح تقديرها للقاضي . و لو القيادة الخطر نتج عنها حادث فيه أموات
الحبس 10 سنوات و سحب الرخصة و غرامة مفتوحة يحددها القاضي .و سحب الرخصة من الممكن يكون نهائي و للأبد . أو حسب ظروف الحادث و مدى مشاركتك فيه .
دي عينة من القوانين اللي بيتم تطبيقها في الدول المتقدمة للقيادة اللي حضرتك حللتها دلوقتي .
العيب مش على حضرتك ........ العيب على اللي بيدينا رخص و خلاص و اللي مش بيطبق القانون و سايبين البلد سداح مداح .
أنا آسف ما تزعلش مني و لكن دي الحقيقة المؤسفة
انت كان ممكن تعدي منه تحت 120 (السيفيك في المنطقه دي عربيه عاديه جدا) بس بعد كده التسارع بتاعها عالي جدا ومش ممكن هتحصله
حاجه تانيه لسلامتك بجد لما تجري لاااااااااااازم تكون كاشف الطريق قدامك لمسافه كبيره وكل مالسرعه تزيد لازم تكون كاشف بمسافه اكبر عشان تكون عامل حساب المفاجات وربنا يستر طريقنا جميعا