المشاركة الأصلية كتبت بواسطة se_coralsea
طيب اللي بيقولك أوروبي و ألماني و أمريكاني و ماعرفش ايه
النهاردة راجع من الشروق و بصراحة ماشي علي مهلي علشان زحمة الطريق في المنطقة دي و المرة دي بقي بالجيتز يا معلمين
المهم لاقيت ميني كوبر راح معدي من جنبي و شوية و بيهدي و شكله عايز يشد مع الجيتز لكن و لا عبرته لأن مش في دماغي أساسا
المهم فضل يحاول و يعمل غرز و في الاخر عديت منه من غير و لا غرزة و من غير شد و بنفس سرعتي
الواد أتجنن و سخن و هنا بقي طلع له عفريت ماكانش في الحسبان .....
أكسنت rp رمادية اللون و مجنطة و صاحبها مظبطها علي الاخر ...
الأكسنت عدت زي الطلقة من جنبنا و هنا الميني كوبر سخن و انا شديت وراهم علشان أشوف هاترسي علي أيه
بصراحة كنت متابعهم من بعيد لحد مادخلنا الكمين بتاع أول الطريق و بدأت الاكسنت تهدي و تدي أشارة شمال علشان تلف و تدخل الرحاب و لاميني كوبر وراه و أنا وراهم
المهم بعد اليوتيرن الأكسنت هدي و ساب الميني كوبر يعدي منه و أول مابدأ يفرق عمل كيك داون و لاقيت عجل الاكسنت اللي ورا بيلف في التراب و العربية فطت و هوب ......
عدت الميني كوبر
و بعد كام متر احنا الثلاثة دخلنا طريق الرحاب و كانت الميني كوبر قدامي مباشرة و الأكسنت أختفت
ماشوفتهاش أنا و الميني كوبر غير عند بوابة 18 كانت واقفة منتظرة الميني كوبر اللي لفت و انا كملت علي بوابة 17
أيه رأيكوا بقي يانجوم ؟؟
هيونداي عربيات زبالة فعلا .... بس اللي بيسوقوها نجوووووووووم فوق العادة