للاسف بتبقى "عقد نقص" ..
تلاقي واحد شاري عربية "اوروبي" بالشيء الفلاني ... و فاكر انه شاري اقوى و ائمن حاجة في العالم ..
ينزل الشارع يلاقي منها 3 عربيات كل سنة متباعة d:
يجي يدور على قطع غيار ... مافيش
يدور في التوكيل .... بالطلب ... استنى اسبوعين ...
يقرف و يجي يبعها .... لو لقى حد يشتريها اصلا بنص تمنها ...
يبص حواليه يلاقي هيونداي و كيا في كل حتى و ارخص من عربيته على الاقل ب 30% و كل حاجتها موجودة ! وفرق الاداء او الامان الرهيب الي هو فرحان بيه ده .. والله في بعض الحالات لا يتعدى ال 20% !!
يبتدي بقى يهاجم وخلاص ... و سبحان الله العربية مثلا كاسبة احسن سيارة في امريكا 2011 ... لا طبعا مش دي الي بتنزل عندنا ! دي التانية معمولة من ماء ذهب !!
^^ دي العينة الاولى ..
العينة الثانية للاسف ناس مش لاقية تاكل اصلا بس معاهم عربيات "اوروبية" من زمن خوفو و خفرع و منقرع و مش عارف اصلا يجيب العربية الكوري الي بيشتم فيها !! فيهاجمها وخلاص !! (انا اسف على العنصرية بس ده الي بيحصل).
العينة الثالثة بقى ...
واحد راكب بالعافية اول فئة في عربية ياباني ... يمكن يكون فيها الكاسيت اوبشن اصلا ! و دافع في ثمنها 3 مرات ثمنها علشان عليها علامة ياباني ... و تلاقيها كمان بطة على الطريق ولا حتة فيها ريحة الثبات ! و يلاقي حاجة زي السيراتو الكوبيه ولا السول .. فيها كل حاجة نقصاه في عربيته و ائمن و اثبت !! يقوم يقولك دي بعد 10 سنين بتطلع في الروح ! كوري زبالة !
--
دي باختصار سيناريوهات الهجوم ...
وبصراحة كنت بقعد اقول .. ياجماعة هي عربيات جيدة مش احسن عربيات و كدة من باب الحيادية اولا و الحقيقية ثانيا .. بس من ساعة ما لقيته الناس مغيبة كدة و بيعبدوا الماركات و خلاص ..
لا بقى السيارات الكورية افضل من الاوروبية واليابانية .. و بمراحل بقى كمان ..
موتوا بغظيكم .. Lol
المفضلات